Góður heimasigur í háspennuleik
Það var kalt á Króknum í gær, norðanátt og hitastigið ekki nema nokkrar gráður þegar flautað var til leiks í leik Tindastóls/Hvatar og Reynis frá Sandgerði. Heimamenn voru sterkari aðilinn til að byrja með og reyndu að spila boltanum. Það var síðan tenniskappinn Arnar Sigurðsson sem skoraði fyrsta mark leiksins og var það afar vel gert hjá honum. Hann komst upp vinstra megin og setti boltann í fjærhornið við mikinn fögnuð félaga sinna og áhorfenda.
En Adam var ekki lengi í Paradís og Reynismenn náðu að jafna áður en fyrri hálfleikurinn var allur. Það var Jóann Reynir Jóhannsson sem þar var að verki. Hann skoraði síðan annað mark sitt í upphafi seinni hálfleiks og kom gestunum í 1-2 forystu.
Heimamenn sóttu ákaft eftir þetta og gerðu allt til að jafna leikinn. Árni Einar átti frábæra sendingu frá hægri vængnum og yfir á vinstri vænginn þar sem Arnar Sigurðsson tók gríðarlega vel á móti boltanum og afgreiddi hann síðan óverjandi í markið. Þarna var staðan orðin 2-2 og áfram sóttu heimamenn en vissulega áttu Reynismenn sínar sóknir en fleiri mörk gerðu þeir ekki.
Það var síðan Fannar Örn Kolbeinsson sem kom inná af bekknum sem átti skot á markið þegar stutt var til leiksloka. Markmaður Reynis misreiknaði sig illilega og boltinn endaði í markinu og þar við stat. 3-2 sigur heimamanna sem fögnuðu vel og innilega.
Byrjunarlið Tindastóls/Hvatar: Gísli Eyland, Arnar Skúli, Bjarki Már, Björn Anton, Stefán Hafsteins.,Árni Einar, Árni Arnarson, Atil Arnarson, Benni, Arnar Sig og Kolbeinn Kára.
Af bekknum komu eftirtaldir inná: Fannar Örn, Dejan og Hilmar Kára.
/Tindastóll.is
Fleiri fréttir
-
Listsýningin Vor Verk opnar um helgina í hAughúsi í Héraðsdal
feykir.is Skagafjörður, Listir og menning, Lokað efni 26.06.2025 kl. 14.43Akademía skynjunarinnar opnar sýninguna Vor Verk í nýjum heimkynnum sínum, hAughúsi í Héraðsdal í Skagafirði, laugardaginn28. júní kl. 15:00. Þetta er umbreytt haughús sem nú þjónar sem listsalur og nýr heimavöllur Akademíu skynjunarinnar. Sýningin stendur til 10. ágúst en opið verður frá fimmtudegi til sunnudags frá kl. 13-18 á meðan á sýningunni stendur.Meira -
Rabarbarinn rís til virðingar á Blönduósi
feykir.is Austur-Húnavatnssýsla, Listir og menning, Mannlíf 26.06.2025 kl. 10.48Í fyrra var Rabarbarahátíð haldin í fyrsta skipti á Blönduósi og tókst framar vonum. Það var því ekki annað í stöðunni en að endurtaka leikinn. Hátíðin þetta sumarið fer fram laugardaginn 28. júní í gamla bænum á Blönduósi og hefst kl. 11:00. Feykir hafði samband við einn skipuleggjenda hátíðarinnar, Iðunni Vignisdóttur, sem hafði frá ýmsu spennandi að segja. Við hófum þó leik á að spyrja hverjir væru í forsvari fyrir hátíðinni í ár.Meira -
Maraþonmót hjá skagfirskum hestamönnum
feykir.is Skagafjörður, Íþróttir, Hestar, Lokað efni 26.06.2025 kl. 09.40Félagsmót Skagfirðings var haldið velli félagsins á Sauðárkróki laugardaginn 21 júní. Mótið var jafnframt úrtaka fyrir fjórðungsmót. Þátttaka var verulega góð og var lagt upp með að mótið yrði í 2 daga.Meira -
Sigurður Arnar ráðinn forstöðumaður framkvæmda á Veitu- og framkvæmdasviði Skagafjarðar
feykir.is Skagafjörður, Lokað efni 26.06.2025 kl. 09.03Á heimasíðu Skagafjarðar er sagt frá því að Sigurður Arnar Friðriksson hefur verið ráðinn í stöðu forstöðumanns framkvæmda á Veitu- og framkvæmdasviði hjá sveitarfélaginu Skagafirði. Hann hefur þegar hafið störf og býður Skagafjörður hann velkominn til starfa og óskar honum velfarnaðar í sínum störfum.Meira -
Kormákur/Hvöt með sigur á Grenivík
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 26.06.2025 kl. 08.50Síðari leikdagurinn í 32 liða úrslitum Fótbolti.net bikarsins fór fram í gærkvöldi og þá mætti lið Kormáks/Hvatar piltunum í Magna á Grenivík. Leikurinn var kaflaskiptur því heimamenn voru sterkari aðilinn í fyrri hálfleik en taflið snérist við í síðari hálfleik. Það fór svo að gestirnir úr Húnavatnssýslunni reyndust sterkari og unnu leikinn 1-3. Bæði liðin af Norðurlandi vestra verða því í pottinum þegar dregið verður í 16 liða úrslitin.Meira
