Áskell Heiðar framkvæmdastjóri 1238, The Battle of Iceland
Áskell Heiðar Ásgeirsson hefur verið ráðinn framkvæmdastjóri fræðslu- og upplifunarmiðstöðvar um Sturlungaöldina sem opnar á Sauðárkróki síðar á árinu. Miðstöðin hefur fengið nafnið 1238, The Battle of Iceland.
Áskell Heiðar er menntaður landfræðingur frá Háskóla Íslands, með diplómu í opinberri stjórnsýslu frá HÍ og MA gráðu í ferðamálafræði og viðburðastjórnun frá Háskólanum á Hólum og Leeds Metropolitan University. Áskell Heiðar hefur skipulagt fjölda viðburða hérlendis á undanförnum árum t.d. tónlistarhátíðirnar Bræðsluna og Drangey Music Festival, auk þess að stýra síðustu tveimur Landsmótum hestamanna sem fram fóru á Hólum í Hjaltadal árið 2016 og í Reykjavík sl. sumar. Þá hefur hann einnig kennt viðburðastjórnun og ferðamálafræði við Háskólann á Hólum og Háskóla Íslands undanfarin ár. Áskell Heiðar starfaði hjá sveitarfélaginu Skagafirði í tæpan áratug m.a. á vettvangi ferða-, kynningar- og menningarmála.
Fræðslu- og afþreyingarmiðstöðin 1238, The Battle of Iceland, segir sögu Sturlungaaldarinnar með hjálp nýjustu tækni í miðlun og sýndarveruleika. Áhersla er lögð á þá stóru bardaga sem einkenndu öld Sturlunga, einkum Örlygsstaðabardaga sem fram fór árið 1238. Sýningin er gagnvirk sem þýðir að gestir taka mikinn þátt í henni og skapa sína upplifun að hluta til sjálfir. Henni er ætlað að höfða til allra aldurshópa. Í miðstöðinni verður einnig veitingastaður, upplýsingamiðstöð og safnbúð með vörum sem tengjast miðstöðinni svo og íslensku handverki og hönnunarvörum.
1238 er í eigu Sýndarveruleika ehf. og stjórnarformaður þess er Ingvi Jökull Logason. Unnið hefur verið að uppbyggingu miðstöðvarinnar í rúm tvö ár. Húsnæði sem áður hýsti mjólkursamlag og skrifstofur KS hefur verið gert upp og fær nú nýtt hlutverk, að miðla sögu Sturlungaaldarinnar til Skagfirðinga og gesta þeirra.
Áskell Heiðar segist mjög spenntur fyrir þessu nýja verkefni: „Ég hef áður tekist á við svipað verkefni, en minna í sniðum þegar ég setti upp Kjarvalsstofu á Borgarfirði eystra fyrir mörgum árum og þá hef ég fjölbreytta reynslu af ferðaþjónustu í gegnum viðburðaskipulag mitt á síðustu árum. Ég þekki líka vel til í ferðaþjónustu svæðisins frá fyrri störfum mínum og hlakka mikið til að vinna að uppbygginu á þessu metnaðarfulla verkefni sem Ingvi Jökull og hans fólk hefur lagt mikla vinnu í að undirbúa“.
Stefnt er að opnun 1238, The Battle of Iceland í vetur.
/Fréttatilkynning
Fleiri fréttir
-
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira -
Gleðilegt sumar
feykir.is Skagafjörður, Austur-Húnavatnssýsla, Vestur-Húnavatnssýsla 25.04.2024 kl. 11.55„Það er komið sumar...“ sungu Mannakorn um árið og það á við í dag. Í það minnsta er sumardagurinn fyrsti í dag og þó það sé kannski ekki sami stemmari fyrir þessum degi á þessari öld og var á þeirri síðustu þá fylgir deginum oftar en ekki bjartsýni og ylur í hjarta – já, eiginlega sama hvernig viðrar.Meira -
Giggó-appið snýst um að bjarga sér | Spjallað við Kjartan Hall
feykir.is Skagafjörður, Mannlíf, Lokað efni 25.04.2024 kl. 10.38Í janúar rak blaðamaður augun í nýtt app sem kallast Giggó sem er sett fram af Alfreð. Þar sem það var gamalkunnur Skagfirðingur út að austan, lista- og íslenskumaðurinn Kjartan Hallur frá Melstað í Óslandshlíðinni, sem kynnti þetta á Facebook, var að sjálfsögðu tilvalið að senda á hann nokkrar spurningar. Kjartan Hallur er í Alfreðs teyminu og segir starf sitt hjá Alfreð fyrst og fremst vera að ritstýra, semja texta og samræma skilaboð fyrir appið, heimasíðu og þjónustuvefi Alfreðs. „Og núna hefur Giggó-appið bæst við á verkefnalistann. Þar undir er heimasíða, bloggskrif og vinna í markaðssetningu á þessu nýja verkfæri fyrir íslenska gigg-hagkerfið,“ segir hann.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.