Atvinnuleysi lægst á Norðurlandi vestra
Atvinnuleysi er lægst á landinu á Norðurlandi vestra, eða aðeins 1,3%, samkvæmt nýjum tölum Vinnumálastofnunar. Í frétt Húnahornsins segir að skráð atvinnuleysi á landinu öllu í október hafi verið 3,9% og hafði þá aukist um 0,4% frá mánuðinum á undan. Í október 2024 var atvinnuleysið hins vegar 3,4%. Að meðaltali voru 8.030 atvinnulausir í október síðastliðnum, 4.661 karl og 3.369 konur. Meðalfjöldi atvinnulausra fjölgaði um 682 manns milli mánaða.
Atvinnuleysi hækkaði mest á Suðurnesjum, fór úr 5,6% í 7,1%. Atvinnuleysi lækkaði hvergi á landinu. Atvinnuleysi var 3,6% á landsbyggðinni í október mánuði og 4,1% á höfuðborgarsvæðinu. Á Austurlandi er atvinnuleysi 1,9%, Vesturlandi 2,6%, Vestfjörðum 2,7% og á Norðurlandi eystra 2,8%.
Atvinnuleysi karla var hærra en kvenna á landinu öllu í október og á meirihluta svæða. Mestur var munurinn á atvinnuleysi á Norðurlandi eystra þar sem atvinnuleysi karla var 3,1% en atvinnuleysi kvenna 2,4%. Á Vestfjörðum var því þó öfugt farið en þar mældist 3,0% atvinnuleysi meðal kvenna en 2,4% meðal karla.
Heimild: Húni.is
Fleiri fréttir
-
Arnar ánægður með orkuna í húsinu og lausnamiðaða leikmenn
feykir.is Skagafjörður, Íþróttir, Lokað efni 12.11.2025 kl. 12.19Feykir hafði samband við Arnar þjálfara í morgun eftir góðan sigur Tindastóls á Manchester og byrjaði að spyrja hvað hann var ánægðastur með í leik Tindastóls. „Ég var sérstaklega ánægður með orkuna í húsinu. Áhorfendur voru alveg stórkostlegir í gær. Mér fannst leikmenn mjög klókir að finna nyjar lausnir sóknarlega, þar sem Manchester gerði mjög vel að klippa á hluti sem við höfum gert vel í vetur. Strákarnir vour hinsvegar fljótir að sjá nýjar opnanir sem buðust við það.“Meira -
Hlutur tónlistar í menningarhúsi á Sauðárkróki og nýtni hússins | Aðsend grein
feykir.is Skagafjörður, Aðsendar greinar, Listir og menning 12.11.2025 kl. 11.27Boðuð hefur verið bygging húss skagfirskrar lista- og safnastarfsemi á Sauðárkróki sem á að vera tilbúin á næstu árum. Það er spennandi verkefni og mun efla samfélagið á Sauðárkróki og víðar. Varðandi starfsemi hússins hefur verið tekið fram að það verði leik- og safnahús en ekki aðstaða til tónlistarflutnings og að Miðgarður í Varmahlíð hafi það hlutverk.Meira -
Glæstur sigur á Manchester í spennuleik í Síkinu
feykir.is Skagafjörður, Íþróttir, Lokað efni 12.11.2025 kl. 10.08Annar heimaleikur Tindastóls í ENBL Evrópukeppninni var spilaður í Síkinu í gærkvöldi fyrir framan um 600 áhorfendur. Frábær stemning var í Síkinu og buðu Stólarnir og gestir þeirra frá Manchester á Englandi upp á frábæra skemmtun, spennandi körfuboltaleik, dramatískar lokasekúndur og þá var auðvitað frábært að sigurinn lenti okkar megin. Lokatölur 100-96.Meira -
Ágætis veður áfram í kortunum
feykir.is Skagafjörður, Austur-Húnavatnssýsla, Vestur-Húnavatnssýsla 12.11.2025 kl. 08.33Það er miðvikudagurinn 12. nóvember í dag, styttist óðfluga í aðventuna og fólk þarf að fara að grafa upp jólalagalistana sína fyrr en varir. Jafnaðargeð hefur helst einkennt Vetur konung síðustu vikuna og útlit er fyrir að lítil breyting verði á því fram yfir helgi. Þó gæti aðeins bætt í vind seinni partinn á morgun - fimmtudag - og jafnvel boðið upp á lítils háttar snjókomu. Á föstudag lægir og sólin brýst fram.Meira
