Bókasafn Skagastrandar komið með aðgang að Rafbókasafninu
Bókasafn Skagastrandar er nú komið með aðgang að Rafbókasafninu sem er samstarfsverkefni Landskerfis bókasafna og Borgarbókasafns Reykjavíkur. Á vef Rafbókasafnsins segir að markmið verkefnisins sé að bjóða almenningi upp á aðgang að fjölbreyttu úrvali raf- og hljóðbóka. Rafbókasafnið er nú aðgengilegt lánþegum nær allra almenningsbókasafna á Íslandi eða 62 söfnum. Enn sem komið er eru flestar bækurnar á ensku en stefnt er að því að auka framboðið á íslensku efni sem fyrst.
Rafbókasafnið er langþráð viðbót í bókasafnsflóruna og inniheldur fjölbreyttan safnkost, líkt og á öðrum bókasöfnum. Þar má finna skáldverk, fræðirit og rit almenns efnis, bæði nýtt og eldra efni, að því er segir á vef Skagastrandar. Meginhluti efnisins er á formi rafbóka, en hlutur hljóðbóka fer ört stækkandi.
Aðgangurinn að Rafbókasafninu er innifalinn í árgjaldi til Bókasafns Skagastrandar. Til að virkja aðgang að rafbókasafninu þarf að koma við á bókasafninu og fá bókasafnsskírteini og notendanúmer og lykilorð til að nota á heimasíðu Rafbókasafnsins. „Rafbækurnar má ýmist lesa á vef safnsins, rafbokasafnid.is, eða á snjalltækjum í gegnum Overdrive-appið (finnst í App store og Play Store). Þannig geta lesendur notað hvert tækifæri til að lesa sínar bækur, í síma eða á spjaldtölvu, hvar sem er og hvenær sem er. Í raun þýðir þetta að lesendur hafa heilt bókasafn í vasanum. Rafbókasafnið er alltaf opið og þar eru engar sektir, því kerfið sér sjálft um að skila bókum þegar lánstími er útrunninn“ segir á vef Skagastrandar.
Árgjaldið hjá Bókasafni Skagastrandar er 2.050 krónur. Aldraðir og öryrkjar fá frí skírteini en þeir þurfa að framvísa örorkuskírteini hjá bókaverði. Börn og ungmenni sem eru 18 ára og yngri fá einnig frí bókasafnsskírteini.
Opnunartími bókasafnsins er:
- Mánudagar kl. 16-19.
- Miðvikudagar kl. 15-17.
- Fimmtudagar kl. 15-17.
Fleiri fréttir
-
Hljóp í 33 klukkustundir
feykir.is Skagafjörður, Íþróttir, Lokað efni 22.09.2025 kl. 11.47Bakgarðshlaupið í Heiðmörk var ræst sl. laugardag 20. september á slaginu klukkan níu og er hlaupinn 6,7 km hringur á hverjum klukkutíma þar til einn stendur eftir sem sigurvegari. Hringurinn er ræstur á heila tímanum og ræðst hvíld keppanda eftir því hvað þú ert fljótur að hlaupa hringinn.Meira -
Tekist á um ágæti virkjana í Skagafirði
feykir.is Skagafjörður, Lokað efni 22.09.2025 kl. 09.31Í Speglinum á Rás2 Ríkisútvarpsins var á föstudaginn sagt frá því að deilur um virkjanir í skagfirskum jökulsár hafi blossað upp í kjölfarið á því að Jóhann Páll umhverfisráðherra lagði til að virkjunarkostir í Héraðsvötnum yrðu færðir í biðflokk í stað verndarflokks. Meirihluti sveitarstjórnar vill virkja en Vinstri græn og óháð leggjast gegn því.Meira -
Grindhvalur fannst á óvæntum slóðum
feykir.is Skagafjörður, Lokað efni 21.09.2025 kl. 20.51Feykir fékk á föstudagskvöldið upphringingu þar sem tilkynnt var um óvanalegan hvalreka og myndir af hvalnum fylgdu í kjölfarið. Umsvifalaust var send fyrirspurn á Náttúrustofu Norðurlands vestra og það kom í ljós að þar vissu menn um hvalrekann en um var að ræða grindhval sem þótti svo sem ekki heyra til tíðinda. Það sem kom þó á óvart var staðsetningin.Meira -
Kotasæluvefja og baunapylsur | Feykir mælir með
feykir.is Skagafjörður, Í matinn er þetta helst, Lokað efni 21.09.2025 kl. 14.05Í tbl. 23 á þessu ári var Feykir að mæla með tveimur girnilegum uppskriftum frá vinkonu okkar Berglindi Hreiðarsdóttur sem er með heimasíðuna Gotteri og gersemar. Var á þeim tíma ekki búin að prufukeyra þá og er ekki enn.... en það hlítur að styttast í að ég gefi mér tíma í það enda virka þeir auðveldir í framkvæmd og efast ekki um að þeir eigi eftir að vera bragðgóðir.Meira -
Örnám, einstakt tækifæri | Aðsend grein
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 21.09.2025 kl. 12.33Þann 15. september komu saman rektor Háskólans á Hólum ásamt deildarstjórum, prófessor, gæðastjóra og kennslustjóra með fulltrúum Háskólafélags Suðurlands, SASS og atvinnugreinum á Suðurlandi til vinnufundar um samstarf á nýrri nálgun í háskólamenntun, þróun örnáms á háskólastigi.Meira
