Fjáraflanir á Kántrýdögum og Reykjavíkurmaraþoni fyrir fjölskylduna sem enn er föst í Kólumbíu
Hjónin Bjarnhildur Hrönn Níelsdóttir frá Skagaströnd og Friðrik Kristinsson frá Sauðárkróki hafa setið föst með ættleiddar dætur sínar í kólumbísku borginni Medellin frá því í desember, eins og hefur greint frá áður í Feyki. Ferðin sem átti að taka sex til átta vikur er orðin að átta mánuðum og nú er útlit fyrir fjögurra til fimm mánaða bið til viðbótar.
Bjarnhildur og Friðrik áfrýjuðu máli sínu til næsta dómsstigs og sagði Bjarnhildur í samtali við Rúv að það hefur samþykkt að taka mál þeirra fyrir og er búist við að sú bið geti tekið fjóra til fimm mánuði til viðbótar.
Dvölin í Kólumbíu er orðin mjög fjárhagslega erfið fyrir hjónin sem hafa verið tekjulaus frá því í mars. „Þau hafa selt bílinn, fellihýsið og mótorhjól til þess að fjármagna dvölina úti því þau segja ekki koma til greina að gefast upp heldur ætla þau sér að komast heim með dæturnar,“ segir á Rúv.is.
Margir vilja leggja litlu fjölskyldunni lið með ýmsum hætti, t.d. kemur fram á styrktarsíðu hjónanna að fjáröflunarborð verður til styrkar á Kántrýdögum á Skagaströnd en þeir sem vilja bætast í hópinn, leggja eitthvað til eða aðstoða geta haft samband í s. 868-4925.
Þá verður Reykjavíkurmaraþon þreytt um næstu helgi og ætlar hópur fólks, vinir og fjölskyldumeðlimir, að hlaupa í maraþonið og safna áheitum fyrir fjölskylduna (sjá hlaupastyrkur.is).
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
