Bágborin æfingaaðstaða á Króknum
Fyrstu deildar lið Tindastóls í fótbolta hefur hafið undirbúning sinn fyrir keppnistímabilið 2013 en eins og boltaáhugamenn vita stóð liðið sig mjög vel síðasta sumar þrátt fyrir hrakspá sumra. Leikmannahópurinn nú er tvískiptur og æfir annar hópurinn á höfuðborgarsvæðinu en hinn á Sauðárkróki þar sem aðstæður eru skelfilegar um þessar mundir.
Strákarnir við moksturinn.
Aðalæfingasvæði liðsins og í raun allra keppnisflokka Tindastóls er lítill gervigrassparkvöllur við Árskóla sem er einungis 15 x 30 mtr. að stærð og sá sá langminnsti í Skagafirði, að sögn Ómars Braga Stefánssonar formanns knattspyrnudeildar Tindastóls. Ómar segir að undanfarið hafi ekki verið hægt að nota völlinn þar sem snjór og klaki hefur þakið hann og því mættu leikmenn m.fl. karla með skóflur á æfingu í gærkvöldi og mokuðu og hreinsuðu snjó af vellinum sem tók dágóða stund.
Enn er mokað og klakastykkjum kastað út af vellinum
Einhverjum kann að finnast að strákarnir hafi bara gott af því að beita skóflunum en höfum það hugfast að verið er að æfa íþrótt þar sem gerð er krafa um árangur, ekki einungis í meistaraflokkum karla og kvenna heldur einnig efstu flokkum yngri deildarinnar.
Fannar tók á því
Gaui fínpússaði völlinn svo hann væri ekki eins hættulegur
Mörkin voru full af snjó
Snjómoksturshópurinn
Fleiri fréttir
-
Öll verkefni lögreglunnar voru af jákvæðari gerðinni á Hofsósi
feykir.is Skagafjörður, Mannlíf, Lokað efni 24.06.2025 kl. 15.40Þrjár lögregluáhafnir voru viðstaddar á bæjarhátíðinni Hofsós heim um síðustu helgi. Á Facebook-síðu Lögreglunnar á Norðurlandi vestra segir að það sé gleðilegt að öll verkefni lögreglunnar á svæðinu hafi verið af jákvæðari gerðinni, engir árekstrar á milli manna eða vandamál sem kröfðust úrlausnar lögreglu.Meira -
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira
