Barðdalinn fór holu í höggi

feykir.is Skagafjörður, Íþróttir 29.07.2010 kl. 11.27

 

Reynir Barðdal fór holu í höggi á 137 metra langri 6. braut Hlíðarendavallar á Sauðárkróki í gærkvöldi. Er þetta í fyrsta skipti sem Reyni tekst þetta ætlunarverk allra kylfinga. -Þetta gleður mann óneitanlega, segir Reynir.

Reynir segir þetta vera yndislegt enda búinn að vera að í golfinu yfir 20 ár án þess að hafa komið kúlunni alveg ofaní holuna í upphafshöggi. Aðspurður um hvort hann hafi verið nálægt því áður segir Reynir að það séu allir voða nálægt, vanti örfáa sentimetra. Reynir segir að það sem geri þetta enn skemmtilegra er að þetta gerðist á móti en Ólafshússmótið var í gærkvöldi. -Þetta er eins stórkostlegt og hægt er að hafa það.

Hvað skal gera ef maður fer holu í höggi? Á vef Einherja á Golf.is er sagt frá því hvernig eigi að bera sig að ef einhver vinnur þetta skemmtilega afrek:

Ef kylfingur vinnur það afrek að fara “Holu í höggi” á golfvellinum, ber honum að uppfylla eftirtalin skilyrði til að fá það viðurkennt:

  • 1. Leika þarf minnst 9 holur og vera með a.m.k. einn meðspilara (vitni).
  •  
  • 2. Höggið verður að vera það fyrsta sem slegið er af teig og í átt að holu.
  •  
  • 3. Völlurinn sem afrekið er unnið á verður að vera minnst 4000 metra langur og vera viðurkenndur sem keppnisvöllur af GSÍ eða sambærilegum erlendum aðila. Ekki er viðurkennd “Hola í höggi” af par 3 völlum eða áþekkum æfingarvöllum.
  •  
  • 4. Skorkort verður að fylla rétt út. Á það skal einnig rita nafn, dagsetningu-hvenær afrekið var unnið, á hvaða velli og á hvaða braut svo og heimilisfang og kennitölu leikmannsins. Verður þetta allt að vera á blaðinu svo afrekið sé viðurkennt.
  •  
  • 5. Tilkynna verður um afrekið til klúbbstjórnar eða starfmanns á þeim golfvelli þar sem það var unnið. Einnig ber að senda gögn – bréf og eða ljósrit af skorkorti – til skrifstofu Golfsambands Íslands strax eftir að afrekið var unnið. Ber leikmanni sjálfum að tryggja að slíkt sé gert. Senda má gögnin með símbréfi – faxi – til GSÍ.
  •  
  • 6. Í lok hvers árs eru þau sem fóru “Holu í höggi” á árinu kölluð saman. Þar fá þau afhenta viðurkenningu fyrir afrekið frá Einherjaklúbnum. Venjulega fer þessi afhending fram á milli jóla og nýárs og er sagt frá með góðum fyrirvara í fjölmiðlum.
  •  
  • 7. Sá sem fer “Holu í höggi” er með því að senda gögnin til GSÍ orðin fullgildur meðlimur í Einherjaklúbbi Íslands.
Til baka

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir

  • Frá leik Tindastóls og Stjörnunnar á dögunum. MYND: JÓI SIGMARS

    Þriðja eins marks tap Stólastúlkna í röð

    feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52 oli@feykir.is
    Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.
    Meira

  • Erfið byrjun Húnvetninga í 2. deildinni

    feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34 oli@feykir.is
    Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.
    Meira
  • Addi Ólafs fagnar markinu sínu. MYND: ©SIGURÐUR IINGI

    Tindastólspiltar með sigur í fyrsta leik

    feykir.is Skagafjörður, Íþróttir, Lokað efni 04.05.2025 kl. 02.52 oli@feykir.is
    Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.
    Meira
  • Stólarnir eru komnir í úrslitaeinvígið. Þetta verður eitthvað.... MYND: DAVÍÐ MÁR

    Það verða læti!

    feykir.is Skagafjörður, Íþróttir, Lokað efni 03.05.2025 kl. 23.24 oli@feykir.is
    Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.
    Meira
  • Hákon Snorri í hlutverki Jakobs, föður Gosa í samnefndu leikriti. MYND AÐSEND

    Stefnir á matvælafræði í haust en Listaháskólinn heillar líka

    feykir.is Skagafjörður, Lokað efni 03.05.2025 kl. 09.00 gunnhildur@feykir.is
    Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.
    Meira
Yfirlit frétta