Mikilvægara en veiðigjöldin | Hjörtur J. Guðmundsson skrifar

feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 10.07.2025 kl. 08.52
Hjörtur J. Guðmundsson. AÐSEND MYND
Hjörtur J. Guðmundsson. AÐSEND MYND
Miklar umræður hafa farið fram á Alþingi að undanförnu þar sem stjórnarandstaðan hefur vakið athygli á vægast sagt illa unnu frumvarpi ríkisstjórnarinnar um veiðigjöld sem hafa mun mjög neikvæð fjárhagsleg áhrif á sjávarútveginn og sjávarbyggðir landsins verði það að lögum. Um mjög mikilvægt mál er þannig að ræða. Hins vegar er stóra valdaframsalsmálið, eða bókun 35 við EES-samninginn, miklu mikilvægara enda þar um að ræða verðmæti sem seint verða metin til fjár.
 
Valdaframsalsmálið snýst sem kunnugt er um frumvarp Þorgerðar Katrínar Gunnarsdóttur, utanríkisráðherra og formanns Viðreisnar um bókun 35 við EES-samninginn. Verði frumvarpið samþykkt verður lögfest að regluverk frá Evrópusambandinu sem innleiða þarf vegna aðildar Íslands að EES-samningnum gangi framar innlendri löggjöf. Verði henni með öðrum orðum æðra. Mál sem virtir lögspekingar hafa varað við að fari gegn fullveldisákvæðum stjórnarskrárinnar.
 
Valdaframsalsmálið snýst þannig um valdið yfir íslenzkum málum. Málið er miklu stærra að sama skapi en Icesave-málið sem varðaði einnig mikla fjárhagslega hagsmuni en snerist engu að síður aðeins um eina lagagerð frá Evrópusambandinu, um innistæðutryggingar. Valdaframsalsmálið snýst hins vegar um forgang alls regluverks í gegnum EES-samninginn. Þar á meðal um innistæðutryggingar og sem haft getur mikil fjárhagsleg áhrif meðal annars fyrir sjávarútveginn.
 

Hjörtur J. Guðmundsson
sagnfræðingur og alþjóðastjórnmálafræðingur

Til baka

Fleiri fréttir

  • Óli Þór sveitarstjóri í Sveitarfélaginu Skagaströnd. AÐSEND MYND

    Rabb-a-babb 255: Óli Þór

    feykir.is Austur-Húnavatnssýsla, Rabb-a-babb, Lokað efni 10.11.2026 kl. 15.20 oli@feykir.is
    Nú ber vel í veiði því Ólafur Þór Ólafsson sveitarstjóri á Skagaströnd féllst á að svara Rabbinu. Ólafur er fæddur 1972 og er langsamlega yngstur í stórum barnahópi Vestfirðinganna Þórdísar Marteinsdóttur og Ólafs Davíðssonar. „Þau féllu frá fyrir nokkrum árum. Fyrstu árin bjó ég í Garðabæ en svo fluttum við til Sandgerðis og þar ólst ég upp að mestu leyti.“ Nú býr hann á Skagaströnd en fjölskyldan dreifist líka í Garðabæ og Sandgerði. „Ég er trúlofaður Sigríði Katrínu Kristbjörnsdóttur og í okkar samsettu fjölskyldu eru átta börn, þrjú tengdabörn, eitt barnabarn og tveir hundar.“
    Meira
  • Æðruleysismessan verður á Löngumýri. Mynd: Af Facebook.

    Kirkjan í Skagafirði býður til æðruleysismessu

    feykir.is Skagafjörður, Mannlíf 10.11.2026 kl. 14.40 hinrik@feykir.is
    Hin árlega æðruleysismessa Skagafjarðarprestakalls verður á Löngumýri þann 22. nóvember næstkomandi kl 20:00. Öll eru sóknarbörn fjarðarins hjartanlega velkomin frá Ábæjarsókn til Knappstaðasóknar að Ketu á Skaga.
    Meira
  • Sigmundur Már Herbertsson (fyrir miðju), Jón Þór Eyþórsson og Birgir Örn Hjörvarsson dæmdu leikinn í gær. MYND AF KARFAN.IS

    Vel gert Sigmundur Már!

    feykir.is Skagafjörður, Íþróttir 10.11.2026 kl. 13.19 oli@feykir.is
    Dómararnir eru sjaldnast efstir á vinsældalistum körfuboltabullna, jafnvel þó í Síkinu sé stundum sungið um hversu fallegir þeir eru. Það væri sennilega lítið gaman að körfunni ef engir væru dómararnir en fremstur meðal jafningja í flokki þeirra er Sigmundur Már Herbertsson sem náði þeirri mögnuðu vörðu á dómaraferli sínum í Síkinu í gærkvöldi að dæma leik númer 2500 á vegum KKÍ. Feykir tekur hatt sinn ofan fyrir Sigmundi Má.
    Meira
  • Hólaneskirkja að vetri. MYND: KSE

    Menningar- og samstöðutónleikar í Hólaneskirkju

    feykir.is Austur-Húnavatnssýsla, Listir og menning, Mannlíf 10.11.2026 kl. 11.34 oli@feykir.is
    Menningar- og samstöðutónleikar verða haldnir í Hólaneskirkju á Skagaströnd þann 19. nóvember kl. 20. Þar munu söngvarar og hljóðfæraleikarar bjóða upp á fjölbreytta tónlistardagskrá til stuðnings Bergrósar Hafsteinsdóttur, ungri móður sem berst við krabbamein.
    Meira
  • Böngsunum safnað saman eftir fyrsta þrist kvöldsins. MYND: SIGURÐUR INGI

    Vel heppnaður Bangsaleikur skilaði 1,1 milljón til Einstakra barna

    feykir.is Skagafjörður, Íþróttir, Mannlíf, Lokað efni 10.11.2026 kl. 10.56 oli@feykir.is
    Líkt og Feykir hefur sagt frá þá bar lið Tindastóls sigurorð af ÍR-ingum í Bangsaleiknum sem fram fór í Síkinu. Við lögðum nokkrar spurningar fyrir Arnar þjálfara nú í morgunsárið, spurðum út í leikinn, meiðsli Péturs fyrirliða og leikinn gegn Lausanne á fimmtudaginn. Þá kom fram að það safnaðist 1,1 milljón króna til stuðnings Einstökum börnum á leiknum í gærkvöldi.
    Meira
Yfirlit frétta