Gunnar Hrafn vill halda í fjölskylduhefðir og syngja í Miðgarði :: Jólin heima 11. desember í Miðgarði
Margir muna eflaust eftir því þegar ungt tónlistarfólk í Skagafirði tók sig til um seinustu jól og hélt glæsilega jólatónleika í beinu streymi frá félagsheimilinu Bifröst sem nefndust Jólin heima. Sami hópur hefur nú tekið sig saman og ætlar að halda Jólin heima að nýju en nú í Menningarhúsinu Miðgarði, vonandi fyrir fullum sal af fólki ef veður og vindar, Þórólfur og Svandís leyfa. Markmiðið er að halda tónleika þar sem ekkert er slegið af, hvorki í söng né hljóðfæraleik.
Þeir sem koma fram og standa að tónleikunum eru allir Skagfirðingar, sumir búsettir í firðinum, aðrir námsmenn í Reykjavík og svo hann Gunnar Hrafn Kristjánsson sem á sterk tengsl í fjörðinn, við skulum gefa Gunnari orðið:
-Pabbi minn er af Króknum og heitir Kristján Gíslason. Hann er söngvari og starfar einnig sem markaðssérfræðingur hjá VÍS. Hann er sonur Gísla Kristjánssonar og Hólmfríðar (Díu) Ragnarsdóttur. Mamma mín heitir Elín Greta Stefánsdóttir og er mannauðsstjóri hjá Verkís. Hún er frá Hofsósi en var í fjölbrautaskóla á Króknum. Hún er dóttir Stefáns (Dedda) Gunnarssonar og Stefaníu Theodóru Guðmundsdóttur.
Hvernig kemur það til að þú ert að fara að syngja á þessum tónleikum?
Hann Jóhann Daði heyrði bara í mér og sagði að þetta væru skagfirskir tónleikar og þá einfaldlega gat ég ekki sagt nei. Ég hafði heyrt af þessum tónleikum þegar þeim var streymt í fyrra og fannst þetta bara rosa flott verkefni. Síðan hjálpaði það mjög mikið til þegar ég vissi að þeir yrðu haldnir í Miðgarði, þá þurfti ég að slá til vegna þess að ég hafði heyrt svo mikið um þennan stað. Pabbi hafði giggað endalaust þarna og svo hafði auðvitað öll stórfjölskyldan mín djammað ófá kvöld þarna þannig að mér fannst þetta bara fullkomið tækifæri að halda áfram með fjölskylduhefðirnar og setja mitt nafn þar inn.
Hvernig líst þér á þetta?
-Mér líst rosalega vel á þetta. Ég söng síðast á svona tónleikum fyrir næstum því ári síðan á Jólagestum Björgvins þannig það er kominn smá tími síðan ég söng fyrir fólk, mig er eiginlega farið að klæja bara. Ég er líka spenntur að fá að koma aftur á Krókinn, alltof langt síðan síðast.
Lítur þú á þig sem Skagfirðing, ef svo er, að hvaða leyti?
-Já ég hika ekki við að kalla mig Skagfirðing. Þó að ég hafi aldrei búið þarna sjálfur þá hef ég alltaf átt þessa tengingu við Skagafjörðinn í gegnum sögusagnir frá fjölskyldunni, bæði Hofsós-megin og Sauðárkróks-megin. Systir pabba og maðurinn hennar eiga líka land þarna þar sem ég hef eytt ófáum stundum og það er eitthvað það skemmtilegasta og notalegasta sem ég geri, að fara á Skefilsstaði. Síðan auðvitað á ég besta afa í heimi sem hefur alltaf búið á Króknum þannig ég fyllist alltaf góðri tilfinningu þegar ég kem þangað. Skín við sólu Skagafjörður.
Hægt er að nálgast miða á Tónleikana á Tix.is.
/SMH
Fleiri fréttir
-
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira -
Enskumælandi ráð Mýrdalshrepps hlaut Landstólpa Byggðastofnunar
feykir.is Skagafjörður, Austur-Húnavatnssýsla, Vestur-Húnavatnssýsla 18.04.2024 kl. 12.56Enskumælandi ráð Mýrdalshrepps er handhafi Landstólpans, samfélagsviðurkenningar Byggðastofnunar, árið 2024. Alls bárust 26 tilnefningar víða af landinu. Viðurkenningin var afhent á ársfundi Byggðastofnunar sem fram fór í Bolungarvík og er þetta í þrettánda sinn sem viðurkenningin er veitt.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.