Einbeitingarleysi kostaði Hvöt 3 stig í gær
Blíða var á Blönduósi í gær og því tækifæri á því að sýna skemmtilegan fótbolta. Heimamenn sóttu mikið í byrjun og átti Damir Muminovic m.a. skot í þverslá á 3. mínútu en það dró til tíðinda á 12. mínútu er Mirnes Smajlovic skoraði fyrir Hvöt.
Mirnes fylgdi þá eftir færi Bjarna Pálmasonar sem komst einn á móti markmanni en markmaðurinn varði boltann fyrir fætur Mirnes sem gat ekki annað en skorað.
Liðin skiptust á að sækja eftir þetta og sköpuðu sér nokkur fín færi án þess að skora. Það var hins vegar á 31. mínútu leiksins að Hattarmenn náðu að jafna leikinn en þá brást rangstöðugildra heimamanna og Vilmar Freyr Sævarsson stakk sér inn fyrir vörnina og skallaði í markið og staðan því 1-1 í hálfleik.
Síðari hálfleikur byrjaði líkt og sá fyrri en Ellert Eiríksson átti þá fínt skot rétt yfir mark gestanna en fátt markvert gerðist í síðari hálfleik fyrr en á 80. mínútu en þá fengu Hvatarmenn hornspyrnu eftir að skot Damirs hafði lent í afturenda Albins fyrir opnu marki gestanna. Upp úr hornspyrnunni komast Hattarmenn í skyndisókn sem endar með því að Albin Biloglavic brýtur á einum leikmanni Hattar innan teigs, að áliti dómara, og vítaspyrna dæmd. Úr vítaspyrnunni skorar Stefán Þór Eyjólfsson.
Eftir þetta datt botninn úr leik heimamanna og þremur mínútum síðar fær Sigurður Donys knöttinn rétt utan við vítateiginn og lætur vaða á markið og inn fór boltinn, óverjandi fyrir Atla Jónasson í markinu.
Staðreyndin varð 1-3 tap heimamanna og liðin höfðu því sætaskipti á töflunni en nú sitja Hattarmenn í 3ja sætinu en Hvöt í því fjórða.
/Húni.is
Fleiri fréttir
-
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira -
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.