Húnaþing vestra aðili að samkomulagi við Klappir Development
Á sveitarstjórnarfundi Húnaþings vestra samþykkti á sveitarstjórn að gerast aðili að samkomulagi sveitarfélaganna í Austur-Húnavatnssýslu og Klappa Development ehf. Jafnframt var á fundinum lögð fram bókun um atvinnuuppbyggingu á Norðurlandi vestra.
Bókunin sveitarstjórnar hljóðar svo:
Sveitarstjórn Húnaþings vestra fagnar umræðu um stöðu atvinnumála á Norðurlandi vestra sem fram hefur farið undanfarnar vikur. Ljóst er að viðvarandi fólksfækkun í landshlutanum verður ekki snúið við nema með stórtækum aðgerðum og þéttri samvinnu ríkisins sem og sveitarfélaga á svæðinu. Ýmislegt hefur verið reynt á umliðnum árum.
Sveitarfélögin hafa reynt að laða til sín fyrirtæki og fjárfestingar hvert á sínum svæðum, hinar ýmsu nefndir hafa starfað með misjöfnum árangri, heimamenn hafa hrint af stað hinum ýmsu verkefnum o.m.fl. Þrátt fyrir þá vinnu sem fram hefur farið er staðan sú að störfum heldur áfram að fækka í landshlutanum, fólksfækkun er viðvarandi, framlög frá ríki til hinna ýmsu málaflokka dragast verulega saman, svo sem til Uppbyggingarsjóðs, samgöngumála, heilbrigðismála, löggæslu o.fl.
Í fundargerðinni segir einnig að erlendir fjárfestar hafi nú sýnt áhuga á uppbyggingu stóriðju í Austur-Húnavatnssýslu. Þeir hafi undirritað viljayfirlýsingu við Klappir Development ehf um fjármögnun verkefnisins að hluta og nú fari fram vinna við athuganir á fýsileika verkefnisins, auk viðbótarfjármögnunar.
Í fundargerðinni var bókuð svohljóðandi viljayfirlýsing:
Viljayfirlýsing þessi kemur í kjölfar samkomulags sem sveitarfélögin í A-Hún og Klappir Development ehf undirrituðu fyrr á árinu um undirbúning mögulegrar álframleiðslu og úrvinnsluiðnaðar á iðnaðarsvæðinu við Hafursstaði. Í framhaldinu hefur sveitarfélögum í Skagafirði og Húnaþingi vestra boðist að gerast aðilar að verkefninu þar sem ætlað er að uppbygging í miðju landshlutans muni hafa jákvæð áhrif í landshlutanum öllum.
Á fundinum var jafnframt samþykkt eftirfarandi tillaga:
Sveitarstjórn Húnaþings vestra samþykkir að gerast aðili að samkomulagi sveitarfélaganna í A-Hún. og Klappa Development ehf. um undirbúning mögulegrar álframleiðslu og úrvinnsluiðnaðar í A-Hún. sem gildir til. 31. desember 2015.
Í tillögunni segir:
Þar til samkomulagið rennur út skuli fara fram greining á áhrifum stóriðju á landshlutann allan, þar með talið jaðarsvæða hans sem Húnaþing vestra hlýtur að teljast til. Einnig fari á tímabilinu fram kynning á verkefninu meðal íbúa sveitarfélagsins. Að þeim gögnum fyrirliggjandi auk íbúakönnunar verði tekin ákvörðun um hvort og þá með hvaða hætti Húnaþing vestra yrði þátttakandi í verkefninu fari svo að áform um byggingu álvers við Hafursstaði verði að veruleika. Oddvita er falið að vinna málið áfram og veitt umboð til undirritunar viðauka við fyrrgreint samkomulag.
Fleiri fréttir
-
Góður árangur hefur alltaf áhrif
feykir.is Vestur-Húnavatnssýsla, Mannlíf, Lokað efni 09.06.2025 kl. 12.43Feykir sagði í síðustu viku frá úrslitum í Skólahreysti en skólarnir tveir af Norðurlandi vestra sem komust í úrslitakeppni þeirra tólf skóla sem bestum árangri náðu í undanriðlum náðu prýðilegum árangri í úrslitunum. Þó ekki jafn góðum og Feykir sagði frá því fullorðna fólkið sem sá um að leggja saman stigin féll á prófinu – og ekki í fyrsta sinn. Varmahlíðarskóli, sem fagnaði vel og innilega þriðja sætinu, féll niður um sæti og sömuleiðis Grunnskóli Húnaþings vestra sem endaði í fimmta sæti. Engu að síður flottur árangur.Meira -
Húnabyggðarsólin víðfræg
feykir.is Austur-Húnavatnssýsla, Lokað efni 09.06.2025 kl. 12.37Þórarinn Bjarki Benediktsson býr á Breiðavaði í Austur-Hún. og er giftur Stefaníu Egilsdóttur.Segist sjálfur vera illa grunnskólagenginn með tæplega 600 fjár, 18 geitur11 Border collie hunda, kött og eina gyltu. Bjarki starfar við rúning í félagi við Þorstein vin sinn á Auðólfsstöðumog tekur stundum að sér tamningu á Border collie hundum. Þegar Bjarki er spurður hvernig gangi í sveitinni segir hann það í raun ganga aldeilis ljómandi vel, skepnur og menn hress og kát í góðri tíð.Meira -
Smjörkjúllinn hans Einars | Matgæðingur Feykis
feykir.is Skagafjörður, Í matinn er þetta helst, Lokað efni 09.06.2025 kl. 11.51Matgæðingurinn í tbl 5 á þessu ár var Einar Helgi Guðlaugsson en hann er fæddur og uppalinn á Króknum. Foreldrar hans eru Bryndís Aðalsteinsdóttir og Guðlaugur Elinn Einarsson og áttu þau heima í Furuhlíðinni lengi vel. Kærasta Einars er Rósbjörg Jenný Magnúsdóttir sem er Siglfirðingur og eru foreldrar hennar Hrönn Fanndal og Magnús Stefán Jónasson og ólst hún upp á Hvanneyrabrautinni.Meira -
FNV er fjölbreyttur og vinalegur skóli
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 09.06.2025 kl. 11.30Kristján Bjarni hefur verið áfangastjóri við FNV um árabil en nú lætur hann af störfum þar en fer ekki langt, bara rétt norður yfir Sauðána og tekur við starfi skólastjóra Árskóla. Þar tekur hann við af Óskari G. Björnssyni sem hefur stýrt þeim skóla síðan Gagnfræðaskóli og Barnaskóli Sauðárkróks voru sameinaðir skömmu fyrir aldamót. En hvað ætli Kristjáni hafi þótt skemmtilegast við að starfa við FNV?Meira -
Þögn og Nóa kropp í skál er best með bóklestri
feykir.is Skagafjörður, Listir og menning, Lokað efni 08.06.2025 kl. 13.33Hrund Malín Þorgeirsdóttir býr á Krithóli í Skagafirði, gift þriggja barna móðir, kennari í Varmahlíðarskóla og bóndi. Hrund hefur haft í nægu að snúast, sauðburður á fullu og skólaárinu að ljúka með tilheyrandi pappírsvinnu og húllumhæi eins og hún orðar það sjálf. Hún gaf sér þó tíma til að svara Bókhaldi Feykis þessa vikuna.Meira
