Glæsilegur sigur hjá stelpunum
Tindastóll/Neisti sigraði HK/Víking í hörkuleik fyrr í kvöld í norðankalda á Sauðárkróksvelli 2-1. Komust í 4. sætið fyrir vikið með 12 stig.
Það voru ekki kjöraðstæður til að leika knattspyrnu á Sauðárkróki í kvöld þegar Tindastóll/Neisti tók á móti HK/Víkingi í 1. deild kvenna. T/N lék fyrri hálfleikinn undan stífri norðanáttinni og skapaði sér mörg færi en HK/Vík. áttu fáar hættulegar sóknir og oft fóru sendingar þeirra forgörðum á móti vindinum þar sem þær náðu ekki að halda boltanum niðri. Á 27. mínútu dróg til tíðinda þegar Tindastóll fékk dæmda aukaspyrnu rétt utan vítateigs sem Svava Rún tekur og boltinn fer í Þóru Rut og í markiðog eitt núll fyrir T/N. Skömmu fyrir lok fyrri hálfleiks komst Brynhildur inn fyrir vörn andstæðinganna og ein á móti markmanni sendi hún boltan að marki sem hafnaði á innanverðri stöng og frá marki.
Í seinni hálfleik hélt baráttan áfram og þegar skammt var liðið af seinni hálfleik náðu sunnsnstúlkur að koma boltanum í netið eftir hornspyrnu. T/N héldu þó áfram að berjast og náðu að spila vel saman og skapa sér færi þó vindurinn ágerðist frekar. Eftir harða hríð að marki H/V náði Brynhildur að skora eftir fyrirgjöf á 65.mínútu og staðan 2-1 sem hélst til leiksloka. Gaman var að sjá hvað lið Tindastóls/Neista var baráttuglatt og ætlaði sér sigur í leiknum en með honum komst það upp fyrir Draupni í 4. sæti sem þó á einn leik eftir og tækifæri til að endurheimta það. Bjarki þjálfari var örlátur á varamennina í kvöld en hann skipti þeim öllum inn á áður en leik lauk og er óhætt að óska honum til hamingju með árangur liðsins í sumar sem hefur tekið miklum framförum.
Fleiri fréttir
-
Tindastólspiltar með sigur í fyrsta leik
feykir.is Skagafjörður, Íþróttir, Lokað efni 04.05.2025 kl. 02.52Keppni í 3. deild karla í knattspyrnu fór af stað nú um helgina og í gær tóku Stólarnir á móti ágætu liði Ýmis úr Kópavogi. Leikið var við nánast fáránlega góðar aðstæður á Króknum, sól í heiði, logn og 12 stiga hiti og teppið fagurgrænt. Leikurinn var ágætur og úrslitin enn betri, sigur í fyrsta heimaleik, lokatölur 2-1 fyrir Tindastól.Meira -
Það verða læti!
feykir.is Skagafjörður, Íþróttir, Lokað efni 03.05.2025 kl. 23.24Fjórði leikurinn í undanúrslitaeinvígi Tindastóls og Álftaness fór fram í Kaldalónshöllinni á Álftanesi í kvöld: Það var frábær stemning og stuðningsfólk Tindastóls fjölmennto og var í góðum gír að venju. Leikurinn var hin besta skemmtun og enn betri fyrir gestina eftir því sem á leið leikinn. Það fór svo á endanum að Stólarnir sýndu sínar bestu hliðar og tryggðu sér þriðja sigurinn í einvíginu og þar með sæti í úrslitarimmunni. Lokatölur 90-105.Meira -
Stefnir á matvælafræði í haust en Listaháskólinn heillar líka
feykir.is Skagafjörður, Lokað efni 03.05.2025 kl. 09.00Hákon Snorri Rúnarsson er fæddur á Sauðárkróki árið 2006, sonur hjónanna Sólveigar B. Fjólmundsdóttur og Rúnars S. Símonarsonar. Í vor útskrifast Hákon af Heilbrigðisfræðibraut Menntaskólans á Akureyri og hefur Hákon verið ansi virkur í félagslífinu með náminu og hefur hann látið til sín taka í stórum uppsetningum Leikfélagsins í skólanum. Feykir spjallaði við Hákon og forvitnaðist um hvað hann er búinn að vera að brasa og hvað sé framundan hjá þessum hæfileikaríka unga manni.Meira -
Hagnaður KS var 3,3 milljarðar á síðasta ári
feykir.is Skagafjörður, Lokað efni 02.05.2025 kl. 15.28Aðalfundur Kaupfélags Skagfirðinga fyrir rekstrarárið 2024 var haldinn í Menningarhúsinu Miðgarði í Varmahlíð þann 10. apríl 2025 og hófst kl. 12:00 með hádegisverði. Fram kom á fundinum að rekstartekjur síðasta árs voru um 55 milljarðar og höfðu hækkað um tvo milljarða frá fyrra ári. Rekstarhagnaður fyrir afskriftir og fjármagnsliði, svokölluð EBITDA, var 7,4 milljarðar sem er lækkun um tæpan milljarð frá fyrra ári, en það ár var besti rekstrarárangur í sögu félagsins.Meira -
Skemmtileg kvöldstund í Bifröst | Kíkt í leikhús
feykir.is Skagafjörður, Aðsendar greinar, Listir og menning 02.05.2025 kl. 15.14Undirritaðar brugðu undir sig betri fætinum og renndu á krókinn í vor blíðunni til að sjá uppfærslu Leikfélags Sauðárkróks á farsanum Flæktur í netinu eftir Ray Cooney í leikstjórn Valgeirs Skagfjörð. Fínasta útfærsla og skemmtileg kvöldstund.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.