Hafist handa við Sundlaug Sauðárkróks
Fyrir byggðaráði Skagafjarðar liggur tillaga um að hafinn verði undirbúningur að enduruppbyggingu Sundlaugar Sauðárkróks á núverandi stað í hjarta bæjarins, ásamt leik- og útivistarsvæði. Ennfremur að Sveitarfélagið setji framkvæmdinni fjárhagslegan ramma og almenna umgjörð, en skoðað verði að gefa íbúum kost á að taka þátt í hugmyndavinnu við verkefnið.
Sundlaug Sauðárkróks „forgangsverkefni“ í 20 ár
Þrátt fyrir að sundlaugin hafi í hartnær tvo áratugi verið skilgreind sem forgangsverkefni í nýframkvæmdum hjá sveitarfélaginu, hafa á þeim tíma önnur verkefni ávallt lent framar í röðinni þegar til á að taka. Í fjárhagsáætlun sveitarfélagsins fyrir árið 2014 var gert ráð fyrir 5 milljónum króna til undirbúnings slíkri vinnu. Verkefnið dagaði hinsvegar uppi með meirihlutaskiptum vorið 2014. Fjárheimildinni var þó haldið inni í áætlun þessa árs og væntingar um að verkefninu yrði fylgt eftir. Það er hinsvegar komið fram á mitt sumar án þess að þessu verkefni hafi verið hreyft að frumkvæði núverandi meirihluta sveitarstjórnar og að óbreyttu hætta á því að Sundlaug Sauðárkróks gleymist einu sinni enn. Með þessari tillögu minni er tekið af skarið með undirbúning þess að hafist verði handa við enduruppbyggingu sundlaugarinnar á núverandi stað, ásamt leik- og útisvæði. Í Feyki 6. mars 2014 birtist grein eftir undirritaðan um sama efni, en málið tekið hér upp aftur til að fylgja tillögunnni eftir og hvetja fólk til dáða og láta verkin tala.
Sú vinna þarf að hefjast núna
Sundlaug Sauðárkróks er barn síns tíma og margt sem ekki stenst þær nútíma kröfur sem samfélagið gerir til sundlauga. Fatlaðir geta í dag ekki nýtt laugina, barnafólk fer annað í leit að "barnvænni" laug og eins og glöggir vegfarendur gætu hafa séð helgina 27.-28. júní , þegar raðir mynduðust út að bílastæðum laugarinnar, þá annar hún ekki nægjanlega vel þeim aukna fjölda ferðamanna sem sækja svæðið heim. Margvíslegir möguleikar eru á að búa svæðið heitum pottum, vaðlaugum, rennibrautum og öðrum leiktækjum. Litla vatnaveröld þar sem allir geta fundið eitthvað við sitt hæfi, hvort heldur er til leikja og samveru fjölskyldunnar, sundæfinga, eða slökunar og endurhæfingar. Það er fyrir löngu kominn tími til að ráðast í endurbætur og byggja upp sundlaugarsvæðið þannig að það þjóni sem best óskum íbúa og gesta í dag, með bættu aðgengi og fjölbreyttari notkunarmöguleikum. Sú vinna þarf að hefjast núna.
Bjarni Jónsson
oddviti VG og óháðra
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.