Sveitarstjórnarkosningar í dag
Það er kosið til sveitarstjórna í dag, 16. maí, og rétt að hvetja alla þá sem á annað borð mega kjósa til að nýta atkæðisréttinn. Á Norðurlandi vestra er nú kosið í fjórum sveitarfélögum; í Húnaþingi vestra, Húnabyggð, Skagaströnd og í Skagafirði er kjördeild á þremur stöðum; í bóknámshúsi FNV á Sauðárkróki, í Grunnskólanum austan Vatna á Hofsósi og í Varmahlíðarskóla. Nánar upplýsingar má finna hér í fréttinni.
Húnahornið segir frá því að losið er í þremur sveitarfélögum í Húnavatnssýslunum tveimur, þ.e. í Húnaþing vestra, Húnabyggð og á Skagaströnd. Allir kjörstaðir opna klukkan níu og þeim lokað klukkan tíu í kvöld nema á Skagaströnd en þar lokar klukkustund fyrr eða klukkan níu. Talninga hefst fljótlega eftir að kjörstöðum lokar.
Kjörstaður í Húnaþingi vestra er í Félagsheimilinu Hvammstanga. Í Húnabyggð er kjörstaður í Íþróttamiðstöðinni, norður sal, gengið inn frá Melabraut og á Skagaströnd er kjörstaður í Félagsheimilinu Fellsborg.
Skagafjörður
Við sveitarstjórnarkosningar sem fram fara laugardaginn 16. maí nk. er skipan í kjördeildir Í Skagafirði sem hér segir:
Kjördeild í Bóknámshúsi FNV: þar kjósa íbúar Sauðárkróks og fyrrum Skarðs-, Rípur- og Skefilsstaðahreppa
– kjörfundur hefst kl. 09:00
Kjördeild í Grunnskólanum austan Vatna: þar kjósa íbúar fyrrum Hofs-, Fljóta-, Hóla- og Viðvíkurhreppa
– kjörfundur hefst kl. 10:00
Kjördeild í Varmahlíðarskóla: þar kjósa íbúar fyrrum Staðar–, Seylu-, Akra- og Lýtingstaðahreppa
– kjörfundur hefst kl. 10:00
Kjörfundi má slíta 8 klst. eftir að kjörfundur hefst, enda sé þá hálf klukkustund liðin frá því að kjósandi gaf sig síðast fram, og hvenær sem er ef allir sem á kjörskrá standa hafa greitt atkvæði.
Kjörfundi má einnig slíta fimm klukkustundum eftir opnun ef öll kjörstjórnin er sammála um það, enda sé þá hálf klukkustund liðin frá því að kjósandi gaf sig síðast fram.
Kjörfundi skal slitið eigi síðar en kl. 22:00 en þeir kjósendur sem hafa gefið sig fram fyrir þann tíma eiga þó rétt á að greiða atkvæði.
Talning atkvæða fer fram í Bóknámshúsi FNV að loknum kjörfundi.
Unnt er að kjósa utan kjörfundar hjá sýslumanni Norðurlands vestra á Sauðárkróki frá kl. 09:00-15:00 virka daga fram að kjördegi, kl. 11:00-13:00 á uppstigningardag, 14. maí nk. og kl. 10:00-14:00 á kjördag þ.e 16. maí 2026.
Yfirkjörstjórn verður með aðstöðu í Bóknámshúsi FNV á Sauðárkróki.
Heimild: Skagafjörður.is
Fleiri fréttir
-
Stólarnir geggjaðir í góðum sigri í Grindavík
feykir.is Skagafjörður, Íþróttir, Lokað efni 16.05.2026 kl. 11.19Það verður einhver veislan í Síkinu nú á mánudagskvöldið þegar Tindastóll fær Grindvíkinga í heimsókn í fjórðu viðureign liðanna í baráttunni um Íslandsmeistaratitilinn. Í gær gerðu Stólarnir sér lítið fyrir og sóttu sigur suður með sjó í frábærum körfuboltaleik þar sem hart var barist og eins heiðarlega og prýðilegir dómarar leiksins leyfðu.Meira -
Pistill um tónlistarskólann | Gunnar Ingi Jósepsson skrifar
feykir.is Austur-Húnavatnssýsla, Aðsendar greinar 15.05.2026 kl. 16.31Tónlistarskóli Austur-Húnavetninga stendur nú frammi fyrir verulegum húsnæðis- og aðstöðuvanda sem hefur bein áhrif á gæði og skilvirkni tónlistarnáms í sveitarfélaginu. Til þess að tónlistarkennsla geti farið fram með eðlilegum hætti þarf tónlistarskóli að vera í návígi við grunnskólann. Nemendur þurfa að geta gengið auðveldlega úr kennslustundum í grunnskólanum yfir í tónlistartíma og aftur til baka án þess að það raski skólagöngu þeirra eða skapi óþarfa álag.Meira -
Kjósum Byggðalistann | Frá Byggðalistanum
feykir.is Skagafjörður, Aðsendar greinar 15.05.2026 kl. 15.37Byggðalistinn er ekki háður hefðbundinni flokkspólitík og getur því virkjað mannauðinn og skapað hugmyndir með frelsið að leiðarljósi. Á listanum er fólk af öllu hinu pólitíska litrófi, með ólíkan bakgrunn og víðsvegar að úr Skagafirði. Þannig búum við að víðtækri þekkingu á samfélaginu okkar, en eigum það sameiginlegt að brenna fyrir hagsmunum íbúa Skagafjarðar.Meira -
Hvað breytist ef þú kýst skemmtilegri Skagafjörð? | Magnús Barðdal skrifar
feykir.is Skagafjörður, Aðsendar greinar 15.05.2026 kl. 15.12Við höfum flest verið í þeim aðstæðum að íhuga stóra ákvörðun. Ákvörðun sem mun breyta lífi okkar að mörgu leyti, ákvörðun um að stíga út fyrir þægindarammann og/eða ákvörðun sem við vitum að felur í sér skuldbindingu þar sem fólk treystir á okkur og við megum ekki bregðast. Það eru nokkrir mánuðir síðan ég fór að íhuga af alvöru að gefa kost á mér til starfa fyrir samfélagið mitt á vettvangi sveitarstjórnar. Það er margt sem fer í gegnum huga manns og fyrir mér var stærsta spurningin hvort ég gæti lagt allt í sölurnar til þess að láta framtíðarsýn verða að veruleika sem hefur kraumað innra með mér um tíma. Sýn sem ég hef lýst með orðunum „Gerum Skagafjörð skemmtilegri“.Meira
