Gámasvæðum fækkað um eitt
Hreppsnefnd Húnavatnshrepps hefur til þess að ná fram sparnaði í sorphirðu að fækka gámasvæðum í sveitarfélaginu um eitt. Gámasvæði verða eftirleiðis við Aralæk, Dalsmynni og Húnaver.
Þá verður sú breyting gerð að ekki verður gert ráð fyrir að opnir gámar fyrir járn og timbur verði á gámasvæðum, heldur eingöngu lokaðir midi gámar fyrir heimilissorp og söfnunartankar fyrir úrgangsolíu
Á heimasíðu Húnavatnshrepps segir; „Til að auðvelda sorphirðu þá er afar mikilvægt að á sorphirðudögum séu sorpkör utandyra á aðgengilegum stað sem hægt sé að keyra að. Borið hefur á því á nokkrum bæjum að körin séu yfirfull og sorpi komið fyrir við þau. Þetta hefur í för með sér töluverðan aukakostnað. Tekið skal fram að sorphirðugjöld miðast við losun á einu kari á tveggja vikna fresti. Umsjónaraðila sorphirðu ber engin skylda til þess að taka það sorp sem er utan sorpíláts. Þar sem svo háttar til viljum við benda á að aðilar fái sér auka sorpkar og greiði fyrir losun þeirra samkv. gjaldskrá, eða nýti sér gámasvæðin þar sem eru midi gámar fyrir heimilissorp.
Mikilvægt er að draga úr óþarfa sorpurðun sem er dýr, því viljum við brýna fyrir íbúum hreppsins að setja ekki endurvinnanlegt efni, pappír og plast, í sorpkörin. Endurvinnanlegu efni og ónýtum heimilistækjum er hægt að koma til Sorphreinsunar VH ehf, á Ægisbraut 14 Blönduósi, án endurgjalds. Hafa verður samband við VH í síma 452-2958 eða 893-3858. Einnig er hægt, gegn gjaldi, að koma með járn og timbur á svæðið, eða fá opinn gám heim .
Varðandi söfnun á rúlluplasti skal tekið fram að það er hirt á bæjum fjórum sinnum á ári, það á ekki að fara í sorpkör undir heimilissorp.“
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
