„Getum ekki ímyndað okkur lífið án dætra okkar“
Hjónin Bjarnhildur Hrönn Níelsdóttir frá Skagaströnd og Friðrik Kristinsson frá Sauðárkróki lögðu af stað út til Kólumbíu að sækja dætur sínar þann 16. desember 2011 og bjuggust þá við að vera úti í kringum 6 vikur. Þau eru ekki ennþá komin heim og er ekki útlit fyrir það að þau komi heim neitt á næstunni, segir facebook-síðu til sem stofnuð hefur verið til styrktar þeim hjónum.
„Hver hefði trúað því að við gætum virkilega lent í svona martröð. Við biðum róleg í röð í 5 ár, fórum eftir öllu því sem við áttum að gera sama hversu óréttlát og niðurlægjandi okkur þótti það vera, því við trúðum því að á endanum myndum við fá drauminn okkar uppfylltan. Við getum ekki ímyndað okkur lífið án dætra okkar en það sem okkur finnst ennþá hræðilegri tilhugsun er að stelpurnar okkar fái ekki að halda áfram að eiga stóra fjölskyldu sem elskar þær og að þær verði bara tvær aleinar í heiminum,“ segir Bjarnhildur í bloggfærslum sínum sem birt var á styrkarsíðunni.
Hjónin lögðu af stað í draumaferðina sína til Kólumbíu 16. desember 2011 og er sagt frá því þegar þau fengu dætur sínar í fangið 20. desember. „Stelpurnar þeirra eru alveg yndislegar og sést alveg langar leiðir að þeim er svo innilega ætlað að verja lífinu saman. Draumur hjónanna varð loksins að veruleika,“ segir á síðunni.
Eftir að fólk tekur við börnunum sínum í Kólumbíu fer ættleiðingarmálið fyrir dómstólana þarlendis og síðan þurfa börnin að fá útgefin vegabréf og loks vegabréfsáritun heim til Íslands. Ferlið á að taka um 4 - 6 vikur.
„Hjónin hafa verið í Kólumbíu frá því 17. desember og ferlið því búið að taka yfir 6 mánuði. Hjónin fengu mjög erfiðan dómara sem tók fyrir þeirra mál út í Kólumbíu. Sögusagnir eru um að hann sé í „stríði“ við ICBF ríkisreknu ættleiðingarstofnunina og reyni að gera það sem hann getur til að klekkja á henni. Hann virtist allavega gera allt sem hann gat til að tefja mál fjölskyldunnar og svo að lokum endaði málið á versta veg í dómsstólnum hjá honum,“ segir á styrktarsíðunni.
„Við höfum ömurlegar fréttir, dómarinn er búinn að gefa út dóminn og ógilti hann fyrri dóm ICBF að stelpurnar væru lausar til ættleiðingar. Við erum í algjöru sjokki hérna og vitum við ekki hver næstu skref verða,“ sagði Bjarnhildur. „Það er ekki komið í ljós hvort við fáum að hafa stelpurnar hjá okkur meðan málinu er áfrýjað eða hvort við þurfum bara að fara heim og bíða þar. Ef við fáum ekki að hafa þær hjá okkur þá þurfa þær að fara á barnaheimili eða til fósturfjölskyldu því það er engin hér sem gerir tilkall til þeirra,“ segir hún.
Umrædd styrktarsíða var stofnuð þar sem þetta er mjög dýrt ferli fyrir hjónin og hefur kostnaðurinn farið langt fram úr öllum hugsanlegum fjárhagsáætlunum. „Við vildum því setja upp þessa söfnunarsíðu til að reyna að aðstoða þau því nógu erfitt er þetta fyrir þau svo þau þurfi ekki líka að hafa endalausar fjárhagsáhyggjur,“ segir á síðunni.
Reikningur hefur verið stofnaður til styrktar þeim: 0160-15–380170, Kt: 161278-4599.
Hér má lesa ítarlega reynslusögu þeirra hjóna.
Fleiri fréttir
-
Fullt hús af tapleikjum í dag
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 19.46Það var mánudagur til mæðu hjá knattspyrnufólki á Norðurlandi vestra í dag. Öll meistaraflokksliðin á svæðinu létu til sín taka og öll máttu þau lúta í gras. Við höfum áður minnst á hrakfarir Stólastúlkna í Mjólkurbikarnum en síðan máttu Húnvetningar þola tap í Hafnarfirði og Stólarnir glopruðu sínum leik úr höndunum einum fleiri á Grenivík.Meira -
ÍBV henti Stólastúlkum úr bikarnum á sannfærandi hátt
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 09.06.2025 kl. 16.34Það var stórleikur á Sauðárkróksvelli í dag þegar Tindastóll fékk lið ÍBV í heimsókn í átta liða úrslitum í Mjólkurbikar kvenna. Því miður áttu heimastúlkur engan stórleik og máttu sætta sig við 1-3 tap gegn Lengjudeildar-liði Vestmannaeyinga. Það má segja að lukkudísirnar hafi verið með þeim í liði en Stólastúlkur áttu sennilega sinn slakasta leik á tímabilinu og það á degi þar sem liðið hefði getað tryggt sér sæti í undanúrslitum bikarsins í fyrsta skipti í sögunni.Meira -
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Húnavatnssýslu og er giftur Stefaníu Egilsdóttur. Hann segist sjálfur vera illa grunnskólagenginn, með tæplega 600 fjár, 18 geitur, 11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira
