Hólamenn fara víða
feykir.is
Skagafjörður
07.12.2017
kl. 17.11
Á myndinni má sjá Ólaf Sigurgeirsson sem er annar frá vinstri, Helga Thorarensen, þá kemur ráðherrann, Dr. Taiga, og næstur honum er Davíð Benhaim. Mynd af heimasíðu Háskólans á Hólum.
Starfsmenn Háskólans á Hólum hafa gert víðreist að undanförnu. Í nóvember var Ólafur Sigurgeirsson í Moskvu fyrir hönd skólans þar sem hann var þátttakandi í verkefninu „Nordic-Russian Centre for research and innovation in Aquaculture“. Verkefnið er leitt af Háskólanum í Tromsö í Noregi, en að auki koma að því Háskólinn í Múrmansk (Murmansk State Technical University) og MSUTM (K.G.Rasumovsky Moscow State University of Technologies and Management) í Moskvu. Frá þessu er sagt á heimasíðu Háskólans á Hólum.
Í Rússlandi er nú mikil áhersla lögð á að auka eigin matvælaframleiðslu og er liður í því að efla kennslu og rannsóknir í fiskeldi. Er markmið verkefnisins að auka tengsl og samstarf milli rússneskra og norrænna háskóla og að auka tengsl og greina samstarf háskólanna við fyrirtæki sem starfa í fiskeldi, þvert á landamæri. Haldnir voru fundir og ráðstefna í Moskvu í tengslum við verkefnið og auk þess var vígð ný rannsóknar- og kennsluaðstaða við MSUTM. Myndir frá heimsókninni og nánari umfjöllun má sjá hér.
Þessa dagana eru sérfræðingar Háskólans á Hólum, þeir David Benhaim, Ólafur Sigurgeirsson og Helgi Thorarensen, í Kamerún þar sem þeir halda námskeið um fiskeldi. Áður en námskeiðið hófst hittu þeir dr. Taiga en hann er ráðherra landbúnaðarmála er lúta að fisk- og kjötframleiðslu. Hefur hann unnið ötullega að því að byggja upp fiskeldi í Kamerún, bæði með því að styðja við stofnun nýrra fiskeldisstöðva og með námskeiðahaldi. Námskeiðið sem þremenningarnir kenna á er haldið að frumkvæði dr. Taiga.
Fleiri fréttir
-
Hestamenn slá botninn í Sæluvikuna
feykir.is Skagafjörður, Íþróttir, Mannlíf, Lokað efni 01.05.2025 kl. 13.51Það fer vel á því að Sæluviku Skagfirðinga endi á hátíð hestamanna en á laugardaginn verður sýningin Tekið til kostanna í Reiðhöllinni Svaðastöðum og hefst kl. 19:00. Kvöldið áður dregur til tíðinda í Mesitaradeild KS þegar lokamótið fer fram í Svaðastaðahöllinni en keppt verður í tölti og Fluguskeiði. Þessu má auðvitað ekki nokkur maður missa af. Feykir lagði nokkrar spurningar fyrir Sigurlínu Erlu Magnúsdóttur sem stjórnar þessu öllu saman.Meira -
Skörungur í sögu verkalýðsbaráttunnar | Álfhildur Leifsdóttir skrifar
feykir.is Skagafjörður, Aðsendar greinar 01.05.2025 kl. 13.001.maí hefur löngum verið dagur samstöðu, baráttu og vonar. Þetta er dagur verkalýðsins sem hefur lengi barist fyrir betri kjörum, styttri vinnudegi, mannsæmandi launum og auknu öryggi á vinnustöðum. En þessi dagur er líka áminning um að baráttan er ekki búin, hún heldur áfram í nýjum myndum, með nýjum áskorunum og nú á Kvennaári 2025 hefur hún aldrei verið mikilvægari.Meira -
Starf skólameistara við FNV laust til umsóknar
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.05.2025 kl. 10.41Mennta- og barnamálaráðuneytið auglýsir embætti skólameistara Fjölbrautaskóla Norðurlands vestra laust til umsóknar. Skólanum hefur haldist ákaflega vel á sínum skólameisturum sem hafa frá stofnun aðeins verið tveir; fyrst Jón F. Hjartarson en hann stýrði skólanum allt þar til sumarið 2011 að Ingileif Oddsdóttir tók við taumunum.Meira -
Logi vill efla styrki til fjölmiðla á landsbyggðinni
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Lokað efni 30.04.2025 kl. 15.50Í Spursmálum Mbl.is er haft eftir Loga Einarssyni menntamálaráðherra að hann hyggist auka við styrki minni fjölmiðla úti á landi, á kostnað tveggja stærstu einkareknu miðlanna, til þess að styrkja sjálfsmynd fólks á landsbyggðinni.Meira -
Skólahreysti hefst í dag
feykir.is Skagafjörður, Vestur-Húnavatnssýsla 30.04.2025 kl. 15.00Fyrstu tveir riðlar í Skólahreysti 2025 verða í dag miðvikudaginn 30. apríl á Akureyri og fara þeir fram í Íþróttahöllinni kl. 17.00 og kl. 20.00 í beinni útsendingu á RÚV. Í fyrri riðli kvöldsins keppa Árskóli, Varmahlíðarskóli og Gr. Húnaþings vestra ásamt fimm öðrum skólum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.