Golf í Skagafirði
Kylfingar taka fram kylfurnar með hækkandi sól. Hlíðarendavöllur heillar á Nöfunum. Þar er gott að vera í góðum félagsskap, njóta náttúrufegurðar, kyrrðar og góðrar íþróttar. Félagar í GSS eru þar á sælureit en gestir eru ávallt velkomnir.
Golfklúbbur Skagafjarðar gegnir mikilvægu hlutverki í samfélaginu í Skagafirði. Í fyrsta lagi fer fram öflugt barna- og unglingastarf í klúbbnum, í öðru lagi hentar golf sem áhugamál, félagsskapur og heilsubót fyrir fólk á öllum aldri og síðast en ekki síst er golf hluti af ferðamennsku og golfarar heimsækja Skagafjörð gagngert til þess að spila golf. Fjöldi félaga í GSS er á þriðja hundrað.
Nýliðanámskeiðin vinsælu
GSS er góður félagsskapur sem er öllum opinn. Námskeiðið hefst í byrjun júní. Kennt er tvisvar í viku og fá þátttakendur aðgang að golfklúbbnum og þar með vellinum. GSS hefur það að markmiði að gera inngöngu í GSS áhugaverða, með kynningu, námskeiðum og nýliðamótum. Nýliðanefndin og þjálfarar á nýliðanámskeiði hjálpa við skrefið frá því að vera byrjandi yfir í það að spila reglulega á Hlíðarendavelli. Árný Lilja hefur leiðbeint á námskeiðunum og hafa synir hennar verið til aðstoðar. Óhætt er að segja að námskeiðin hafi vakið lukku.
Þann 14. júní ætlar GSÍ að halda "Golfdaginn 2022" í samstarfi við KPMG, PGA og Golfklúbb Skagafjarðar, en þá verður sérstakur kynningardagur á golfvellinum. Boðið verður upp á fræðslu og kennslu, veitingar og margt fleira.
Barna- og unglingastarf
Barna og unglingastarf er blómlegt og fer vaxandi. Sumaræfingar eru á virkum dögum júní – ágúst og á veturna eru inniæfingar. Þjálfarar okkar eru reyndir kylfingar í GSS og einnig fáum við PGA kennara í heimsókn. Langtímamarkmið í þjálfun barna og unglinga er að skapa áhuga á golfíþróttinni og íþróttum almennt, sem endist ævilangt.
Paradís á Nöfunum
Hlíðarendavöllur fær einróma lof þeirra sem hann sækja. Staðsetning vallarins er góð, í göngufæri frá íbúðabyggð og tjaldstæðum bæjarins sem hefur marga augljósa kosti. Hlíðarendavöllur er Paradís á Nöfunum. Útsýni er inn og út fjörðinn með fagra fjallasýn. Dýrahljóð setja sinn ljóma á völlinn. Fuglarnir syngja, en kannski ekki alltaf þeir fuglar sem kylfingar vilja að syngi. Muggur vallarstjóri hefur ásamt sumarstarfsmönnum unnið afrek við að halda vellinum í góðu ástandi og tækjum gangandi.
Félagsmenn nýta golfskálann mikið í tengslum við blómlegt mótahald og samkomur tengdar golfinu. Yfir sumartímann er starfsmaður alla daga í skálanum. Þar er hægt að kaupa veitingar og virða fyrir sér náttúrufegurðina og fólkið sem arkar eftir golfvellinum.
Golf og ferðamennska
Kylfingar á Íslandi eru vel yfir 20 þúsund manns. Margir kylfingar taka golfsettið með þegar þeir ferðast um landið. Við í GSS státum af góðum velli í fallegu umhverfi. Við bjóðum upp á fjölda móta fyrir börn og fullorðna þar sem við fáum gesti víðs vegar að. Konur í GSS standa fyrir árlegu golfmóti fyrir konur á Norðurlandi sem nýtur mikilla vinsælda.
GSS hefur eignast vinaklúbba um land allt, en félagsmenn þeirra fá afslátt þegar þeir spila hjá okkur og gagnkvæmt. Við gerum okkur vonir um að kylfingar vinaklúbba muni heimsækja Skagafjörð í auknum mæli á komandi árum til að glíma við völlinn fagra og njóta alls hins góða sem Skagafjörður hefur upp á að bjóða. Skagafjörður er áfangastaður kylfinga.
Sigríður Svavarsdóttir,
formaður GSS, formadur@gss.is
Fleiri fréttir
-
Venju samkvæmt er Stólastúlkum spáð falli
feykir.is Skagafjörður, Íþróttir 19.04.2024 kl. 15.44Það eru nokkrir fjölmiðlar sem spá fyrir tímabilið í Bestu deild kvenna í knattspyrnu og jafnan er liði Tindastóls spáð falli, ýmist 9. eða 10. sæti. Í árlegri spá fyrirliða, þjálfara og forráðamanna er liðinu spáð níunda sæti en liði Keflavíkur því neðsta. Íslandsmeisturum Vals er aftur á móti spáð titlinum og Blikum öðru sæti. Grönnum okkar í Þór/KA er síðan spáð þriðja sætinu.Meira -
Við erum ótrúlega rík af fólki | LS Lulla í spjalli
feykir.is Skagafjörður, Listir og menning, Mannlíf 19.04.2024 kl. 14.40„Litla hryllingsbúðin er skemmtilega fjölbreytt verk með miklum söng og er skemmtileg dramatísk hrollvekja,“ segir Sigurlaug Dóra Ingimundardóttir (Lulla), formaður Leikfélags Sauðárkróks, þegar Feykir spyr hana hvað hún geti sagt um Sæluvikustykki LS þetta árið. Æfingar standa nú yfir en frumsýnt verður í Bifröst á Sauðárkróki sunnudaginn í Sæluviku en samkvæmt áreiðanlegum heimildum Feykis er hér um að ræða 146. sýningu Leikfélags Sauðárkróks frá því það var endurvakið árið 1941.Meira -
Alvarleg vanræksla á nautgripum kærð til lögreglu
feykir.is Skagafjörður, Austur-Húnavatnssýsla, Vestur-Húnavatnssýsla 19.04.2024 kl. 10.05Í tilkynningu á vef Matvælastofnunar er greint frá því að MAST hafi kært til lögreglu alvarlega vanrækslu eftir að 29 nautgripir fundust dauðir í gripahúsi við eftirlit á lögbýli á Norðurlandi vestra. Í kjölfarið aflífuðu starfsmenn stofnunarinnar 21 grip til viðbótar á staðnum sökum slæms ástands, allt gripi sem voru hýstir í húsinu.Meira -
Nærandi ferðaþjónusta | Freyja Rut Emilsdóttir skrifar
feykir.is Skagafjörður, Aðsendar greinar 19.04.2024 kl. 09.03Nærandi ferðaþjónusta er hugtak sem fær sífellt meiri athygli í umræðunni bæði hér á Íslandi sem og um heim allan. Hugtakið felur í sér markvissar aðgerðir sem fólk og fyrirtæki geta gripið til með það að markmiði að hafa jákvæð áhrif á nærumhverfi og náttúru og skilja þannig við áfangastaðinn, samfélagið og náttúruna í betra ástandi en áður. Þannig er farið skrefi lengra en sjálfbærni þar sem markmiðið er að skilja ekki við umhverfið í verra ástandi en áður og ganga ekki á auðlindir framtíðar.Meira -
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.