Enn ein sýndarveruleikasýningin í Skagafirði
Það ætlar að byrja vel sýndarveruleikaævintýrið í Skagafirði en stutt er síðan upplýst var að gera ætti Skagafjörð að vöggu sýndarveruleika á Íslandi þegar kynnt voru áform slíkrar sýningar úr Sturlungasögu á Sauðárkróki. Í dag verður kynnt til sögunnar önnur veruleikasýning þar sem hægt verður að hitta persónur Guðrúnar frá Lundi úr Dalalífi.
Það er fyrirtækið KSEFI ehf. sem stendur að sýningunni og er í helmingseigu Kristínar Sigurrósar Einarsdóttur, athafnakonu sem staðið hefur fyrir sýningum á verkum Guðrúnar frá Lundi bæði með sýningarhaldi á verkum hennar sem og ferðum á söguslóðir sagnanna.
Kristín segir sýninguna verða að grunni til samskonar þeirri og kynnt var á Króknum á dögunum nema hún ætli að stíga skrefi lengra með enn flóknari tækni sem gengur út á nánari samskipti sýndarveruleikapersónanna.
„Það verður hægt að ganga milli bæja í Hrútadal og spjalla við persónur og fá sér kaffi og jafnvel pönnukökur eða lummur. Tæknin mun gera okkur kleift að tala við fólkið, þó samtölin gætu kannski orðið skrítin, þar sem um gervigreind er að ræða. En kaffið verður ekta og pönnukökurnar svo skilningarvitin fimm fá öll að njóta. Augun skynja sögusviðið, eyrun öll þau hljóð sem berast úr náttúrunni, og spjallið auðvitað, bragðlaukarnir njóta veitinga og svo munum við reyna að hafa lykt í sýningarsalnum eins og við ímyndum okkur að hún hafi verið hjá fólki á þessum tíma. Hægt verður að snerta á hlutum fyrir utan það að utanaðkomandi skynjun mun líka eiga sér stað eins og rigning eða gola. Líklega verður þó ekki mikil rigning, frekar svona þokusúld,“ segir Kristín og hlær, þar sem ekki væri gott fyrir gesti að fara heim rennandi blautir eftir hressilegan rigningarskúr í Hrútadal.
Sýningin verður sett upp í Ketilási, gömlu Kaupfélagsversluninni, en rekstri hennar verður hætt um mánaðarmótin maí júní. „Sýningin verður á besta stað, í alfaraleið ferðamannsins,“ segir Kristín bjartsýn á komandi verkefni.
En hvernig kom þessi hugmynd upp?
„Það var nú bara þannig að ónefndur peningamaður hafði samband við mig eftir að hann kom á sýninguna Kona á skjön á Sauðárkróki í fyrrasumar og vildi endilega gera meira úr þessu enda tónar þetta vel við uppbyggingu ferðamanna hér í Fljótum. Mér leist ansi vel á það svo það var drifið í það að finna tölvunarfræðinga til að hanna og vinna sýndarveruleikann. Við ætlum að sýna afraksturinn í dag;“ segir Kristín og það leynir sér ekki að hún er spennt.
Ekki vill hún upplýsa hver hinn dularfulli fjárfestir er enda vill hann enn um sinn halda því leyndu. Aðspurð hvort síðustu tveir stafirnir í nafni hlutafélagsins FI séu upphafsstafir viðkomandi segist hún hvorki gera játað því né neitað. „Ætli það komi ekki í ljós í dag þar sem hann ætlar að mæta á kynninguna.“
Kynning á veruleikasýningu um lífið í Hrútadal verður á tveimur stöðum í dag, stöðum sem tengist Guðrúnu frá Lundi hvor á sinn hátt.
„Við byrjum í Fljótunum, verðum að þessu sinni í Sólgarðaskóla frá klukkan 13 en færum okkur svo á Krókinn. Þar munum við vera að Aðalgötu 2, Náttúrustofu Norðurlands vestra frá klukkan 16. Athugið að gengið er inn bakdyramegin að austan. Það verður að sjálfsögðu heitt á könnunni og pönnukökur fyrir alla.“
Uppfært þann 2. apríl. Þessi frétt er með öllu ósönn enda sett í loftið þann 1. apríl. Hafið þökk fyrir að lesa, deila og skemmta ykkur með okkur á Feyki. Lifið heil!
Fleiri fréttir
-
Óskað er eftir tilnefningum til Nýsköpunarverðlauna 2025
feykir.is Skagafjörður, Austur-Húnavatnssýsla, Vestur-Húnavatnssýsla 30.04.2025 kl. 14.02Á vef SSNV kemur fram að Sambandið hefur opnað fyrir tilnefningar til Nýsköpunarverðlauna hins opinbera 2025. Markmiðið með verðlaununum er að veita viðurkenningu fyrir framúrskarandi árangur í opinberri nýsköpun síðastliðna 12 mánuði, s.s. umbótastarf, innleiðing nýjunga eða breyttar aðferðir í opinberum rekstri sem skapar eða eykur virði í starfsemi hins opinbera.Meira -
Slökkviliðsstjórar landsins sameinuðust á Akureyri
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 30.04.2025 kl. 12.30Aðalfundur Félags slökkviliðsstjóra á Íslandi (FSÍ) var haldinn á Akureyri helgina 11. – 12. apríl síðastliðinn. Félagið vinnur að sameiginlegum hagsmunamálum slökkviliða um land allt og er fundurinn mikilvægur vettvangur þar sem slökkviliðsstjórar landsins koma saman til að ræða málefni brunavarna, áskoranir í starfi slökkviliða og miðla reynslu sinni á því sviði. Undirritaður var samstarfssamningur um áframhaldandi þróun og rekstur Brunavarðar. Nýr samstarfshópur stofnaður um uppbyggingu æfingasvæða fyrir slökkvilið landsins og HMS kynnti tvær nýjar leiðbeiningar um heimildir slökkviliða til eftirlits og aðgangs að húsnæði og hins vegar beitingu stjórnvaldssektaMeira -
Snæfríður og Hrafnhildur styrkja hóp Stólastúlkna
feykir.is Skagafjörður, Íþróttir, Lokað efni 30.04.2025 kl. 12.27Félagaskiptaglugginn í fótboltanum hefur nú lokað og liðin geta því ekki styrkt sig fyrr en síðar í sumar. Kvennalið Tindastóls í Bestu deildinni er þunnskipað og stóðu vonir til þess að breikka hópinn eitthvað. Skömmu fyrir mót bættist Hrafnhildur Salka Pálmadóttir í hópinn og nú í gær fékk Snæfríður Eva Einarsdóttir félagaskipti í Tindastól.Meira -
List- og verksýning nemenda Varmahlíðarskóla
feykir.is Skagafjörður, Lokað efni 30.04.2025 kl. 10.00Fjöldi nemenda, kennara og gesta var mættur á list- og verksýning Varmahlíðarskóla þegar hún opnaði í gær þriðjudaginn 29. apríl í Menningarhúsinu Miðgarði. Stendur sýningin yfir í Sæluviku eða nánar tiltekið til 4. maí.Meira -
Töfrakvöld í Síkinu
feykir.is Skagafjörður, Íþróttir, Lokað efni 30.04.2025 kl. 09.47Það var leikur. Já, stundum gerast einhverjir galdrar á íþróttaleikjum þar sem dramatíkin og óvænt atvik hreinlega sprengja allt í loft upp. Leikur Tindastóls og Álftaness í Síkinu í gær var einmitt þannig. Eiginlega bara tóm della. Hvernig fóru gestirnir að því að jafna leikinn á lokakafla venjulegs leiktíma? Hvesu löng var lokamínúta venjulegs leiktíma? Hvernig náðu Stólarnir að rífa sig upp úr vonbrigðunum í framlengingunni? Hvernig setti Arnar þetta skot niður? Hvernig stóð á því að ájorfendur voru ekki sprungnir í loft upp? Já, Stólarnir mörðu eins stigs sigur eftir framlengingu, 105-104.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.