Góður sigur á Fjölni í Lengju-bikarnum
Fjölnir heimsótti Tindastól í Síkið í kvöld og var viðureignin hluti af Lengju-bikarnum, sem líkt og í fyrra hefst með riðlakeppni. Auk Tindastóls og Fjölnis eru lið Stjörnunnar og Breiðabliks í riðlinum. Fjölnir höfðu byrjað vel í Dominos-deildinni en þeir urðu að sætta sig við tap í kvöld gegn spræku Tindastólsliði.
Leikurinn var jafn fram í miðjan fyrsta leikhluta en þá náðu Stólarnir að skella í lás í vörninni og gestirnir gerðu ekkert einasta stig síðustu sex mínútur fjórðungsins. Á meðan gerðu heimamenn 10 stig og staðan 18-7 þegar annar leikhluti hófst. Fjölnismenn náðu að hægja á Stólunum og kröfsuðu sig inn í leikinn aftur. Þeir jöfnuðu 25-25 þegar rúmar þrjár mínútur voru til hálfleiks en Þröstur Leó gerði næstu 4 stig og Helgi Rafn bætti við 6 stigum til viðbótar án þess að gestirnir næðu að svara. Staðan 37-29 í hálfleik.
Tindastóll hafði frumkvæðið áfram í þriðja leikhluta en um miðjan leikhlutann munaði fimm stigum, 45-40, en Þröstur Leó skilaði niður þristi í kjölfarið. Hart var barist og minnstur varð munurinn þrjú stig, 54-51, en þá dúkkaði Svabbi upp með þrist og staðan 57-51 að loknum þriðja fjórðungi. Hreinsi hermdi eftir bróðir sínum í upphafi fjórða leikhluta og kom Stólunum í 60-51 og eftir það voru gestirnir aldrei nálægt því að ná í skottið á heimamönnum sem juku við forystuna sem varð mest 15 stig. Lokatölur 79-66.
Fremstur í flokki hjá heimamönnum í kvöld var fyrirliðinn Helgi Rafn sem gerði 20 stig og hirti aum (!) 17 fráköst. Stólarnir fráköstuðu eins og vitlausir menn í kvöld, hirtu 55 i heildina, þar á meðal 23 sóknarfráköst, á meðan gestirnir tóku 36 alls. George Valentine gerði 15 stig og tók 15 fráköst og Þröstur Leó gerði 15 stig. Isaac Miles gerði 11 stig í kvöld en er ekki enn búinn að finna fjölina sína, hann náði ekki að setja eitt einasta 3ja skot niður þrátt fyrir að hafa reynt 7 sinnum. Hreinsi reyndi 8 sinnum við 3ja stiga skot og setti eitt niður þannig að eitthvað þurfa Stólarnir að fara að stilla miðið, 5 niður í 28 tilraunum hjá liðinu er ekkert til að hrópa húrra fyrir.
Aðalatriðið var að sigra í kvöld og ná sjálfstrausti í hópinn. En hvað er eiginlega með Svabba á vítalínunni?
Stig Tindastóls: Helgi Rafn 20, Þröstur Leó 15, George Valentine 15, Isaac Miles 11, Sigtryggur Arnar 6, Svavar Atli 5, Hreinn Gunnar 3, Helgi Freyr 2 og Friðrik 2.
Fleiri fréttir
-
Það stefnir í sögulegan Grænan sal
feykir.is Skagafjörður, Listir og menning 25.06.2025 kl. 14.39Það er örugglega smá eftirvænting hjá einhverjum sem ætla að mæta í Bifröst nú á föstudagskvöldið en þar fara fram hinir árlegu tónleikar heimaalinna listamanna, Græni salurinn. Tónleikarnir að þessu sinni verða tileinkaðir minningu Gísla Þórs Ólafssonar, Gillons, sem lést snemma árs. Félagar hans í Contalgen Funeral munu troða upp á tónleikunum en langt er síðan hópurinn kom saman.Meira -
Sundlaugin á Hofsósi opnar klukkan fjögur í dag
feykir.is Skagafjörður, Mannlíf 25.06.2025 kl. 14.23Vakin er athygli á því að sundlaugin á Hofsósi er lokuð í dag, miðvikudaginn 25. júní, fram til kl. 16:00 vegna námskeiðs starfsmanna. Opnunartíminn verður því frá kl. 16:00 - 20:00.Meira -
Heilabrot – Nýsköpun fyrir betra samfélag
feykir.is Skagafjörður, Austur-Húnavatnssýsla, Vestur-Húnavatnssýsla 25.06.2025 kl. 10.33Heilabrot - vinnustofa í nýsköpun á sviði heilbrigðis- og velferðarmála á Norðurlandi - fór fram í síðustu viku í samvinnu Drift EA og Háskólans á Akureyri. Markmið verkefnisins var að skapa vettvang þar sem unnið er að þverfaglegum lausnum á áskorunum sem samfélagið á Norðurlandi stendur frammi fyrir í heilbrigðis- og velferðarmálum.Meira -
Að sækja gullið (okkar): grein 2 | Þröstur Friðfinnsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.06.2025 kl. 10.01Ný ríkisstjórn Kristrúnar Frostadóttur fór af stað fyrir hálfu ári með mörg fögur fyrirheit, undir fána bjartsýni og krafts. Stjórnarandstaðan hefur á köflum verið full smámunasöm, reynt að leggja hvern þann stein í götu nýrrar stjórnar sem færi hefur verið á. Það er miður, enda ekki nema eðlilegt að ný stjórn fái einhvern vinnufrið, fái tækifæri til að sýna hvað hún getur og koma góðum málum í framkvæmd.Meira -
Stólarnir áfram í Fótbolti.net bikarnum
feykir.is Skagafjörður, Íþróttir, Lokað efni 25.06.2025 kl. 08.28Fyrsta umferðin í Fótbolti.net bikarnum í fótbolta hófst í gærkvöldi með leik Tindastóls og Árborgar á Sauðárkróksvelli. Leikið var við fínar aðstæður enda veðrið ljúft, hlýtt og stillt. Það fór svo að heimamenn tryggðu sig áfram í keppninni með 2-0 sigri.Meira
