Bleiki dagurinn er í dag!
Á Bleika deginum berum við Bleiku slaufuna, klæðumst bleiku og lýsum skammdegið upp í bleikum ljóma til að minna á að það er list að lifa með krabbameini. Við stöndum með öllum konum sem greinst hafa með krabbamein og aðstandendum þeirra. Hvar fæst Bleika slaufan? Í verslun og vefverslun Krabbameinsfélagsins og hjá hátt í 400 söluaðilum um land allt.
Á síðu Krabbameinsfélagsins segir: „Bleika slaufan er lítil og nett en þrátt fyrir það kemur hún miklu til leiðar og snertir samfélagið allt. Í ár hefur hún þrátt fyrir smæð og fínleika ótrúlega þyngd, vegna reynslu hönnuðarins, Thelmu Bjarkar Jónsdóttur, listakonu sem lifir með ólæknandi krabbameini og lýsir í átakinu, ásamt fleiri konum, listinni við að lifa með ólæknandi krabbameini.
Í 26 ár hefur Bleika slaufan verið veigamikill þáttur í starfi Krabbameinsfélagsins, bæði sem vitundarvakning og fjáröflun. Og ekki veitir af. Baráttan við krabbamein felst ekki í einhverju einu. Hún vinnst ekki nema nýttar séu fjölbreyttar leiðir um landið allt. Stuðningur, forvarnir, greining og meðferð og vísindastarf eru þar lykilþættir.
Bleika slaufan sýnir ekki aðeins samstöðu og samhug heldur er hún líka stór þáttur í fjármögnun fjölbreytts starfs félagsins. Hún stendur meðal annars undir hagsmunagæslu félagsins fyrir þá sem fá krabbamein og aðstandendur þeirra. Sú vinna er oft sýnileg þar sem Krabbameinsfélagið kemur fram sem málsvari fólks með krabbamein en ekki síður bak við tjöldin með samtölum við stjórnvöld og veitendur heilbrigðisþjónustu þar sem félagið miðlar upplýsingum til þeirra sem skipuleggja og veita þjónustu.“
Þess má geta að pappírsútgáfa Feykis er að venju með bleikan haus allan októbermánuð en næsta blað, sem kemur út 29. október, verður tileinkað bleikum október.
Fleiri fréttir
-
Flæðar á Sauðárkróki | Deiliskipulagstillaga
feykir.is Skagafjörður 22.10.2025 kl. 12.00Sveitarstjórn Skagafjarðar samþykkti á 42. fundi sínum þann 15. október 2025 að auglýsa deiliskipulagstillögu fyrir „Flæðar á Sauðárkróki“ í samræmi við skipulagslög nr. 123/2010. Deiliskipulagstillagan er sett fram á uppdrætti nr. DS-01 í verki nr. 56292110 dags. 13.10.2025 ásamt greinargerð með sömu dagsetningu unnin af Stoð ehf. verkfræðistofu í samvinnu við sveitarfélagið Skagafjörð.Meira -
Vonast eftir góðri þátttöku á aðalfundi SUNN
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.10.2025 kl. 10.48Aðalfundur Samtaka um náttúruvernd á Norðurlandi (SUNN) fyrir árið 2025 verður í Kakalaskála í Skagafirði, mánudagskvöldið 27.október kl. 20:00. Á dagskrá fundarins eru hefðbundin aðalfundarstörf, erindi frá Landvernd og þá mun Nína Ólafsdóttir, rithöfundur og líffræðingur, kynna nýútkomna bók sína, Þú sem ert á jörðu. Feykir spurði Rakel Hinriksdóttur, formann SUNN, hvað það væri sem helst brenni á náttúruverndarfólki þessi misserin.Meira -
Opinn dagur í Höfðaskóla í dag
feykir.is Austur-Húnavatnssýsla, Mannlíf, Lokað efni 22.10.2025 kl. 10.00Í dag er opið hús í Höfðaskóla á Skagaströnd frá kl. 16:00 til 18:00 og á heimasíðu skólans segir að öll séu hjartanlega velkomin. Þetta er frábært tækifæri til að koma í heimsókn og kynnast starfi skólans betur. Þá er Góðgerðarvika Höfðaskóla hafin og nemendur og starfsfólk er farið að setja í kassana sem eiga að fara til Úkraínu.Meira -
Krónan býr sig ekki til sjálf | Hjörtur J. Guðmundsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.10.2025 kl. 09.05Fullyrðingar um að vaxtastigið hér á landi sé vegna krónunnar standast enga skoðun. Þetta hafa fjölmargir hagfræðingar og sérfræðingar í fjármálum bent á og fært gild rök fyrir á liðnum árum. Þeir sem ákveðið hafa að krónan sé vandamálið taka vitanlega engum slíkum rökum en hafa að sama skapi ekki getað hrakið þau. Þeirra aðferð hefur einfaldlega verið sú að fullyrða að krónan væri sökudólgurinn án haldbærra raka og fjalla síðan um það hversu hörmuleg hún sé fyrir vikið.Meira
