Fyrsti leikur Tindastóls í Iceland Express deildinni í dag
Meistaraflokkur Tindastóls í körfubolta hefur keppnistímabil sitt í Iceland Express deildinni á ferðalagi til Ísafjarðar, þar sem heimamenn í KFÍ verða heimsóttir í dag.
Leikur þessi er fyrir margra hluta sakir merkilegur. Þetta er fyrsti leikur Borce Ilievski gegn fyrrum lærisveinum sínum, en undir hans stjórn sigruðu Ísfirðingar 1. deildina örugglega. Þá verður þetta fyrsti leikur KFÍ í úrvalsdeild í nokkur ár, en liðið féll úr deildinni keppnistímabilið 2004-2005 ásamt Tindastóli. Stólarnir rifu sig þó upp strax árið eftir, en KFÍ hefur verið í 1. deildinni þangað til nú.
Leikurinn verður einnig fyrsti leikur þeirra Josh Rivers og Rado Kolev, en þeir komu til liðsins um síðustu helgi. Þessi tvö lið eru þau lið í IE-deildinni sem hafa á að skipa flestum erlendu leikmönnunum. Hjá Tindastóli eru þeir fjórir, en hjá KFÍ eru þeir samtals 6. KFÍ fékk auk þess tvo efnilega íslenska leikmenn til liðs við sig, þá Daða Berg Grétarsson og Ara Gylfason.
KFÍ er spáð 10. sætinu í Iceland Express deildinni þetta árið, en Tindastól því 12. og þar með falli í 1. deild. Miðað við brokkgenga frammistöðu Tindastóls á undirbúningstímabilinu og miðað við þá staðreynd að liðið varð ekki fullmannað fyrr en á æfingu á mánudagskvöld, er þessi spá ekkert óeðlileg og í raun ágæt fyrir okkar menn, sem þurfa nú að sýna að þeir eigi heima ofar í töflunni en þetta. KFÍ náði hins vegar athyglisverðum úrslitum á undirbúningstímabilinu, unnu m.a. Stjörnuna í fyrstu umferð og eru til alls líklegir, sérstaklega á heimavelli.
Friðrik Hreinsson er tæpur vegna ökklameiðsla og óvíst með hans þátttöku í leiknum á þessari stundu, en aðrir leikmenn eiga að vera í standi.
Leikurinn verður í beinni netútsendingu frá Ísafirði og nálgast má útsendinguna á slóðinni http://www.kfi.is/kfi_tv/.
/Tindastóll.is
Fleiri fréttir
-
Grunnskóli Húnaþings vestra
feykir.is Skagafjörður, Vestur-Húnavatnssýsla, Lokað efni 05.05.2025 kl. 15.27Það má segja að mjótt hafi verið á munum þegar Grunnskóli Húnaþings sigraði í Skólahreysti í síðustu viku með 42 stig og komst áfram í úrslit Skólahreystis.Meira -
Umhverfisdagur á Skagaströnd 8. maí
feykir.is Austur-Húnavatnssýsla, Mannlíf, Lokað efni 05.05.2025 kl. 15.21Fimmtudaginn 8. maí kl. 16:00 - 18:00 ætla Skagstrendiingar að taka saman höndum og týna rusl í bænum sínum. „Við ætlum að hittast í áhaldahúsinu þar sem skipað verður í leitir (ruslaleitir) og afhentir pokar. Allir sem vettlingi geta valdið, fullorðnir sem börn, eru hvattir til að koma og taka þátt,“ segir í skilaboðum frá Helenu Mara, Sigríði Björk og Gígju Heiðrúnu á vef Skagastrandar.Meira -
Nýtt upplýsingaskilti við kirkjugarðinn á Blönduósi
feykir.is Austur-Húnavatnssýsla, Lokað efni 05.05.2025 kl. 15.04Húnahornið segir frá því að nýtt upplýsingaskilti er komið upp við kirkjugarðinn á Blönduósi. Á skiltinu má finna nöfn þeirra sem hvíla í garðinum, fæðingarár og dánardag auk númer legstaða. Gert er ráð fyrir að skiltið verði uppfært reglulega á fimm ára fresti.Meira -
Friðrik Henrý sigraði U14 í DARTUNG sl. helgi
feykir.is Skagafjörður, Íþróttir, Lokað efni 05.05.2025 kl. 14.45Laugardaginn 2. maí fór fram önnur umferð af fjórum í DARTUNG 2025 og var það haldið í aðstöðu Pílufélags Reykjavíkur að Tangarhöfða 2 í Reykjavík. Pílukastfélag Skagafjarðar átti þar sjö flotta fulltrúa, tvær stelpur og fimm stráka, og voru það þau Arnór Tryggvi, Birna Guðrún, Daníel Smári, Friðrik Elmar, Friðrik Henrý, Gerður Júlía og Sigurbjörn Darri. Þau voru öll félagi sínu til mikillar fyrirmyndar á mótinu.Meira -
Kvikmyndin Sinners í Króksbíói í kvöld kl. 20:00
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 05.05.2025 kl. 12.37SINNERS verður sýnd í kvöld, mánudaginn 5. maí kl. 20:00. Þeir sem vilja panta miða á myndina er bent á að senda skilaboð á Facebook-síðu Króksbíós eða hringja í síma 855-5216 tveimur tímum fyrir sýningu. Myndin er bönnuð börnum yngri en 16 ára. Myndin fjallar um tvíburabræður í leit að betra lífi sem snúa aftur í gamla heimabæinn. Þar býður þeirra meiri illska en þeir hafa áður kynnst.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.