Hvalreki á Sauðárkróki – fýlan ólýsanleg
Dauður hvalur marar nú í fjörunni neðan við slökkvistöðina á Sauðárkróki, forvitnum augum til skemmtunar en fínum nefjum til angurs. Hvalurinn er greinilega löngu dauður því óþefurinn af honum ætlar alla að drepa er búa í nágrenninu og sjá má viðbjóðssvip forvitinna Króksara sem berja hræið augum. Sjómaður sem var á staðnum er blaðamaður leit á skepnuna, segir að þarna sé um búrhval að ræða, líklega um tólf metra langan en hann mun vera stærstur allra tannhvala. Algengt er að þeir verði 8-20 m á lengd og 20-50 tonn að þyngd.
Kona sem býr í næsta nágrenni við staðinn segist hafa kúgast þegar hún opnaði austurgluggann í svefnherberginu sínu í morgun og hélt að verið væri að gera at í þeim hjónum með einhverju ógeði við gluggann þeirra en þá stóð vindur beint af hvalnum, sem farinn er að rotna allískyggilega, og beint á húsið þeirra. Ekki líta allir á hvalrekann sem eintóma óhamingju því hann er hrein veisla fyrir marga fugla og aðrar skepnur. Fyrir utan hina hefðbundnu sjófugla og krummann sívinsæla hafa sést á sveimi fálkar tveir sem setjast á hræið og ná sér í bita en fljúga svo burt. Halda menn að þeir séu jafnvel komnir með unga í hreiður einhversstaðar á Nestánni en þeir verpa snemma á vorin eins og hrafninn.
Eftir því sem næst verður komist verður hvalnum ekki komið burt fyrr en á morgun þar sem frídagur er í dag en vegna hagræðingaraðgerða sveitarfélagsins er ekki leyfilegt að vinna yfirvinnu á þess vegum.
Konan sem Feykir ræddi við var ekki ánægð með þann sparnað og sagði þau hjón ætla að halda til hjá syni þeirra og tengdadóttur þar til þessi ófögnuður væri farinn úr fjörunni.
Fleiri fréttir
-
Lagfæra á Hólaveg í Hjaltadal fyrir Landsmót
feykir.is Skagafjörður, Lokað efni 20.06.2025 kl. 14.12Í aðsendri grein Eyjólfs Ármannssonar innviðaráðherra og oddvita Flokks fólksins í Norðvesturkjördæmi, sem birtist á Feyki.is í morgun, segir ráðherra að komið sé að skuldadögum og hyggst gera skurk í vegaframkvæmdum víða um land. „Ríkisstjórnin hefur samþykkt að veita þriggja milljarða króna viðbótarframlag til viðhalds á vegakerfinu á þessu ári,“ Þar á meðal segir ráðherra að ráðist verði í endurbætur á Hólavegi í Hjaltadal.Meira -
Basile áfram með Stólunum næsta vetur
feykir.is Skagafjörður, Íþróttir 20.06.2025 kl. 13.19Í rilkynningu á Facebook-síðu körfuknattleiksdeildar Tindastólst segir að Dedrick Basile hafi samið við Tindastól um að leika með liðinu næstkomandi tímabil. Basile var einn af burðarásum liðsins í fyrra og er endurkoma hans mikið ánægjuefni. „Ég er kominn aftur! Við eigum óklárað verkefni fyrir höndum. Let´s gooo!Meira -
Komið að skuldadögum | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.06.2025 kl. 11.17Ný ríkisstjórn tók við stjórnartaumunum með skýrt leiðarstef; að rjúfa kyrrstöðu og hefja sókn við uppbyggingu innviða. Við stöndum frammi fyrir mikilli áskorun, enda blasir við vegakerfi sem hefur setið á hakanum um árabil.Meira -
Skáksambandið gaf Húnabyggð útitafl
feykir.is Austur-Húnavatnssýsla, Mannlíf, Lokað efni 20.06.2025 kl. 07.44Nú stendur yfir Íslandsmótið í skák í vöggu skákíþróttarinnar á Íslandi, Blönduósi. 100 ára afmælismót Skáksambands Íslands fer fram dagana 13.-22. júní. Nú á 17. júní þá afhenti sambandið Húnabyggð útitafl að gjöf í tilefni afmælisins og er það staðsett á lóð Húnaskóla.Meira -
Hannibal, Grímar og Strengur þjóna hryssum um land allt
feykir.is Skagafjörður, Hestar, Lokað efni 19.06.2025 kl. 15.17Sæðingar hafa verið stundaðar í hrossarækt á Íslandi um árabil. Hafa þá hestarnir verið staðsettir á ákveðnum stöðum og hryssueigendur mætt með gripi sína þangað. Á Fb. Síðunni: Þúfur icelandic horsecenter Gísli & Mette, má lesa eftirfarandi:Meira
