Ekkert bensín hjá Bjarna Har lengur
Eftir hartnær 87 ár hefur bensínsölu verið hætt hjá Verslun Haraldar Júlíussonar á Sauðárkróki og verið að fjarlægja tanka úr jörðu og dælu af stalli sínum framan við búðina. Kaupmaðurinn síungi, Bjarni Har, segir tilfinninguna dálítið óþægilega en hann býst við að hann muni jafna sig. „Þetta er langur tími: Ég hef verið þriggja ára þegar bensíndælan kom fyrst. Þetta hefur gengið vel en nú vill heilbrigðisfulltrúinn losa okkur við dæluna,“ segir Bjarni, ekki alveg sáttur.
Verslun Haraldar Júlíussonar var stofnuð árið 1919 í timburhúsi sem stóð á sama stað og núverandi verslunarhús, sem var byggt 1929-1930. Byggðasafn Skagfirðinga var í samstarfi við Verslun H. Júlíussonar á árunum 2003 til 2009 á meðan tæpt stóð að versluninni yrði lokað en á heimasíðu safnsins kemur m.a. fram að það hafi endurnýjað skiltið sem sett var upp um 1940 og sömuleiðis hillur og búðarborð, árið 2003.
Fyrir ekki svo löngu hóf nýr starfskraftur að vinna í búðinni með Bjarna, Kirsten Kröner – Dreiner, sem vill láta kalla sig Kiki. „Hún er mjög góð, áhugasöm og dugleg,“ segir Bjarni.
Bjarni fagnaði 90 ára afmæli sínu í skugga Covid þann 19. mars sl. en stefndi á að slá upp veislu og var hún áætluð í ágúst en út af ástandinu þurfti að slá henni á frest. Bjarni er samt ekki alveg vondaufur um að hún fari fram þótt síðar verði.
„Ég ætla að reyna að þrauka og halda veisluna, vonandi næsta sumar. Ég vil ekki hafa hana um hávetur. Það þarf að vera almennilegt veður, fólk má ekki vera veðurteppt eða verða fyrir öðrum óþægindum. Ég stefni á næsta sumar og vonandi að veiran verði farin þá,“ segir Bjarni.
Fleiri fréttir
-
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.