Glæsileg kokkakeppni í Árskóla
Í gær fór fram kokkakeppni Árskóla á Sauðárkróki þar sem fimm lið tóku þátt, eitt lið úr hverjum matreiðsluhópi. Mikill áhugi og gróska er í heimilisfræðinni og er orðin sterk hefð fyrir þessari árlegri keppni í matreiðslu. Að sögn Ástu Búadóttur kennara var maturinn sérstaklega vel heppnaður og allt sem nemendur elduðu mjög bragðgott. Dómarar voru lengi að störfum, smökkuðu oft á réttunum og greinilegt að valið var erfitt.
Eftir erfiða bið voru þó úrslitin loksins kunngjörð og varð lið Hugrúnar, Maríönnu og Sunnu Lífar hlutskarpast í fyrsta sæti en þær elduðu Orvieto - ostafylltar – kjúklingabringur. Í öðru sæti voru þeir Óli Björn og Ágúst Natan með Lambafillie – Mojito og í þriðja sæti voru Eva, Inga Margrét og Hjördís með kjúklingabringur í piparostasósu.
Eins og áður sagði voru allir réttirnir ljúffengir og erfitt val fyrir dómarana sem voru að þessu sinni þeir Jón Daníel matreiðslumeistari, Róbert bakarameistari og Árni á Hard Wok Café. Mikil eftirvænting ríkti hjá krökkunum eftir úrslitum enda mátti sjá á matseðlunum að mikill metnaður var lagður í matargerðina.
-Það kemur ánægjulega á óvart að sjá, hversu mikil gróska er í matreiðslukennslu í grunnskólunum, og ef þetta er matreiðslan hjá yngri kynslóðinni má búast við að við matgæðingar horfum fram á bjarta framtíð sem við getum hlakkað til! Þessi keppni var í alla staði vel skipulögð og stórskemmtileg og það var gaman að sjá hvað krakkarnir lögðu sig vel fram og gæðin voru ekki af verri endanum, sagði Ásta.
Öllum þátttakendum er óskað til hamingju með frábæran árangur og góðan mat og dómurunum fyrir að gefa sér tíma til að koma og dæma. Ásta vildi koma kæru þakklæti til KS, Hard Wok, Ólafshúss og Orkustöðvarinnar Bláfells fyrir þeirra hlut í keppninni.
Fleiri fréttir
-
„Það er svipuð tilfinning að halda á jólapakka og hreindýrahorni“
feykir.is Skagafjörður, Austur-Húnavatnssýsla, Handverk 29.06.2025 kl. 11.09Guðmundur Bergmann Jóhannsson býr á Blönduósi með sambýliskonu sinni og þremur köttum. Guðmundur er fæddur og uppalinn í Holti í Svínadal og sem ungur drengur gekk hann í skóla á Húnavöllum. Síðan stundaði hann búfræðinám frá Hvanneyri, tók stóra vinnuvélanámskeiðið, meiraprófið og vann í nærri 30 ár á stórvirkum þungavélum um allt land. Guðmundur varð að hætta að vinna í lok árs 2021 sökum heilsubrests og er öryrki í dag.Meira -
Undirbúningur Landsmóts á Hólum í fullum gangi
feykir.is Skagafjörður, Íþróttir, Hestar 28.06.2025 kl. 12.45Landsmót hestamanna verður haldið á Hólum í júlí 2026, sléttum 10 árum eftir að þar fór fram vel heppnað Landsmót. Það er hestamannafélagið Skagfirðingur sem heldur mótið, en í góðu samstarfi við Háskólann á Hólum, Sveitarfélagið Skagafjörð og Landssamband hestamannafélaga. Undirbúningur fyrir mótið er þegar hafinn enda í mörg horn að líta.Meira -
Pétur, Nesi og Raggi áfram með Stólunum
feykir.is Skagafjörður, Íþróttir, Lokað efni 28.06.2025 kl. 12.28Tindastólsmennirnir Pétur Rúnar Birgisson, Hannes Ingi Másson og Ragnar Ágústsson hafa skrifað undir samninga um að halda áfram með liðinu. Í fréttatilkynningu frá körfuknattleiksdeild Tindastóls kemur fram að þeir Pétur og Ragnar semji til næstu þriggja ára en Hannes til eins árs.Meira -
Stólarnir mæta toppliði 2. deildar í Fótbolti.net bikarnum
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 28.06.2025 kl. 11.57Í hádeginu í gær, föstudag 27. júní, var dregið í 16-liða úrslit Fótbolta.net bikarsins, sem er bikarkeppni neðri deilda karla. Bæði Kormákur/Hvöt og Tindastóll unnu sína leiki í 32 liða úrslitum keppninnar nú fyrr í vikunni og voru því í pottinum þegar dregið var. Einhverja dreymdi um að liðin mundu dragast saman og spilaður yrði alvöru Norðurlands vestra slagur. Sá draumur rættist ekki.Meira -
Jóhann Daði er nýr formaður knattspyrnudeildar Tindastóls
feykir.is Skagafjörður, Íþróttir, Lokað efni 27.06.2025 kl. 10.15Framhaldsaðalfundur knattspyrnudeildar fór fram 25. júní og var efni fundarins aðeins eitt, að kjósa formann og stjórn fyrir deildina. Í fréttatilkynningu frá knattspyrnudeildinni segir að það hafi tekist því Jóhann Daði Gíslason gaf kost á sér til formanns og hlaut einróma kosningu.Meira
