Feyki pakkað í fjáröflunarskyni
Nokkrar hressar stelpur í 3.flokki Tindastóls í fótboltanum hafa nú í dag verið að pakka Feyki inn í plastpoka og lauma með greiðsluseðlum fyrir síðustu átta tölublöð. Kaupið sem stelpurnar fá fyrir er lagt inn á ferðareikning en áætlað er að fara á hið fræga Gothia Cup fótboltamót í Svíþjóð sem haldið verður í júlí.
Í blaðinu í dag kennir margra grasa eins og venja er. Aðalviðtalið að þessu sinni er við Bjarna Jónsson sem gegnir formennsku í SSNV og segir hann frá því hvernig SSNV hyggst koma fram og berjast fyrir sameiginlegum hagsmunamálum sveitarfélaga á Norðurlandi vestra en mikil varnarbarátta hefur farið fram gagnvart ríkisvaldinu sem sveiflar niðurskurðarhnífnum af alefli.
Í föstu liðunum eru skemmtilegar frásagnir; Guðný Káradóttir brottfluttur Króksari skrifar áskorendapistilinn, Jón og Matthildur á Sauðárkróki eru með ljúfengar uppskriftir m.a. Rokna Túla frá Alsír en þeim rétti kynntist Matthildur sem skiptinemi í Frakklandi. Tryggvi Björnsson hestamaður með meiru segir okkur frá uppáhalds liðinu sínu og hvernig það var að vera innan um 4000 grátandi Liverpool aðdáendur þegar hann fór og sá liðið sitt leggja þá fyrir nokkrum árum.
Þá segir Hildur Ingólfsdóttir frá degi í lífi skólastjóra en hún stýrir Höfðaskóla á Skagaströnd og myndaumfjöllun er frá því þegar hinum stórkostlegu Árskólakonum var haldið kaffisamsæti í tilefni konudagsins og í hestaumfjöllun er m.a. viðtal við Sigríði Björnsdóttur dýralækni þar sem hún er spurð út í afleiðingar hrossapestarinnar sem geisaði á síðasta ári. Auk þessa er blaðið stútfullt af skemmtilegu efni þar sem hver og einn ætti að geta fundið eitthvað við sitt hæfi.
Fleiri fréttir
-
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira -
Drangey djásn Skagafjarðar | Guðni Ágústsson skrifar
feykir.is Skagafjörður, Aðsendar greinar 27.06.2025 kl. 10.01Drangey rís upp af miðjum Skagafirði þverhníft og fögur. Drangey gekk undir nafninu ,,Snemmbæra Skagfirðinga,” en þeir sóttu til hennar bæði egg og fugl á hverju vori. Ennfremur var verstöð þar og gerðir út bátar og róið til fugls og fiskjar. Í gamalli þjóðsögu segir að tvö nátttröll hafi verið á ferð með kú sína yfir fjörðinn þegar lýsti af degi. Urðu þau og kýrin þá að steini. Er Drangey kýrin og stendur kerling sunnan hennar. Karlinn var fyrir norðan eyna og féll í jarðskjálfta á þeim örlagadegi 11. september 1755.Meira
