Heyskapur stendur sem hæst
Það er mikið um að vera hjá bændum um þessar mundir því auk þess að vera í fjárragi stendur seinni sláttur sem hæst hjá þeim mörgum. Eins og allir veðurminnugir menn vita var vorið og fyrri partur sumars óhagstætt gróðri víða á Norðurlandi og heyuppskera nokkuð undir meðallagi víðast hvar að sögn Eiríks Loftssonar ráðanauts í Skagafirði.
Eiríkur segir að allt bendi til þess að háuppskera verði víðast góð og til að sporna við heyskorti hafa sumir bændur tekið á það ráð að slá ýmsa bletti sem ekki hafa verið slegnir reglulega undanfarin ár. Aðspurður um hvort hann haldi að bændur verði heylausir í vor segir hann að það verði ekki ef heyforði og ásetningur fari saman.
Eyþór Dalmann verktaki, segir að heyfengur hafi verið misjafn milli bæja í fyrri slætti í sumar þar sem hann heyjaði, betri hjá kúabændum sem gátu friðað sín tún en lakari hjá fjárbændum sem þurftu að beita túnin lengur í sumar. Eyþór telur að bændur nái að klára háasláttinn fyrir lok næstu viku ef tíðin verði góð.
Fleiri fréttir
-
Oddaleikur í Síkinu á miðvikudaginn
feykir.is Skagafjörður, Íþróttir, Lokað efni 19.05.2025 kl. 01.12Fjórði leikur Tindastóls og Stjörnunnar í úrslitaeinvígiu um Íslandsmeistaratitilinn í körfubolta fór fram í kvöld í Garðabænum. Stólarnir fengu fljúgandi start en aðalmálið er víst að enda vel og það voru heimamenn í Stjörnunni sem voru sterkari á lokakaflanum og tryggðu sér þannig einn leik til. Það er því ljóst að Íslandsmeistarabikarinn fer á loft í Síkinu en aðeins spurning hvort liðið fær að taka við honum. Lokatölur í leiknum voru 91-86.Meira -
Hvíti riddarinn mátaði Stólana
feykir.is Skagafjörður, Íþróttir, Lokað efni 18.05.2025 kl. 18.55Það var mikill markaleikur þegar Stólarnir heimsóttu Hvíta riddarann í Malbikunarstöðina að Varmá í gær í þriðju umferð 3. deildar. Það var þó verra að það voru heimamenn sem gerðu fleiri mörk en lið Tindastóls og 5-3 sigurinn var Mosfellinga. Fyrir leikinn voru þetta tvö efstu lið deildarinnar en Hvíti riddarinn trónir nú á toppnum en Stólarnir duttu niður í þriðja sætið.Meira -
Þrjú stig sóttu Stólastúlkur á Víkingsvöllinn
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla, Lokað efni 17.05.2025 kl. 20.08Stólastúlkur hafa heldur betur átt fína viku í fótboltanum. Eftir mergjaðan sigur í framlengdum bikarleik gegn Stjörnunni í Garðabæ í byrjun vikunnar þá fóru þær á annan erfiðan útivöll í dag, Víkingsvöllinn, þar sem lið Víkings beið þeirra. Heimastúlkum var spáð góðu gengi í sumar en voru líkt og Stólastúlkur með aðeins þrjú stig eftir fimm umferðir. Það var því nokkuð undir í dag og það voru gestirnir að norðan sem nýttu færin og unnu 1-4.Meira -
Ekki sóttu Húnvetningar gull í greipar Ægis
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 17.05.2025 kl. 19.20Það er rokk og ról í 2. deild karla í knattspyrnu en 3. umferðin var spiluð í dag. Þá héldu Húnvetningar austur fyrir fjall og léku við lið Ægis í Þorlókshöfn. Fyrir leik stóð lið Kormáks/Hvatar betur að vígi með þrjú stig en heimamenn höfðu nælt í heilt eitt. Niðurstaðan varð sú Ægismenn lögðu gesti sína að velli í 3-1 sigri og skutust upp fyrir þá í deildinni.Meira -
Norska leiðin, stóra leiðréttingin | Guðmundur Haukur Jakobsson skrifar
feykir.is Austur-Húnavatnssýsla, Aðsendar greinar 17.05.2025 kl. 13.48Nú er alþingi undirlagt af umræðum um veiðigjöld, ríkisstjórnin ætlar að leiðrétta veiðigjöldin með norskri nálgun og er það athyglivert og skiptar skoðanir eins og glöggt má sjá þessa dagana. Þessa stóru leiðréttingu er verið að keyra áfram svo hún nái fram að ganga sem allra fyrst, fyrir ríkiskassann og þjóðina að sjálfsögðu.Meira
