Húnavakan hefst í kvöld
Húnavaka verður haldin nú um helgina og er dagskráin hin veglegasta að vanda. Hefst hún strax í kvöld þegar íbúar drífa sig út og skreyta umhverfi sitt kvöld með rauðu skrauti og ísbjörnum. Klukkan 21:00 byrjar svo BlöQuiz í Félagsheimilinu þar sem fólki gefst gott tækifæri á að láta reyna á heilasellurnar.
Að vanda verða fyrirtæki á staðnum með opið hús á föstudag og um kvöldið verður kótelettukvöld í Félagsheimilinu. Að því loknu verður fjölskyldudansleikur með Stuðlabandinu sem heldur að honum loknum stuðinu uppi fram á nótt á stórdansleik fyrir 16 ára og eldri.
Á laugardag verður fjölmargt í boði. Má þar nefna golfmót, söngkeppni barnanna, Míkróhúninn, Blönduhlaup USAH, dagskrá við Félagsheimilið og Höskuldsmótið hjá Skotfélaginu Markviss. Einnig má nefna orgeltónleika Eyþórs Franzsonar Wechner í Blönduósskirkju og kvöldvökuna árvissu í Fagrahvammi. Um kvöldið verður hljómsveitin Albatross með stórdansleik í Félagsheimilinu.
Leikhópurinn Lotta sýnir Gosa á sunnudagsmorgun og um hádegi hefst hin árlega prjónaganga. Klukkan 13 verður afhjúpað upplýsingaskilti í kirkjugarðinum og svo verður hægt að gæða sér á kaffi og kökum í Húnabúð um miðjan daginn.
Sýningar og söfn verða opin og fjölmargt fleira verður í boði.
Trúlega er vissara að hafa regnhlífina meðferðis en veðurspáin gerir ráð fyrir þokkalega hlýju veðri og fremur lygnu þó engu sé að treysta í þeim efnum.
Dagskrá Húnavöku má finna á Facebooksíðunni Húnavaka.
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.