Breiðhyltingar reyndust sterkari gegn baráttuglöðum Stólastúlkum
Stólastúlkur spiluðu annan leik sinn í 1. deild kvenna í gær þegar sterkt lið ÍR mætti í Síkið. Lið Tindastóls gerði vel í fyrsta leikhluta en villuvandræði lykilleikmanns snemma leiks dró svolítið úr heimastúlkum og Breiðhyltingar gengu á lagið og tryggðu sér sigurinn með góðum leik í þriðja leikhluta. Lokatölur 52-75.
Það hefur jafnan verið á brattan að sækja hjá Stólastúlkum gegn liði ÍR sem hafa síðustu árin verið sterkar og reynslumiklar. Lið ÍR byrjaði betur en fimm stig frá Ingu Sólveigu komu heimastúlkum á bragðið og með góðum leik náðu þær forystunni og leiddu 15-9 þegar rúmar sjö mínútur voru liðnar. Maddie Sutton nældi sér í tvær villur seint í fyrsta leikhlutanum og hafði fengið fyrstu villuna snemma leiks og þetta flækti leikinn fyrir lið Tindastóls. Jafnt var, 16-16, þegar annar leikhluti hófst en það var ekki fyrr en um hann miðjan sem gestirnir náðu forystunni. Þær náðu mest ellefu stiga forystu fyrir hlé en körfur frá Maddie og Evu Rún löguðu stöðuna. Staðan 33-40 í hálfleik.
Lið ÍR hóf síðari hálfleikinn sterkt og voru fljótlega komnar 15 stigum yfir, 35-50. Jan tók þá leikhlé og í kjölfarið lagaði Maddie stöðuna fyrir heimastúlkur, gerði sjö stig í röð og minnkaði muninn í ellefu stig, staðan 42-53 og fjórar mínútur eftir af þriðja leikhluta. Gestirnir fundu hinsvegar taktinn á ný og skelltu í lás í vörninni því lið Tindastóls náði ekki að bæta við stigum í heilar tíu mínútur eða þar til tæpar fjórar mínútur voru eftir af leiknum. Þá var staðan orðin 42-70. Stelpurnar okkar gáfust þó ekkert upp og náðu að laga stöðuna lítillega fyrir leikslok.
Maddie var stigahæst með 15 stig en í gær var það Ksenja sem skilaði mestu framlagi Stólastúlkna, gerði 10 stig, tók sjö fráköst og átti sex stoðsendingar. Inga Sólveig skilaði tíu stigum á töfluna og þremur fráköstum en Eva Rún gerði sjö stig og tók sjö fráköst. Í liði ÍR var Danielle Reinwald best en hún gerði 17 stig og hirti 14 fráköst og á hæla hennar kom Kristín Matthíasdóttir sem gerði 16 stig og tók fimm fráköst.
Í spjalli við Hjalta Árna á Karfan.is sagði Jan Bezica þjálfari Tindastóls að lið sitt hefði spilað betur en í fyrsta leik tímabilsins, liðið hefði undirbúið sig vel fyrir að mæta sterku liði ÍR en reynsluleysi hefði komið í kollinn á Stólunum. Hann var ánægður með að Stólastúlkur voru sterkar og börðust allt til loka leiks. Næsti leikur liðsins er í Vesturbænum, rétt eins og hjá strákunum, og taka KR-stúlkur á móti Stólastúlkum nk. laugardag kl. 18:00.
Fleiri fréttir
-
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.