Húnaþing vestra fagnar 20 árunum
Sveitarfélagið Húnaþing vestra á 20 ára afmæli á þessu ári. Því verður fagnað með því að bjóða íbúum sveitarfélagsins upp á dagskrá með ýmsum menningartengdum viðburðum dagana 24.-26. ágúst þar sem lögð er áhersla á góðar samverustundir, víðsvegar um sveitarfélagið. Meðal þesss sem í boði er má nefna harmonikudansleik í Ásbyrgi, nytjamarkað Gæranna, kaffiboð í Félagsheimilinu Hvammstanga, fótboltaleik og hestamannamót, tónleika, ljóðalestur, brekkustemningu í Kirkjuhvammi, sögugöngu um Borðeyri og margt fleira.
Það er Menningarfélag Húnaþings vestra sem hefur umsjón með dagskránni sem er á þessa leið:
Föstudagurinn 24. ágúst
Kl. 17:00 - Sýningar opna víðsvegar um sveitarfélagið (ljósmyndasýningar, myndlistarsýningar o.þ.h.).
Kl. 21:00 - Harmonikuball í Félagsheimilinu Ásbyrgi á Laugarbakka.
Laugardagurinn 25. ágúst
Kl. 11:00 - Gærurnar opna nytjamarkaðinn og verður opið hjá þeim til kl. 15:00. Síðasta opnun sumarsins og miklir afslættir.
Kl. 14:00 - Kaffiboð í Félagsheimilinu Hvammstanga. Ávarp sveitarstjóra, tónlistarflutningur, afmælisterta og drykkir.
Kl. 16:00 - Kormákur/Hvöt - Geisli A. Fótboltaleikur í Kirkjuhvammi.
Kl. 16:00 - Dælismótið 2018. Hestamennska. Sex lið keppa um titilinn.
Kl. 19:00 - Heima. Tónleikar, ljóðalestur og fleira í heimahúsum á Hvammstanga og Laugarbakka.
Kl. 21:00 - Brekkustemning í Kirkjuhvammi. Varðeldur, söngur, kakó, sykurpúðar og huggulegheit.
Sunnudagurinn 26. ágúst
Kl. 9:00 - Byggðasafnið opnar (rétt eins og alla aðra daga). Sýningin "Hvað á barnið að heita?", hljóðsýningin "Segðu mér...", kaffi og meðlæti.
Kl. 13:00 - Markaðsdagur í Riishúsi á Borðeyri.
Kl. 14:00 - Söguganga um Borðeyri.
Kl. 20:30 - Bíósýning. Sýnd verður myndin Bændur og býli í V-Hún, sem tekin var upp á árunum 1953-1964.
Fleiri fréttir
-
Liðsheildin skilaði þessum sigri - segir Helgi þjálfari
feykir.is Skagafjörður, Íþróttir 19.04.2024 kl. 03.09„Þessi leikur var mjög jafn og spennandi allan tímann, algjör naglbítur tveggja góðra liða sem bæði lögðu allt i að vinna,“ sagði Helgi þjálfari Margeirs þegar Feykir bað hann að lýsa leik Tindastóls og Snæfells í gærkvöldi. „Frábær stemning í húsinu en Snæfell var með flotta stuðningsmannasveit og Síkið vel mannað og stuðningsmannasveitin í essinu sínu,“ en samkvæmt leikskýrslu voru um 300 áhorfendur í húsinu sem gerist ekki á hverjum degi í kvennaboltanum.Meira -
Lið Tindastóls sló út Subway-deildar lið Snæfells
feykir.is Skagafjörður, Íþróttir 18.04.2024 kl. 22.53Það var gleði og gaman í Síkinu í kvöld en sennilega þó ekki síður stress og naglanögun fram á síðustu sekúndu framlengingar þegar Tindastóll og Snæfell mættust í fjórða leik einvígis síns um réttinn til að spila um sæti í efstu deild. Leikurinn var jafn og spennandi allan tímann en gestirnir náðu góðum kafla snemma í fjórða leikhluta, náðu 13 stiga forystu og virtust ætla að tryggja sér oddaleik í Stykkishólmi. Lið Tindastóls gafst ekki upp og náði að jafna í blálokin og tryggja sér framlengingu þar sem heimaliðið reyndist sterkara. Lokatölur 82-78 og rjúkandi stemning hjá Stólastúlkum.Meira -
Jordyn Rhodes komin með leikheimild
feykir.is Skagafjörður, Íþróttir 18.04.2024 kl. 18.42Tindastóll teflir fram liði í þriðja skipti í efstu deild kvennafótboltans eftir ansi gott tímabil síðastliðið sumar. Besta deildin hefst nú á sunnudag og þá kemur FH í heimsókn á Krókinn. Það vita allir að það er bara ein Murr en hún hefur nú skipt um heimavöll og spilar með Fram í sumar í Lengjudeildinni. Jordyn Rhodes tekur hennar stöðu í fremstu víglínu og eru miklar vonir bundnar við hana.Meira -
Snjódýpt í Fljótum yfir meter að jafnaði
feykir.is Skagafjörður, Ljósmyndavefur 18.04.2024 kl. 14.31„Tíðarfarið hefur verið nokkuð óvenjulegt frá 21. mars en allar helgar síðan þá hafa skollið á norðan stórhríðir en lítill snjór var annars þennan vetur,“ segir Halldór Gunnar Hálfdansson, bóndi á Molastöðum í Fljótum en hann sér einnig um skólaakstur í sveitinni. Halldór bætir við að það sé nokkuð óvenjulegt að fá svona mikinn snjó seint og segir að yfirleitt þegar snjóþungt sé í Fljótum hafi sá snjór verið að safnast allan veturinn, oft frá því í október.Meira -
Máttur menntunar | Álfhildur Leifsdóttir skrifar
feykir.is Skagafjörður, Aðsendar greinar 18.04.2024 kl. 13.45Það hefur lengi verið sagt að menntun sé máttarstólpi samfélagsins. Fjöreggið. Skólakerfið okkar á að vera öflugasta jöfnunartækið, þar eiga allir að hafa sömu tækifærin. En er það svo? Við getum vissulega fagnað þeim breytingum að fríar skólamáltíðir verða að veruleika, aðgerð sem jafnar leikinn að einhverju leyti og er breyting til batnaðar fyrir öll.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.