Miðasala á sjöundu Jólin heima að hefjast
Undirbúningur fyrir jólatónleika í Miðgarði er hafinn og miðasala fer af stað í vikunni. Miðasala á jólatónleikana Jólin heima 2026 í Miðgarði hefst fimmtudaginn 1. okt. í gegnum auglýsingahlekk á Feyki.is. Tónleikarnir fara fram í Menningarhúsinu Miðgarði laugardagskvöldið 12. desember.
Þetta verður í sjöunda skiptið sem ungt tónlistarfólk úr Skagafirði bíður upp á notalega kvöldstund í aðdraganda jóla. Ein helsta „jólarödd“ Íslands, Pálmi Gunnarsson mun koma fram á tónleikunum þetta árið. Tónleikarnir hafa verið mjög vel sóttir undanfarin ár og sú hefð hefur skapast hjá mörgum vinnustöðum að nýta sér hópatilboð og sameinast í því að fá jólaandann beint í æð í Miðgarði.
Það er uppbyggingarsjóður Norðurlands vestra og fyrirtæki á svæðinu sem gera Jólin heima hópnum kleift að bjóða upp á glæsilega tónleika í glæsilegri umgjörð í Miðgarði.
Skagfirskt tónlistarfólk í fararbroddi
Feykir talaði við Eystein Ívar sem er listrænn stjórnandi tónleikanna í þetta skiptið og spurði hann hvers jólaþyrstir mættu eiga von á í Miðgarði 12. desember? „Þeir eiga von á virkilega flottum og góðum tónleikum þar sem skagfirskt tónlistarfólk eru í fararbroddi.“
Eru einhverjar breytingar á liðsskipan eða verða gestir? „Liðsskipan er sú sama og síðustu ár, það er virkilega gott að geta haldið í sama kjarna. Gestasöngvarinn í ár verður Pálmi Gunnarsson.“
Hvert er hlutverk listræns stjórnanda? „Hlutverkið felur í sér að sjá um heildarmyndina á tónleikunum sjálfum. Sjá fyrir sér tónleikana og fylgja því eftir svolítið svipað og þegar maður er að leikstýra.“
Er búið að velja lögin? „Jújú, við getum orðað það þannig að listinn er klár í ár.“
Hvaða jólalag er í uppáhaldi hjá þér? „Uppáhalds jólalagið mitt er lagið Óskalistinn með Pálma Gunnars, mæli með að hlusta á þessa fallega perlu.“
Fleiri fréttir
-
Tölum um heilabilun – fræðsla fyrir íbúa | Thelma Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.09.2026 kl. 12.55Í næstu viku koma fulltrúar frá Heilahjálp – samtökum um heilabilun (áður Alzheimersamtökin) og halda fræðsluerindi fyrir íbúa og fagfólk á Sauðárkróki og Hvammstanga. Markmiðið er að auka þekkingu og opna umræðu um heilabilun, sem snertir þúsundir Íslendinga og fjölskyldur þeirra.Meira -
Keflavíkurliðið mætir Stólastúlkum í Síkinu í kvöld
feykir.is Skagafjörður, Íþróttir 29.09.2026 kl. 11.53Bónus deild kvenna hefst í kvöld með þremur leikjum. Lið Tindastóls fær lið Keflavíkur í heimsókn og hefst leikurinn kl. 19:15 og þeir sem mæta tímanlega getir gripið borgara af grillinu. Spá formanna, fyrirliða og þjálfara var kynnt fyrir helgi og þar bar svo við að liði Tindastóls var spáð ofar í deildinni en gestunum úr Keflavík og það er nú saga til næstu bæja.Meira -
Belmonte og Trausti þóttu bestir hjá Kormáki Hvöt
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 29.09.2026 kl. 10.57Lið Kormáks Hvatar átti ágætt sumar í 2. deildinni í sumar, endaði í áttunda sæti eftir að hafa daðrað við toppbaráttuna um mitt sumar. Sömuleiðis koms lið Húnvetninga í undanúrslit í Gatorade-bikarnum en féll úr leik eftir vítakeppn gegn liði Hauka. Knattspyrnudeild Kormáks Hvatar hélt að sjálfsögðu lokahóf að loknu móti og þar var Pere Belmonte valinn besti leikmaðurinn og Trausti Þorgilsson besti ungi leikmaðurinn.Meira -
Það er bleytuveður í dag en þetta lagast
feykir.is Skagafjörður, Austur-Húnavatnssýsla, Vestur-Húnavatnssýsla 29.09.2026 kl. 09.46Hausttilboð Veðurstofunnar síðustu daga hefur að mestu verið rok og rigning, þokubakkar og þung ský. Ekki beinlínis uppörvandi tilboð og reikna má með að svipaða sögu verði að segja í dag og fram eftir morgnundeginum. En eins og skáldið góða, Helgi Bjöss, benti á í upphafi Covid-faraldursins, þá styttir alltaf upp og samkvæmt veðurspám þá má reikna með að einmitt það gerist seinni part miðvikudags, Sæmilegustu hlýindi og sólargeislar fá stærri rullu fram á sunnudag.Meira
