Blönduósingurinn Eysteinn Pétur er nýr framkvæmdastjóri KSÍ
Varnarjaxlinn ólseigi, Eysteinn Pétur Lárusson, Blönduósingur og Bliki síðustu árin, hefur verið ráðinn framkvæmdastjóri KSÍ en hann mun hefja störf 1. september 2024. Eysteinn Pétur kemur til KSÍ frá Breiðabliki þar sem hann var framkvæmdastjóri aðalstjórnar og áður knattspyrnudeildar félagsins í rúm 10 ár.
Eysteinn Pétur kemur til KSÍ frá Breiðabliki þar sem hann var framkvæmdastjóri aðalstjórnar og áður knattspyrnudeildar félagsins í rúm tíu ár. Breiðablik rekur tólf deildir sem samanstanda af rúmlega 3.000 iðkendum. Áður en Eysteinn fór til Breiðabliks starfaði hann sem framkvæmdastjóri og þjálfari knattspyrnudeildar hjá Hvöt á Blönduósi og Þrótti í Reykjavík þar sem hann var einnig íþróttastjóri. Eysteinn hefur því víðtæka reynslu á sviði íþrótta og knattspyrnu.
„Ég er fyrst og fremst þakklátur fyrir það traust sem mér er sýnt með því að hafa orðið fyrir valinu og hlakka ég til að takast á við komandi verkefni innan knattspyrnuhreyfingarinnar. Ég mun kveðja Breiðablik með söknuði og miklu þakklæti til alls þess frábæra fólks sem kemur að félaginu með einum eða öðrum hætti,” segir Eysteinn Pétur nýr framkvæmdastjóri KSÍ í spjalli á vef Knattspyrnusambands Íslands.
Eysteinn er uppalinn á Blönduósi og bjó þar til tvítugs. Eysteinn, sem er sonur Lárusar Jónssonar og Sigrúnar Zophoníasdóttir, er með B.Ed gráðu frá Kennaraháskóla Íslands og MLM gráðu í forystu og stjórnun frá Háskólanum á Bifröst. Hann er giftur Brynhildi Olgu Haraldsdóttur og eiga þau þrjá syni. Hilda er Króksari, dóttir Halla heitins Guðbergs og Ingu Guðbjarts.
Eysteinn, sem er fæddur árið 1978, gerði fótboltagarðinn frægan með liðum Hvatar, Tindastóls og síðast Kormáki/Hvöt sumarið 2013. Bestu árin átti hann þó með liði Þróttar Reykjavík í efstu og næstefstu deild þar sem hann var m.a. fyrirliði um árabil. Það má geta þess að hann skoraði eitt mark fyrir Tindastól í 1. deildinni sumarið 2000. Það var í leik gegn Sindra sem endaði með 2-1 sigri. Skráð er í annála KSÍ að Eysteinn hafi skorað á 38. mínútu en sex mínútum síðar hafi Örn læknir fengið að líta rauða spjaldið á bekknum.
Fleiri fréttir
-
Fjögur víti dæmd í fjörugum jafnteflisleik í Hveragerði
feykir.is Skagafjörður, Íþróttir 20.05.2024 kl. 21.34Tindastólsmenn heimsóttu lið Hamars í Hveragerði í dag í 4. deildinni í fótboltanum. Stólarnir unnu fyrsta leikinn í deildinni á dögunum en lið Hamars hafði spilað tvo leiki og unnið báða. Liðin buðu upp á markaleik í dag en skiptu stigunum jafnt á milli sín eftir að dómarinn gaf báðum liðum tvær vítaspyrnur í leiknum – fjórar alls! – þar sem mögulega hefði ekki átt að dæma eina einustu. Lokatölur 3-3.Meira -
Þórir Guðmundur og Eva Rún valin best í vetur
feykir.is Skagafjörður, Íþróttir 20.05.2024 kl. 14.24Lokahóf Körfuknattleiksdeildar Tindastóls var haldið á Kaffi Krók síðastliðið föstudagskvöld og þar var gert upp sögulegt tímabil þar sem karlaliðið stóð ekki undir væntingum en kvennaliðið daðraði við að komast í efstu deild í fyrsta sinn á öldinni. Þórir Guðmundur Þorbjarnarson og Eva Rún Dagsdóttir voru valin bestu leikmennirnir af samherjum sínum.Meira -
Vor á ný er fínasta fínt með Slagaarasveitinni
feykir.is Austur-Húnavatnssýsla, Vestur-Húnavatnssýsla, Listir og menning 20.05.2024 kl. 14.02Hið þverhúnvetnska gæðaband, Slagarasveitin, sem skipað er mönnum á besta aldri, sendi í fyrrahaust frá sér samnefnda tólf laga breiðskífu. Útgáfunni fylgdi sveitin eftir með stórtónleikum í Iðnó í Reykjavík 22. september og daginn eftir stigu þeir á svið í Félagsheimilinu á Hvammstanga. Platan er fáanleg á föstu formi en ekki á Spotify en þangað hafa þeir félagar týnt eitt og eitt lag af plötunni og nú í byrjun maí streymdu þeir laginu Vor á ný.Meira -
Velkomin heim - Helga Einarsdóttir
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir, Lokað efni 20.05.2024 kl. 09.00Helga Einarsdóttir er yngst þriggja systra, dóttir Lillu frá Stóru Seylu, sem kannski ekki allir vita að heitir Margrét Erna Halldórsdóttir, og Einars Sigurjónssonar sem flutti ungur í Skagafjörðinn úr Garðabænum. Betri helmingur Helgu er hrein- ræktað borgarbarn og heitir Daníel Fjeldsted og eru börnin tvö, Kolbrún Ósk 4 ára og Viktor Einar 2 ára. Helga og Danni eins og hún kallar hann fluttu „heim“ í Helgu tilfelli fyrir rétt tæpu ári síðan. Helga er rekstrarverkfræðingur og starfar hjá Húsnæðis- og mannvirkjastofnun.Meira -
Minni halli á Skagaströnd en áætlanir gerðu ráð fyrir
feykir.is Austur-Húnavatnssýsla 19.05.2024 kl. 12.08Húnahornið segir frá því að Sveitarfélagið Skagaströnd hafi skilað 46,8 milljón króna neikvæðri rekstrarniðurstöðu í fyrra en síðari umræða um ársreikning sveitarfélagsins 2023 fór fram á sveitarstjórnarfundi þann 10. maí sl. Niðurstaðan var þó 8,7 milljónum króna betri en áætlun með viðaukum haft gert ráð fyrir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.