Dagatal að norðan - Kirkjan kemur til fólksins
Jóladagatölin eru af ýmsum toga sem fólk notar til að telja niður dagana fram að jólum. Kirkjan í Skagafirði ákvað að færa kirkjustarfið til fólksins með hjálp tækninnar og hafa útbúið skagfirskt jóladagatal þar sem „einn gluggi birtist á tölvuskjá“ á Facebooksíðu Kirkjunnar í Skagafirði hverjum degi síðustu vikurnar fyrir jól. Á heimasíðu Þjóðkirkjunnar kirkjan.is er þessu verkefni gerð góð skil og segir þar að svo heppilega vilji til að í Skagafirði séu kirkjurnar 24 talsins þar sem 24 dagar eru til jóla. Fólki sé boðið inn fyrir dyr til að taka þátt í stuttum bænastundum í skagfirskum kirkjum sem eru fallegar og margar hverjar gamlar.
Að sögn Sigríðar Gunnarsdóttur, sóknarprest á Sauðárkróki opnaðist fyrsti glugginn sl. sunnudag, þann fyrsta í aðventu, með kveðjum úr Flugumýrarkirkju með tónum frá Vorvindum glöðum. Nýr gluggi opnast á hverjum degi úr kirkju í Skagafirði.
Kirkjan.is spurði prófast Skagfirðinga, sr. Döllu Þórðardóttur á Miklabæ, nánar út í málið.
„Hver og einn prestur sér um upptökur,“ segir sr. Dalla, „minn upptökumaður er gjaldkeri Flugumýrarsóknar, Hannes Bjarnason og dóttir hans Emilia Kvalvik Hannesdóttir, sem fermdist í haust sér um að klippa efnið og ýmislegt annað tæknilegt.“
Prófasturinn er vel í sveit settur hvað tæknimálin snertir með þetta öndvegislið með sér. Og auðvitað bjarga aðrir klerkar sér líka:
„Sr. Halla Rut á Hofsósi hefur beðið vini og vandamenn um að koma með sér á kirkjurnar til að taka upp en sjálf sér hún um að klippa efnið,“ segir sr. Dalla „og sama gerir sr. Sigríður á Sauðárkróki sem klippir með aðstoð unglingsins á heimilinu en meðhjálparinn hefur tekið upp.“ Hún segir að sr. Gísli í Glaumbæ hafi fengið aðstoð frá kollega, sr. Höllu Rut og tekið upp fyrir hana í staðinn og það sé Bryndís Heiða Gunnarsdóttir sem sjái um að klippa efnið.
Gluggadagatal aðventu má sjá hér: Kirkjan í Skagafirði.
„Þetta er enn eitt dæmið um að kirkjan heldur ekki að sér höndum í kófinu. Starf kirkjunnar er sýnilegt og sá öflugi hópur starfsmanna og sjálfboðaliða sem hún hefur á að skipa,“ segir á Kirkjan.is.
Aðventustund í FlugumýrarkirkjuHér opnast fyrsti glugginn í aðventudagatalinu. Aðventukveðjur úr Flugumýrarkirkju með tónum frá Vorvindum glöðum. Nýr gluggi opnast á hverjum degi úr kirkju í Skagafirði.
Posted by Kirkjan í Skagafirði on Sunnudagur, 29. nóvember 2020
Fleiri fréttir
-
Sumardagurinn fyrsti á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 14.50Í Húnaþingi vestra hefur sumardagurinn fyrsti verið haldinn hátíðlegur allt frá árinu 1957 og í ár verður engin breyting á því þegar félag eldri borgara í samstarfi við Hestamannafélagið Þyt og hefst með ókeypis sirkussýningu í Þytsheimum klukkan 12:00.Meira -
Sóldísir í Gránu
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 11.32Kvennakórinn Sóldís heldur lokatónleika söngársins í Gránu á Sauðárkróki í kvöld, miðvikudaginn 24.apríl, svo nú er síðasti séns að hlusta á kórinn flytja lög Magnúsar Eiríkssonar.Meira -
Jón Oddur sigraði A-deild á lokamóti Kaffi Króks mótaraðarinnar
feykir.is Skagafjörður, Íþróttir 24.04.2024 kl. 11.00Lokamótið í Kaffi Króks mótaröðinni í pílu þetta vorið fór fram í gærkvöldi. Átján kempur mættu til leiks hjá Pílukastfélagi Skagafjarðar að þessu sinni og var keppt í þremur deildum. Sigurvegari í A deild var Jón Oddur Hjálmtýsson en í B deild var það Brynjar Snær Halldórsson sem sigraði. í C deildinni var það síðan Heiðar Örn Stefánsson sem stóð uppi sem sigurvegari.Meira -
Karlakórinn Lóuþrælar syngja inn vorið
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 10.57Karlakórinn Lóuþrælar syngja inn vorið í Félagsheimilinu á Hvammstanga í kvöld, miðvikudaginn 24. apríl, og hefjast tónleikarnir kl. 20.00.Meira -
Vortónleikar Skagfirska Kammerkórsins
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 24.04.2024 kl. 09.40Í aðdraganda Sæluviku þegar vorið fer að koma halda kórar gjarnan tónleika og deila með áheyrendum uppskeru vetrarstarfsins. Skagfirski Kammerkórinn er engin undantekning á því. Árlega heldur kórinn tónleika á Sumardaginn fyrsta. Sumar er í sveitum er yfirskrift tónleikannan en kórinn syngur undir stjórn Rannvá Olsen.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.