Einn ríkasti maður heims rennir fyrir laxi í Blöndu
Húnahornið segir frá því að fjölmargir forvitnir íbúar Blönduóss lögðu leið sína niður á höfn þegar fréttist af komu skútu einnar. Þegar hún nálgaðist land sást að þarna var á ferð glæsilegt fley. Skútan heitir Hetairos og er skráð i George Town á Cayman eyjum. Skútan kom siglandi frá Akureyri en þar hefur hún verið síðastliðna viku.
Skútan mun liggja við landfestar á Blönduósi næstu daga en fréttir segja að eigandi hennar sé væntanlegur í laxveiði í Blöndu og mun ætla að gista í henni milli þess að hann reynir fyrir sér í veiðinni.
Fréttaritari heyrði einn heimamann spyrja hvaðan skútan væri og þegar svarið var Cayman Island spurði sá sami um hæl: „Do you know Jón Ásgeir?“ Ekki hafði hann heyrt minnst á þann kauða en aðrir héldu að um borð væru peningar okkar Íslendinga sem geymdir voru á Cayman eyjum en ekki fékkst það uppgefið.
Eigandi skútunnar, sem er 141 fet eða um 43 metra að lengd og 8 metra að breidd og ku vera 18 ára gömul, er Otto Happel 59 ára gamall Þjóðverji sem er númer 287 á lista Forbes yfir ríkustu menn heimsins. Ríkidæmi hans er metið á 3 billjarða bandaríkjadala en hann er giftur og á 6 börn. Til marks um efnahag Otto þá er ríkidæmi Roman Abramovich eiganda Chelsea talið vera 18,7 billjónir dollara.
Skútan mun eftir veiðiferð í Blöndu og vonandi góða veiði, halda til Grænlands og Jan Mayen áður en haldið er til heitu landanna aftur. Hægt er að forvitnast meira um skútuna á þessari síðu http://www.rodiek.biz/engl/gallerie/hetarios/index.html en það er óhætt að segja að hún sé geggjuð að innan sem utan.
Fleiri fréttir
-
Vísnakeppni Sæluviku 2025
feykir.is Skagafjörður, Listir og menning, Mannlíf, Lokað efni 04.05.2025 kl. 14.56Við setningu Sæluviku Skagfirðinga er venja að birta úrslit í árlegri vísnasamkeppni, vonandi verður hún á Sæluvikudagskránni næstu hálfa öldina amk. Markmiðið er að fá fólk til að rifja upp kynni við skáldagyðjuna, botna fyrirfram gefna fyrriparta og yrkja vísu eða vísur um ákveðið efni. Í ár er það eftirtektarverður og ógnvekjandi stjórnunarstíll forseta nokkurs vestanhafs sem er yrkisefnið. Aukning þátttöku í prósentum talið er að nálgast efri tollamörk Trömps. Bárust okkur svör frá 21 hagyrðingi undir alls 26 dulnefnum . Sumir botnuðu alla fyrriparta ásamt því að senda inn eina eða fleiri vísur, einhverjir sendu aðeins eina stöku og allt þar á milli. Hver hafði sína hentisemi með það. Úr nógu var því að moða og erfitt verk beið dómnefndar.Meira -
Þriðja eins marks tap Stólastúlkna í röð
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.52Eftir sigur í fyrstu umferð Bestu deildar kvenna hefur lið Tindastóls nú tapað þremur leikjum í röð en allir hafa leikirnir tapast með eins marks mun og liðið verið vel inni í þeim öllum. Í gær heimsóttu Stólastúlkur gott lið Þróttar sem hafði lúskrað á okkar liði í Lengjubikarnum 9-0. Eftir hálfrar mínútu leik í gær var staðan orðin 1-0 og margir óttuðust skell. Fleiri urðu mörkin hins vegar ekki og 1-0 sigur Þróttar niðurstaðan.Meira -
Erfið byrjun Húnvetninga í 2. deildinni
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 04.05.2025 kl. 12.34Við skulum vona að fall sé fararheill hjá knattspyrnuliði Húnvetninga því ekki sóttu þeir gull í greipar Austfirðinga í gær. Þá öttu þeir kappi við lið KFA í Fjarðabyggðahöllinni í fyrstu umferð 2. deildar karla í knattspyrnu. Þegar upp var staðið höfðu gestgjafarnir hreinlega alls ekkert verið gestrisnir, gerðu átta mörk á meðan gestirnir gerðu eitt.Meira -
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.