Bútó gefur Bútasaumsteppi
Mánudaginn 15. nóvember s.l. boðuðu bútasaumskonurnar í Bútós Brynjar Bjarkason, forstöðumann Sambýlisins á Blönduósi, á sinn fund. Tilefnið var að afhenda Brynjari fjögur rúmteppi fyrir íbúa Sambýlisins.
Fyrr á árinu hafði Brynjar samband við félaga í Bútós, sem er félagsskapur nokkurra kvenna frá Blönduósi og Skagaströnd, til að athuga möguleikann á að kaupa teppi af hópnum, en konurnar tóku málin í sínar hendur og í sameiningu saumuðu þær teppin fjögur en Brynjar keypti vattfyllinguna í þau. Notuðu konurnar saumaaðferð þar sem þær blönduðu efnum frá öllum í hópnum saman og saumuðu fram- og bakhliðar þannig. Útkoman var vægast sagt litrík og glaðleg.
Stór þáttur í bútasaumnum er vattstunga teppanna og voru Bútóskonur svo lánsamar að þegar leitað var eftir tilboðum í stungu bauð eitt fyrirtæki stunguna ókeypis. Stjörnuspor, fyrirtæki þeirra Halldóru Þormóðsdóttur og Hrafnhildar Svavarsdóttur, hefur haft það fyrir reglu að gefa á hverju ári vattstungu á svokölluð Hetjuteppi og urðu teppin á Sambýlið á Blönduósi fyrir valinu að þessu sinni.
Teppunum fylgdu góðar kveðjur til nýrra eigenda og óska Bútós konur að þeir njóti vel.
Þetta er ekki í fyrsta sinn sem Bútós konur gefa eitthvað sem þær sauma. Fyrsta gjöfin var veggteppi til Heilbrigðisstofnunarinnar á Blönduósi á fimmtíu ára afmæli hennar, svo fengu börnin á leikskólanum Barnabæ kúruteppi fyrir hvíldarstundir. Heilsugæslan á Skagaströnd fékk veggteppi á síðasta ári, hetjurnar Matthildur og Halldóra í Austurríki fengu rúmteppi í sumar og nú íbúar Sambýlisins rúmteppin fjögur.
Nú er bara að bíða og sjá hvað Bútóskonur gera næst.
Fleiri fréttir
-
Varmahlíðarskóli áfram í úrslit Skólahreysti 2025
feykir.is Skagafjörður, Íþróttir 13.05.2025 kl. 10.35Varmahlíðarskóli tók á dögunum þátt í undankeppni Skólahreysti í riðli 1 á Akureyri. Liðið lenti í 2. sæti riðilsins með jafnmörg stig og sigurvegarar Grunnskóla Húnaþings vestra.Meira -
Bongóblíða um helgina
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 10.03Verðurspáin næstu daga er frétt, það þarf nefnilega ekki alltaf bara að skrifa þegar það eru gular viðvaranir. Kannski má samt segja að það sé gul viðvörun í þessari frétt því næstu dagar líta svo sannarlega vel út og samkvæmt spánni verður mjög gott veður um helgina og hægt að segja að það verði bongóblíða um allt land. Hlýindi, birta og lítill vindur.Meira -
Menningarauðlind ferðaþjónustunnar
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 09.45Á vef SSNV er verið að minna á spennandi dagskrá ráðstefnunnar Menningarauðlind ferðaþjónustunnar sem sameinar skapandi hugsun og stefnumótandi umræðu sem fram fer í Hofi á Akureyri á morgun 14. maí. Þar sem rýnt verður í framtíð menningar, ferðaþjónustu og stefnumótun. Ekki er lengur laust sæti í sal en hægt er að skrá sig og vera með í streymi HÉRMeira -
Búið að opna fyrir skráningar á námskeiðin á Prjónagleðinni
feykir.is Skagafjörður, Austur-Húnavatnssýsla, Vestur-Húnavatnssýsla 13.05.2025 kl. 08.55Það styttist í Prjónagleðina sem haldin verður í Húnabyggð helgina 30. maí - 1. júní og nú er loksins búið að opna fyrir skráningar á námskeiðin sem verða í boði. Í tilkynningunni frá skipuleggjendum segir að allir ættu að finna eitthvað við sitt hæfi. Námskeiðin fara að mestu leyti fram í Húnaskóla þetta árið en þó eru námskeið sem haldin eru í Kvennaskólanum og Textíl Labinu.Meira -
Beint streymi úr æðarvarpi frá Hrauni á Skaga
feykir.is Skagafjörður 13.05.2025 kl. 07.25Það er eitt og annað sem vekur áhuga fólks fyrir framan skjáinn. Á dögunum var sagt frá því a Svíar fylgjast af áhuga með hreindýrum vaða ár á leið sinni milli svæða í Svíaríki. Gísli Einars var frumkvöðull í þessu svokallaða Slow TV og leyfði þjóðinni að fylgjast með sauðburði hjá Atla og Klöru á Syðri-Hofdölum fyrir fáeinum árum. Nú geta áhugasamir fylgst með beinu streymi úr æðarvarpi á Hrauni á Skaga.Meira
