Gjaldskrárhækkun skóla í Skagafirði framundan
Hækkun fæðis- og dvalargjaldskrár í leik- grunn- og tónlistarskólum í Skagafirði, auk gjaldskrár skólarútu á Sauðárkróki, var til umræðu á síðasta fundi Byggðarráðs Skagafjarðar sem haldinn var 22. nóvember sl. Samkvæmt tillögu fræðslunefndar munu gjöldin hækka um 9% frá og með 1. janúar 2013. Byggðarráð samþykkti samhljóða að vísa gjaldskránni til afgreiðslu í sveitarstjórn.
Á fundi Byggðarráðs skapaðist umræða um hækkun leikskólagjaldanna og lagði Sigurjón Þórðarson fulltrúi Frjálslyndra og óháðra fram eftirfarandi bókun:
„Áhersla VG að hækka leikskólagjöld langt umfram verðlag kemur á óvart þar sem flokkurinn boðaði í stjórnarandstöðu gjaldfrjálsan leikskóla. Sömuleiðis boðaði samstarfsflokkur VG í meirihluta, í aðdraganda síðustu kosninga að tryggja ódýr leikskólapláss.“
Þeir Stefán Vagn Stefánsson og Bjarni Jónsson segja í bókun sinni að leikskólagjöld verða áfram með þeim allra lægstu á landinu þó þau séu hækkuð til að halda í við kostnaðarhækkanir.
Þá óskuðu þeir Jón Magnússon og Þorsteinn T. Broddason bókað:
„Brýnt er að meirihluti sveitarstjórnar snúi sér í ríkari mæli að lækkun útgjalda sveitarfélagsins og tryggi að þær aðgerðir skili árangri áður en lögð eru frekari álögur á íbúa sveitarfélagsins,“ segir í fundargerð.
Fleiri fréttir
-
Karlakórinn Heimir brattur í Brighton
feykir.is Skagafjörður, Listir og menning, Mannlíf 24.06.2025 kl. 14.10Í 98 ára sögu Karlakórsins Heimis hafa kórferðir verið æði stór hluti af starfinu. Auðvitað hafa ferðir innan land verið langflestar en utanlandsferðir hafa líka verið stór hluti af starfinu og kannski það sem hefur verið mönnum eftirminnilegast. Það hefur verið stefnan að fara á fjögurra til fimm ára fresti í utanlandsreisu. Vorið 2017 fór kórinn í stóra og mikla ferð til vesturstrandar Canada, nánar tiltekið til Vancouver og Victoria. Var sú ferð stórvel heppnuð og verður lengi í minnum höfð.Meira -
„Hún leggur mikið á sig innan og utan vallar og er með frábært hugarfar“
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 24.06.2025 kl. 13.54Morgunblaðið valdi Tindastólsstúlkuna Birgittu Rún Finnbogadóttur, sem er alin upp hjá Umf. Fram á Skagaströnd, sem leikmann 10. umferðar Bestu deildar kvenna sem var leikin nú um helgina. Stólastúlkur léku fyrir austan í þeirri umferð og Birgitta var stanslaust ógn frá fyrstu til síðustu mínútu, skoraði tvö mörk og átti drjúgan þátt í hinum tveimur mörkum Tindastóls.Meira -
Hestamannafélagið Neisti hélt félagsmót og úrtöku
feykir.is Austur-Húnavatnssýsla, Íþróttir, Hestar 24.06.2025 kl. 12.30Vel heppnað félagsmót og úrtaka Hestamannafélagsins Neista 2025. Mótið fór fram við frábærar aðstæður í blíðskaparveðri sunnudaginn 22. júní .Meira -
Héraðsvötn í bið eða vernd, jafnvel nýtingu?
feykir.is Skagafjörður, Fréttir, Lokað efni 24.06.2025 kl. 11.35Nú berast þær fréttir að stjórnarmeirihlutinn á Alþingi vill að Héraðsvötn í Skagafirði verði friðuð gagnvart virkjunum og fari í verndarflokk rammaáætlunar. Þá vill meirihlutinn halda þeim möguleika opnum að Kjalölduveita neðan Þjórsárvera verði leyfð.Meira -
Ungmennafélagar vilja koma upp strandblakvelli á Skagaströnd
feykir.is Austur-Húnavatnssýsla, Íþróttir, Mannlíf, Lokað efni 24.06.2025 kl. 11.21Ungmennafélagið Fram á Skagaströnd sendi sveitarstjórn Skagastrandar erindi þar sem óskað er eftir leyfi til þess að koma upp strandblakvelli á lóð sveitarfélagsins. Í frétt á Húnahorninu segir að í erindinu komi fram að tilgangur verkefnisins sé að bæta aðstöðu til útivistar og hreyfingar fyrir almenning á Skagaströnd.Meira
