Flottur sigur Tindastóls í Fjósinu
Tindastóll sótti Skallagrím heim í Fjósið í Borgarnesi í kvöld í mikilvægum leik í baráttunni fyrir áframhaldandi sæti í efstu deild. Tindastólsmenn voru sterkari aðilinn í fyrri hálfleik og höfðu 15 stiga forskot í leikhléi, 32-47, og heimamönnum í Borgarnesi gekk lítið að brúa bilið og á endanum sigraði Tindastóll með 14 stiga mun, lokatölur 63-77.
Helgi Rafn var stigahæstur í liði Tindastóls í kvöld en Helgi gerði 18 stig og tók 12 fráköst. Nafni hans Margeirsson gerði 15 stig og þá var George Valentine með 11 stig og 11 fráköst. Valentine hafði líka það hlutverk að passa upp á að Páll Axel héldist nokkuð rólegur en Valentine er auðvitað bæði stærri, sneggri og í betra formi en Palli og það var ljóst að Borgnesingar máttu ekki við því að hann ætti ekki stórleik því nú er aðeins einn kani hjá Sköllum. Breiddin er ekki mikil í liði þeirra og því ljóst að það verður á brattan að sækja hjá þeim það sem eftir er af tímabilinu.
Skallagrímur er með 12 stig, líkt og lið Njarðvíkur, en með sigrinum í kvöld komst Tindastóll úr fallsæti í fyrsta sinn í vetur og þá var mikilvægt að liðið sigraði Skallana með 14 stiga mun en heimamenn sigruðu Stólana hér í Síkinu með 13 stigum og standa því Stólarnir betur í innbirðis viðureignum liðanna. KFÍ er með jafn mörg stig og Tindastóll en ÍR og Fjölnir eru nú neðst með 8 stig en bæði lið eiga leik til góða. Sex umferðir eru eftir og því ljóst að ef Stólarnir halda vel á spöðunum er enn möguleiki á að komast í úrslitakeppnina.
Stig Tindastóls: Helgi Rafn 18, Helgi Margeirs 15, George Valentine 11, Drew Gibson 11, Johnson 8, Þröstur Leó 5, Svavar Birgis 5 og Hreinn Birgis 4.
Fleiri fréttir
-
Vogamenn buðu upp á dýfu á Vogaídýfuvelli
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 22.06.2025 kl. 13.58Leikið var á Vogaídýfuvellinum í Vogum á Vatnsleysuströnd í gær í 2. deildinni en þar mættust heimamenn í Þrótti og lið Kormáks/Hvatar. Heimamenn náðu forystunni rétt fyrir hálfleik en einum fleiri jöfnuðu Húnvetningar áður en heimamenn stálu stigunum með sigurmarki þegar langt var liðið á uppbótartíma. Lokatölur 2-1.Meira -
Vaskir Stólar í veseni í Vesturbænum
feykir.is Skagafjörður, Íþróttir, Lokað efni 22.06.2025 kl. 12.03Tindastólsmenn léku við lið KV á KR-vellinum í Vesturbæ Reykjavíkur sl. föstudagskvöld. Stólarnir voru þá ofar í töflunni en Vesturbæingarnir voru skammt undan. Jafnt var í hálfleik eftir jöfnunarmark KV á markamínútunni en næstu tvö mörk voru heimamanna og þó Stólarnir klóruðu í bakkann þá kom jöfnunarmarkið ekki. Lokatölur 3-2.Meira -
Sögusetur íslenska hestsins bætir við nýrri sýningu.
feykir.is Skagafjörður, Hestar, Listir og menning, Mannlíf, Lokað efni 21.06.2025 kl. 12.00Sögusetur íslenska hestsins var opnað aftur 3 júní eftir vetrarlokun. Sögusetrið er sjálfseignarstofnun í eigu Háskólans á Hólum og sveitarfélagsins Skagafjarðar. Í ár er safnið 15 ára en það var opnað 2010. Fyrsti safnvörður var Arna Björg Bjarnadóttir en nú stýrir Kristín Halldórsdóttir safninu. Ný sýning var opnuð á efri hæð sama húsnæðis og hýst hefur safnið og var af því tilefni sérstök opnunarathöfn þar sem mætti margt góðra gesta.Meira -
Fín veðurspá fyrir helgina
feykir.is Skagafjörður, Austur-Húnavatnssýsla, Vestur-Húnavatnssýsla 21.06.2025 kl. 03.00Það ætti ekki að væsa um heimamenn og gesti sem heimsækja Skagafjörðinn þessa helgina. Bæjarhátíðin Hofsós heim hófst í gær þó Sóli Hólm hafi tekið forskot á sæluna sl. fimmtudagskvöld þegar fullt var út úr dyrum á uppistandi hans í Höfðaborg. Uppselt var á seinna standið hans í gærkvöldi fyrir löngu en dagskrá Hofsósinga er stútfull af alls konar oh heldur fjörið áfram í dag. Þess má geta að í ár eru 30 ár frá fyrstu Jónsmessuhátíðinni á Hofsósi. Á Króknum fer síðan af stað Króksmót ÓB á laugardagsmorgni og stendur fram á sunnudag.Meira -
Fjögur mörk og þrjú kærkomin stig í sarpinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 21.06.2025 kl. 02.40Tíunda umferð Bestu deildar kvenna hófst í gærkvöldi og tvö neðstu liðin mættust í Fjarðarbyggðarhöllinni á Reyðarfirði. Þar tóku heimastúlkur í FHL á móti Stólastúlkum og bæði lið vildu stigin þrjú sem í boði voru. Leikurinn var fjörugur og jafn en reynsla Stólastúlkna og meiri gæði í fremstu víglínu skiptu sköpum. Lokatölur 1-4 og lið Tindastóls þokaði sér úr níunda sæti í það sjöunda – í það minnsta um stundarsakir.Meira
