Frost skemmdi akra í ágúst
Í Skagafirði er þresking á korni langt komin. Að sögn Eiríks Loftssonar, jarðræktarráðunautar, er uppskera breytileg, einkum þroski eða fylling kornsins. Frostnætur í lok ágúst skemmdu nokkra akra þannig að kornið hætti að fylla sig og skila þeir ekki góðu korni.
„Frost í jörðu seinkaði víða sáningu í vor og þó að spretta hafi verið góð í sumar hefur sólarleysi valdið því að korn hefur ekki þroskast sem skildi. Þó að uppskera sé sumstaðar ágæt að magni og gæðum verður árið tæplega meðal kornár í Skagafirði, segir Eiríkur.
Kornræktin skilar ræktendum ekki bara korni heldur líka hálmi. Eiríkur segir notkun hans sem undirburðar fyrir nautgripi og sauðfé hafa aukist mikið á síðustu árum og er hann afar mikilvæg afurð kornræktarinnar.
Eiríkur segist ekki ennþá vera kominn með yfirlit yfir umfang kornræktarinnar í Skagafirði þetta árið en telur sennilegt að korni hafi verið sáð í álíka marga hektara og síðustu ár.
Fleiri fréttir
-
Sæluvikan sett í Safnahúsi Skagfirðinga í dag
feykir.is Skagafjörður, Listir og menning, Mannlíf, Lokað efni 27.04.2025 kl. 02.21Sæluvika, lista- og menningarhátíð í Skagafirði, verður dagana 27. apríl - 3. maí. Setningin verður í Safnahúsinu í dag, sunnudaginn 27. apríl, og hefst kl. 13:00. Þar verða m.a. veitt Samfélagsverðlaun Skagafjarðar og úrslit í Vísnakeppninni verða kunngerð.Meira -
Tindastóll og Stjarnan mætast í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 27.04.2025 kl. 00.37Besta deild kvenna er kominn á fullt og Stólastúlkur þegar búnar að leika tvo leiki; unnu þann fyrsta en voru síðan skrambi óheppanar að tapa fyrir sameinuðum Akureyringum í Þór/KA. Fjörið heldur áfram í dag en þá kemur lið Stjörnunnar í heimsókn á Krókinn og hefst leikurinn kl. 17:00.Meira -
Áltanes jafnaði metin
feykir.is Skagafjörður, Íþróttir, Lokað efni 26.04.2025 kl. 23.50Körfuboltinn á hug ansi margra þessa dagana og nú á föstudagskvöldið spiluðu lið Tindastóls og Álftaness annan leik sinn í undanúrslitaeinvígi Bónua deildar karla. Tindastóll vann fyrsta leikinn örugglega en það varð naglbítur þegar liðin mættust öðru sinni og þá í Kaldalónshöll þeirra Álftnesinga sem höfðu á endanum betur, 94-92, og jöfnuðu því einvígið.Meira -
Íslensk kjötsúpa í boði
feykir.is Austur-Húnavatnssýsla, Lokað efni 26.04.2025 kl. 09.00Guðjón Þór Hjálmarsson býr á Blönduósi, nánar tiltekið á Hlíðarbrautinni, verður fermdur þann 26. apríl í Blönduóskirkju af sr. Eddu Hlíf Hlífarsdóttur. Foreldrar Guðjóns eru þau Hjálmar Björn Guðmundsson og Ingibjörg Signý Aadnegard.Meira -
„Einstakt tækifæri til að efla háskólastarf á landsbyggðinni“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.04.2025 kl. 16.12Rektorar Háskóla Íslands (HÍ), Háskólans á Hólum (HH) og háskólaráðherra undirrituðu í dag samkomulag um stofnun háskólasamstæðu með þátttöku þessara tveggja háskóla. Í frétt á heimasíðu Háskólans á Hólum segir að samstæðan taki formlega til starfa þann 1. janúar á næsta ári en henni er ætlað að bæta samkeppnishæfni háskólanna tveggja ásamt því að auka gæði náms, rannsókna, stoðþjónustu og auka tengsl við atvinnulíf og samfélög um land allt. Háskólasamstæðan mun starfa undir nafni Háskóla Íslands.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.