Eldri borgarar frá vinabænum Nokia í Finnlandi heimsækja Blönduós
Þann 10. október síðastliðinn komu 28 félagar eldri borgara í vinabænum Nokia í heimsókn til Blönduóss. Formaður félagsins Eeva Enwald var fararstjóri. Þetta er þriðja heimsókn Eevu til vinabæjarins Blönduóss og Kai maður hennar var að koma í annað sinn.
Hópurinn kom með rútu frá Akureyri með viðkomu í Glaumbæ þar sem safnið var skoðað. Hófst móttaka þeirra á Blönduósi við Pottinn og pönnuna. Kári Kárason tók á móti gestunum fyrir hönd Blönduóssbæjar og bauð upp á léttan málsverð. Eftir mat var kirkjan skoðuð með leiðsögn Aase Dunn. Heimilisiðnaðarsafn og Halldórustofa var skoðað með leiðsögn Elínar, Kristín opnaði handverkshús Textílseturs, Búsílag fyrir gesti og gengið var um Kvennaskólann og húsakynnin skoðuð m.a. baðstofa og Elínarstofa. Félag eldri borgara greiddi aðgangseyri að Heimilisiðnaðarsafni.
Þá var haldið í Hnitbjörg, þar tók Sigríður Bjarkadóttir forstöðukona félagsstarfs aldraðra á móti gestunum ásamt öðrum starfskonum og eldri borgurum sem sátu þar við sín tómstundastörf og sýndu gestum hvað þeir voru að fást við og buðu síðan upp á kaffiveitingar.
Heimsókninni lauk svo með útsýnisferð um bæinn en þokunni sem grúft hafði yfir allan daginn var þá farið að létta. Gengið var fram á sjávarbakkann á brekkunni og farið niður í gamla bæinn og elsta byggðin skoðuð. Þeir sem beittu athyglinni gátu séð seli á klöppunum neðan við brúna og einnig brugðu laxarnir á leik og stukku til að gleðja gestina.
Skipulag dagskrár önnuðust gamlir félagsmenn úr Norrænafélaginu sáluga, þau Aðalbjörg, Vignir, Kolbrún og Guðjón. Bílstjóri hópsins var Blönduósingurinn Sigurður Baldursson.
Gestirnir kvöddu glaðir og ánægðir með móttökurnar hvarvetna og báru fram þakkir til allra sem lögðu hönd á plóg til að gera heimsóknina ánægjulega.
Það er gott að vita til þess að fólk vill rækta vinskap á milli vinabæjanna á Norðurlöndum og það hafa þau hjónin Eeva og Kai sannarlega gert og hvatt aðra.
/Húni.is
Texti: Aðalbjörg Ingvarsdóttir
Myndir: Guðjón Ragnarsson
Fleiri fréttir
-
Allir að róa í sömu átt
feykir.is Skagafjörður, Íþróttir, Lokað efni 06.05.2025 kl. 15.38Í gærkvöldi varð ljóst hverjir andstæðingar Tindastóls verða í einvíginu um Íslandsmeistaratitilinn í körfunni. Þá áttust Stjarnan og Grindavík við í oddaleik en leikir liðanna höfðu verið æsispennandi og það varð engin breyting á því í gær. Það var lið Stjörnunnar sem hafði betur eftir dramatík í lokin. Fyrsti leikurinn í einvígi Tindastóls og Stjörnunnar verður í Síkinu á fimmtudaginn.Meira -
Háholt er ekki heldur inni í myndinni hjá Guðmundi Inga
feykir.is Skagafjörður, Lokað efni 06.05.2025 kl. 13.24Ráðherra barnamála, Guðmundur Ingi Kristinsson, er á sömu skoðun og fyrrverandi barnamálaráðherra, Ásthildur Lóa Þórsdóttir, varðandi vistun barna í Háholti í Skagafirði og telur Háholt ekki koma til greina sem meðferðarheimili fyrir börn. Í frétt á vef RÚV segir að neyðarvistun, afplánun og gæsluvarðhald verði áfram á Stuðlum.Meira -
Söngskemmtun á Löngumýri
feykir.is Skagafjörður, Austur-Húnavatnssýsla, Vestur-Húnavatnssýsla 06.05.2025 kl. 08.28Sönghópur félags eldri borgara í Skagafirði heldur söngskemmtun á Löngumýri í Skagafirði sunnudaginn 11. maí 2025 kl. 15:00. Aðgangur kr. 3.000,- enginn posi. Verið velkomin. StjórninMeira -
Grunnskóli Húnaþings vestra í úrslit
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings vestra sigraði í sínum riðli í Skólahreysti í síðustu viku. Lið skólans hlaut 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.