„Fæddist á enda regnbogans,“ segir María Carmela Torrini sem sýnir litrík verk sín í Safnahúsi Skagfirðinga
Á setningu Sæluvikunnar sl. sunnudag var opnuð litrík myndlistarsýning hinnar ungu listakonu Maríu Carmelu Torrini. Fallegar myndir og frumlegar sem efalaust hreyfa við áhorfandanum.
María býr í Breiðholtinu sunnan heiða í lítilli krúttlegri íbúð með gínunni sinni og kærasta. Gínuna útskýrir hún sem fyrrum fatagínu sem hún fékk fyrir mynd en nú sé hún ótrúlega töff. Þegar María er spurð út í tenginguna við Skagafjörð kemur í ljós að kærastinn er Guðmundur Elí Jóhannsson frá Hólum í Hjaltadal, og tengdaforeldrarnir því Jóhann, skólastjóri, Bjarnason og Laufey Guðmundsdóttir kennari í Grunnskólanum austan Vatna.
En hvernig ætli myndirnar verði til hjá listakonunni?
„Ég hef aldrei planað neitt þegar ég er að teikna myndir, þær bara koma. Ég fæ kannski hugmynd, kannski ég teikni önd, og þá teikna ég önd og svo kemur allt út frá því, þannig að það er aldrei neitt planað né skissað upp. Ég teikna bara það sem kemur upp í hausinn og hann er svolítið litríkur,“ útskýrir hún.
María var á listabraut í Fjölbrautaskólanum í Ármúla og segist hún alltaf hafa verið teiknandi frá því hún var barn. „Mamma mín er listakona þannig að ég er alin upp á heimili þar sem allir eru að mála. Auk þess er ég í kvikmyndagerð, mest að skrifa handrit en hef einnig verið að leika. Núna er ég að vinna í handriti að heimildamynd sem ég hef aldrei gert áður og er mjög spennt,“ segir hún.
Myndin fjallar um einelti en hún segist ætla að reyna að gera hana þannig að fólk verði ekki þunglynt eftir að hafa horft á hana. „Mig langar að gera mynd um eitthvað erfitt viðfangsefni sem maður getur samt horft á og farið út úr bíósalnum án þess að vera gráti nær. Langar að gera eitthvað litríkt.“
Ertu litrík?
„Já, ég er regnbogabarn, fæddist á enda regnbogans. Og núna er ég að reyna að koma litum út í gegnum fingurna.“ Sýning Maríu mun standa út Sæluvikuna en fyrir áhugasama skal bent á að hægt er að skoða verk hennar á Instagram og Facebook undir heitinu MCT.art.
Fleiri fréttir
-
Lið Tindastóls jafnaði metin með sigri liðsheildarinnar
feykir.is Skagafjörður, Íþróttir 29.04.2024 kl. 22.05Lið Tindastóls og Aþenu mættust í annað sinn í einvígi sínu um sæti í Subway-deildinni í Síkinu í kvöld. Lið Aþenu fór illa með haltrandi Stólastúlkur í fyrsta leik sem var aðeins spennandi fyrstu mínúturnar. Það var annað uppi á teningnum í kvöld því leikurinn var æsispennandi en að þessu sinni var það lið Tindastóls sem leiddi lungann af leiknum. Gestirnir voru aðeins yfir í 20 sekúndur en voru annars í stöðugum eltingaleik við baráttuglatt lið Tindastóls. Það fór svo að taugar heimastúlkna héldu og sigur hafðist, lokatölur 67-64 og staðan í einvíginu 1-1.Meira -
Gunnari Þór afhent Gullmerki ÍSÍ fyrir mikil og góð störf
feykir.is Skagafjörður, Íþróttir 29.04.2024 kl. 20.45Ungmennasamband Skagafjarðar (UMSS) hélt ársþing sitt í félagsheimilinu Tjarnabæ laugardaginn 27. apríl síðastliðinn. Fulltrúi ÍSÍ á þinginu var Viðar Sigurjónsson en hann notaði tækifærið og veitti Gunnari Þór Gestssyni, formanni UMSS, Gullmerki ÍSÍ á þinginu fyrir mikil og góð störf í þágu íþrótta en Gunnar Þór hefur m.a. setið í fjölmörgum nefndum og starfshópum ÍSÍ.Meira -
Skagaströnd fékk rúmlega 41 milljón króna styrk vegna Spákonuhöfða
feykir.is Austur-Húnavatnssýsla 29.04.2024 kl. 19.31Lilja Dögg Alfreðsdóttir, menningar- og viðskiptaráðherra, úthlutaði í fyrir helgi úr Framkvæmdasjóði ferðamannastaða fyrir árið 2024. Tvö verkefni á Norðurlandi vestra hlutu styrki og annað þeirra var merkt Sveitarfélaginu Skagaströnd, styrkur að upphæð kr. 41.105.000 vegna verkefnisins Spákonufellshöfðu: Aðgengi fyrir alla.Meira -
Lokamót í Skagfirsku mótaröðinni
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 15.06Á heimasíðu Hestamannafélagsins Skagfirðings segir að lokamótið í Skagfirsku mótaröðinni hafi verið haldið á dögunum þar sem keppt var í gæðingakeppni, tölti og skeiði en hér að neðan eru úrslitin:Meira -
Kirkjukvöld Kirkjukórs Sauðárkrókskirkju í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 29.04.2024 kl. 14.55Kirkjukvöld Kirkjukórs Sauðárkróks er að venju haldið mánudag í Sæluviku nánar tiltekið í kvöld 29. apríl kl. 20:00.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.