Húnvetningar verða að fara að rífa sig í gang
Það var leikið í 3. deildinni á Blönduósvelli í dag þar sem Kormákur/Hvöt fékk Garðyrkjumenn úr Víði í heimsókn á lífræna grasið. Heldur hefur blásið á móti Húnvetningum að undanförnu og ekki minnkaði ágjöfin í dag, í norðanstrekkingnum, því tveir leikmenn heimaliðsins fengu að líta rauða spjaldið og einn til viðbótar í liðsstjórn. Víðismenn fóru sigurreifir með öll þrjú stigin heim í Garð eftir 1-3 sigur.
Heimamenn fóru ágætlega af stað og markamaskínan Hilmar Þór Kárason kom þeim yfir eftir 17 mínútna leik. Það hefði ekki verið ósanngjarnt að leikmenn Kormáks/Hvatar hefðu bætt við marki fyrir hlé og náð þar með betri stjórn á leiknum. Því náðu þeir þó ekki og það kom í bakið á þeim því á tólf mínútna kafla um miðjan síðari hálfleik gerðu Víðismenn þrjú mörk. Fyrst skoraði Jóhann Arnarsson á 61. mínútu, Andri Fannar Freysson kom Víði yfir á 65. mínútu og á 72. mínútu gerði Atli Pálsson þriðja mark gestanna. Fjórum mínútum síðar var Antonio Garcia, markverði heimamanna, vísað af velli sem varð til að veikja vonir um endurkomu heimaliðsins. Á sjöttu mínútu uppbótartíma fékk síðan Ingvi Rafn rautt spjald sem heimamenn voru vægast sagt ósáttir með og fylgdi Björn Vignir, í liðsstjórn Kormáks/Hvatar, Ingva af velli eftir að hafa einnig fengið að líta rauða spjaldið í framhaldinu.
Sigurður Bjarni Aadnegard, fyrirliði Kormáks/Hvatar, tjáði Feyki að hans menn hefðu átt að gera betur í fyrri hálfleik og vera skynsamari í leik sínum í þeim seinni. Aðspurður hvort hann teldi lið sitt vera komið í fallbaráttu sagði hann: „Auðvitað erum við nánast i henni en [ég] hef ekki miklar áhyggjur, hin liðin [þrjú fyrir neðan Kormák/Hvöt] þurfa að vinna þrjá leiki og við að tapa öllum og það eru fimm leikir eftir. Þurfum bara að rífa okkur í gang, vinna 1-2 leiki, þa er þetta komið,“ segir Siggi brattur.
Staða Kormáks/Hvatar er ágæt enn, liðið er í níunda sæti 3. deildar með 20 stig en þar fyrir neðan eru lið ÍH og KH með 14 stig og Vængir Júpiters með 13. Fimm umferðir eru eftir og það þyrfti ansi mikla ólukku til til að lið Húnvetniinga félli. Það er þó mikilvægt að liðið haldi sínum helstu gæðingum inni á vellinum. Áfram Kormákur/Hvöt!
Fleiri fréttir
-
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira -
Áfram Hvöt er nýtt stuðningsmannalag þeirra hvítu og rauðu
feykir.is Austur-Húnavatnssýsla, Listir og menning 26.04.2024 kl. 07.47„Ungmennafélaginu Hvöt hefur lengi vantað gott stuðningsmannalag en þónokkur ár eru síðan Ekki vera löt, allir í Hvöt kom út. Þegar ég hafði samband við Einar Örn og Baldur síðsumars 2023 stóð ekki á svörum. Úr varð þessi frábæri hittari sem mun án efa fá góðar viðtökur hjá félagsmönnum Hvatar, íbúum Húnabyggðar og bara öllum öðrum. Áfram Hvöt!” segir Grímur Rúnar Lárusson, formaður Ungmennafélagsins Hvatar, í færslu á Facebook-síðu Umf. Hvatar þar sem nýtt stuðningsmannalag, Áfram Hvöt, er kynnt til sögunnar.Meira -
Skagamenn höfðu betur gegn Stólum í bikarnum
feykir.is Skagafjörður, Íþróttir 25.04.2024 kl. 21.04Lið Tindastóls fór á Skagann í dag og lék gegn heimamönnum í ÍA í 32 liða úrsltum Mjólkurbikarsins. Leikið var í Akraneshöllinni og fóru leikar þannig að Skagamenn, sem eru með lið í Bestu deild karla, höfðu betur og enduðu þar með bikarævintýri Stólanna. Lokatölur þó aðeins 3-0.Meira -
Erum allar ready í alvöru seríu - segir Brynja Líf
feykir.is Skagafjörður, Íþróttir, Ljósmyndavefur 25.04.2024 kl. 14.22Það hefur verið gaman að fylgjast með liði Stólastúlkna í körfunni í vetur og nú spilar liðið til úrslita um sæti í Subway-deildinni að ári. Það er mikil breyting á liðinu frá því árið áður, mörg púsl bættust í hópinn síðasta haust sem Helgi þjálfari hefur náð að sameina í heilsteypta mynd. Eitt lykilpúslið er Brynja Líf Júlíusdóttir, 16 ára stúlka frá Egilsstöðum, sem kom á Krókinn til að spila með liði Tindastóls og stunda nám á náttúruvísindabraut og í körfuboltaakademíu FNV. Hún er ein efnilegasta körfuboltastúlka landsins í sínum árgangi og í síðasta leiknum gegn Snæfelli á dögunum þá gerði hún átta af tíu stigum Tindastóls í framlengingu.Meira -
Kvenfélag Svínavatnshrepps hélt upp á 150 ára afmælið með kökuveislu af gamla skólanum
feykir.is Austur-Húnavatnssýsla, Mannlíf 25.04.2024 kl. 13.43Kvenfélag Svínavatnshrepps hélt upp á 150 ára afmæli sitt 20. apríl sl. Var öllum kvenfélagskonum í Austur-Húnavatnssýslu boðið í kaffi í Dalsmynni. Þar var mikil kökuveisla sem einkenndist af því að hafa kaffibrauð sem hugsanlega hefði getað verið á borðum er kvenfélagið var stofnað.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.