Áramótabrennur og flugeldasýningar á Norðurlandi vestra
Gamlársdagur er á morgun og það má reikna með að margur hugsi sér gott til glóðarinnar og fíri upp flugeldum af miklum móð. Björgunarsveitirnar eru með sölu á slíkum varningi víðast hvar á þéttbýlisstöðum – ef ekki hreinlega öllum. Engir eru snjóskaflarnir til að stinga flugeldunum í áður en þeim er skotið á loft en það er jákvætt að útlit er fyrir skaplegt veður annað kvöld.
Norðanvindur verður framan af degi en þegar myrkrið færist yfir á ný lægir og má reikna með breytilegri átt á Norðurlandi vestra, 2-5 m/sek. Það kólnar þegar líður að helgi en áfram er spáð hægum vindi.
Áramótabrennur og flugeldasýningar
Að sjálfsögðu verða brennur og flugeldasýningar um víðan völl; áramótabrenna verður á Móhól ofan við Hofsós og hefst kl. 17:00. Flugeldasýning hefst 17:30. Á Hólum í Hjaltadal verður áramótabrenna kl. 20:30 og á slaginu 21:00 hefst flugeldasýning. Í Varmahlíð verður flugeldasýning á túninu neðan Varmahlíðar kl. 17:00. Á Sauðárkróki verður síðan áramótabrennan sunnan við leikskólann Ársali kl. 20:30 en flugeldasýningin hefst kl. 21:15.
Í Húnaþingi vestra verður flugeldasýning björgunarsveitarinnar Húna við Hvammstangahöfn á milli kl. 21 og 22 á gamlárskvöld. Þar verður síðan þrettándabrenna á nýju ári.
Í Húnabyggð verður áramótabrenna og flugeldasýning uppi á Miðholti á Blönduósi sem Björgunarfélagið Blanda annast. Kveikt verður í brennunni kl. 20:30 og hefst flugeldasýningin skömmu síðar.
Þá hefur Feykir upplýsingar um að brenna og flugeldasýning verður á Skagaströnd.
Fleiri fréttir
-
Hver verður Maður ársins á Norðurlandi vestra 2025?
feykir.is Skagafjörður, Austur-Húnavatnssýsla, Vestur-Húnavatnssýsla 30.12.2025 kl. 12.05Líkt og undanfarin ár leitar Feykir til lesenda með tilnefningar um mann ársins á Norðurlandi vestra. Síðast var það Ásta Ólöf Jónsdóttir á Sauðárkróki sem var kjörin maður ársins fyrir árið 2024 en nú er komið að því að finna verðugan aðila til að taka við nafnbótinni Maður ársins á Norðurlandi vestra 2025. Feykir óskaði eftir tilnefningum og rökstuðningi og hér má sjá þau sem tilnefnd hafa verið:Meira -
„Leggst með rassinn framan í mig“
feykir.is Skagafjörður, Mannlíf, Lokað efni, Ég og gæludýrið mitt 30.12.2025 kl. 11.22Á Hólmagrundinni á Króknum búa krakkarnir Árelía Margrét, Ingimar Hrafn og Hafþór Nói ásamt foreldrum sínum, Ásu Björgu og Grétari Þór. Á heimilinu leynist einnig ferfætlingur, hundur sem ber nafnið Þoka og er af gerðinni Schnauzer. Þetta er reyndar ekki í fyrsta eða annað skiptið sem Schnauzer heimsækir okkur í gæludýraþáttinn því við höfum t.d. fengið að kynnast þeim Herberti, Tobba, Hnetu og Freyju sem eru af þessari tegund. Það er reyndar mismunandi hvort þau flokkist sem miniature, standard eða giant en hún Þoka er standard.Meira -
Fyrsta meistararitgerðin frá Hestafræðideildinni á Hólum varin
feykir.is Skagafjörður, Lokað efni 30.12.2025 kl. 10.18Þann 12. desember síðastliðinn varði Johannes Amplatz Meistararitgerð sína frá Hestafræðideild Háskólans á Hólum. Sagt er frá því á heimasíðu skólans að þessi meistaravörn hafi markað tímamót við deildina þar sem Johannes varð fyrsti neminn til að ljúka meistaragráðu frá deildinni en hann mun formlega útskrifast í maí í vor.Meira -
Ákveðið að peningar frá Héraðsnefnd Strandasýslu renni í Riis-húsið
feykir.is Vestur-Húnavatnssýsla 30.12.2025 kl. 09.03Húnaþing vestra hefur ákveðið að verja þeim fjármunum sem sveitarfélagið fékk við slit Héraðsnefndar Strandasýslu til endurbyggingar Riis-hússins á Borðeyri. Í frétt á Húnahorninu segir að Héraðsnefnd Strandasýslu hafi nýverið verið slitið en Húnaþing vestra varð aðili að nefndinni við sameiningu sveitarfélagsins við Bæjarhrepp. Við slitin var bankainnistæðum nefndarinnar skipt á milli þeirra sveitarfélaga sem áttu aðild að henni.Meira
