Heimir nýbúinn fyrir sunnan. Næsta stopp, Miðgarður.
Karlakórinn Heimir hélt velheppnaða tónleika í Háteigskirkju á laugardaginn var. Áætlaðir höfðu verið tónleikar á Akranesi á föstudagskvöldið en þeim varð að aflýsa vegna veðurs og ófærðar. Í Háteigskirkju mættu um 250 manns svo hún var nánast full. Ef marka má færslur á facebooksíðu kórsins voru tónleikagestir vel sáttir. Hér eru til gamans nokkur ummæli:
Bjarni Jónsson þakkar fyrir sig í bundnu máli: „Bestu þakkir fyrir frábæra tónleika."
„Heimismenn voru góðir í gær
gleðinnar óðinn sungu
Hamingju færðu hjartanu nær
heillastjörnurnar ungu.”
Gunnar Sandholt sagði sitt álit: „Þarna var unaðslegt að vera, heyra og njóta. Kórinn syngur kristalhreint eins og hann er kunnur fyrir. Klassísku lögin eru eins og þau eiga að vera. Ungir, tja eiginlega kornungir ein- tvísöngvarar lofa góðu. Óskar P er klassíker, en fellur eins og flís við rass í 1. tenór. Það hefur hann oft gert áður og aldrei sýnt í kórjakkanum hneigð til að skera sig úr. Hann er ekki bara snillingur heldur líka kórsnillingur, fullkominn félagi. Tónleikar í toppgæðum. Svo sögðu margir vinir mínir.”
Margret Helga Thorsteinsdottir er lítillát og segir: „Besti kór á Íslandi."
Bryndís Óskarsdóttir þakkar fyrir sig og segir: „Frábærir tónleikar, einsöngvararnir ungu voru engu líkir. Takk fyrir!”
Þorvaldur Gylfasonn var ekki ósáttur: „Hlýddum áðan ásamt öðrum Skagfirðingum á þennan líka sallafína konsert Heimis í Háteigskirkju, 16 lög úr ýmsum áttum og þrjú aukalög. Takk fyrir okkur.“
Næsta verkefni Heimismanna eru Sæluvikutónleikar í Miðgarði laugardaginn 11. Apríl kl: 20.00 Þar sem verður í aðalatriðum flutt sama dagsskrá og fyrir sunnan. Aðalleikendur verða:
Söngstjóri: Jón Þorsteinn Reynisson
Píanó: Alexander Edelstein
Kynnir: Atli Gunnar Arnórsson
Einsöngur/tvísöngur: Aron Pétursson, Baldur Ingi Haraldsson, Einar Halldórsson, Guðmundur Ingvar Ásgeirsson, Jóel Agnarsson, Óskar Pétursson, Símon Pétur Borgþórsson og Snorri Snorrason.
Miðasala verður við innganginn og opnar húsið kl: 19.00
hmj
Fleiri fréttir
-
Tindastólsmenn lögðu ÍR í fjörugum og spennandi fyrsta leik
feykir.is Skagafjörður, Íþróttir, Lokað efni 03.04.2026 kl. 01.59Úrslitakeppnin í Bónus deild karla í körfunni er farin af stað og í gærkvöldi lauk fyrstu umferðinni. Það er fátt sem jafnast á við dramatíkina og tilþrifin í körfunni og þessi árstími einmitt í uppáhaldi hjá mörgum vegna þess. Lið Tindastóls og ÍR hófu sitt einvígi í Síkinu í gærkvöldi og var boðið upp á frábæran leik; mikinn hraða, spennu og frábæra stemningu í Síkinu en hátt í 900 manns sóttu leikinn. ÍR-liðið gaf hvergi eftir en varð á endanum að sætta sig við tap því Stólarnir reyndust sterkari. Lokatölur 108-99 og Tindastólsmenn leiða því einvígið 1-0.Meira -
45. bindi Skagfirðingabókar farið í dreifingu
feykir.is Skagafjörður, Listir og menning, Lokað efni 02.04.2026 kl. 14.34Nú nýverið kom út 45. bindi Skagfirðingabókar sem Sögufélag Skagfirðinga gefur út. Ritröðin hóf göngu sína árið 1966, fyrir sex áratugum, og hefur flutt lesendum mikinn sögulegan fróðleik úr Skagafirði. Á baksíðu segir að með þessari bók meðtalinni hafa í henni birst um 470 greinar eftir rúmlega 200 höfunda á meira en 8.800 blaðsíðum.Meira -
Fór með Svaðilför í Surtsey með sér út í Surtsey
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 02.04.2026 kl. 14.02Það er Ævar Þór Benediktsson, leikari og ritfhöfundur, sem svarar bók-haldinu að þessu sinni en nú í byrjun ársins hlaut hann Íslensku bókmenntaverðlaunin fyrir hina bráðsnjöllu bók, Skólastjórinn, þar sem segir af nemenda í grunnskóla sem sækir um starf skólastjóra og er ráðinn og síðan fylgja alls konar uppákomur eins og gefur að skilja.Meira -
Má ég ekki bara fermast aftur?
feykir.is Skagafjörður, Lokað efni 02.04.2026 kl. 09.00Kolbjörg Katla Hinriksdóttir er frá Syðstu-Grund í Blönduhlíð og þar býr hún ásamt strákunum sínum tveim sem eru 13 og átta ára. Kolbjörg starfar sem hjúkrunarfræðingur í meistaranámi á heilsugæslunni á Sauðárkróki.Meira
