Fjölmennum á Sauðárkróksvöll í kvöld!
Það er ekki laust við að nokkur spenna ríki á Norðurlandi vestra en í kvöld berjast bræður á grænu gerviengi Sauðárkróksvallar þegar lið Tindastóls tekur á móti grönnum sínum úr Húnavatnssýslunni í undanúrslitum Fótboltapunkturnet-bikarsins. Vonir standa til þess að stuðningsmenn liðanna fjölmenni á völlinn og styðji sitt lið fallega.
Leikurinn hefst kl. 19:15 á flóðlýstum velli. Miðasala er á Stubb en einnig við vallarhúsið. Sjóðheitir hamborgarar verða í boði á vellinum og stuðningsmenn Tindastóls og aðrir áhugasamir geta fjárfest í Tindastólshúfum. Svölustu stuðningsmennirnir vilja væntanlega hita upp fyrir leikinn og á Sauðá hefst happy hour / gleðistund kl. 17 fyrir stuðningsmenn Stólanna. Húnvetningar ætla að hita upp á Kaffi Krók en þar verður boltabjór í boði og hefst veislan þar sömuleiðis kl. 17:00.
Öflug dómarateymi verða á leikjunum í undanúrslitum keppninnar en á Króknum verður það Sveinn Arnarson sem mun stjórna umferðinni með flautu og spjöld en honum til aðstoðar verða Patrik Freyr Guðmundsson og Eðvarð Eðvarðsson. Eftirlitsmaður KSÍ á leiknum verður Magnús Sigurður Sigurólason þannig að þetta er fullorðins.
Veðurguðirnir virðast telja ástæðu til að kæla menn aðeins niður og skrúfa því að mestu fyrir hitann og verða með sprinklerinn á kantinum. Semsagt; spáð 3-4 stiga hita, norðanátt og möguleika á lítils háttar rigningu. Liðin munu væntanlega sjá um að halda hita á stuðningsmönnum sínum með góðri baráttu og linnulausum snilldartöktum meðan á leik stendur.
Koma svo – megi betra liðið vinna og Norðurland vestra hanga saman!
Fleiri fréttir
-
Margt um manninn og góð hross í sviðsljósinu
feykir.is Skagafjörður, Mannlíf, Lokað efni 19.09.2025 kl. 11.06Það styttist í Laufskálaréttarhelgina sem sumum þykir vera aðal helgi ársins. Feykir hafði samband við Sigurlínu Erlu Magnúsdóttur hjá Flugu sem stendur fyrir árlegri Laufskálaréttarsýningu í Reiðhöllinni Svaðastöðum á Sauðárkróki föstudaginn fyrir réttarhald en það byrjar venju samkvæmt um klukkan 13 á laugardeginum.Meira -
Körfuboltafjör á Skagaströnd á laugardag
feykir.is Austur-Húnavatnssýsla, Íþróttir 19.09.2025 kl. 09.18Það er ekki bara á Króknum sem verður spilaður körfubolti um helgina hér á Norðurlandi vestra. Í dag og á morgun munu þrjú li,ð sem taka þátt í 1. deild karla í vetur, leiða saman hesta sína og spila þrjá æfingaleiki í íþróttahúsi Skagastrandar. Milli leikja á morgun verður boðið upp á körfuboltafjör fyrir unga iðkendur og auk Skagstrendinga er áhugasömum á Blönduósi og í nágrenni Skagastrandar velkomið að mæta.Meira -
Forvarnaráætlun Norðurlands vestra fær styrk til að efla farsæld barna
feykir.is Skagafjörður, Austur-Húnavatnssýsla, Vestur-Húnavatnssýsla 19.09.2025 kl. 09.15Mennta- og barnamálaráðuneytið hefur veitt styrk til verkefnisins Forvarnaráætlun Norðurlands vestra – FORNOR, sem hluta af aðgerðaáætlun stjórnvalda gegn ofbeldi meðal barna og til að auka farsæld þeirra þetta kemur fram á vef SSNV.Meira -
Kæru gæðablóð athugið !
feykir.is Skagafjörður 18.09.2025 kl. 14.44Blóðbankabíllinn verður á Sauðárkróki við Skagfirðingabúð þriðjudaginn 23. september nk. frá klukkan 11:00 -17:00.Meira
