Íbúa-og átthagafélag stofnað í Fljótum -Vettvangur samvinnu um framfaramál
Mánudaginn 25. apríl var Íbúa- og átthagafélag Fljóta stofnað á fundi í Félagsheimilinu Ketilási. Ágætis mæting var á fundinn og mikill hugur í fundarmönnum. Tilgangur félagsins er að stuðla að eflingu samfélags, atvinnulífs og fagurs mannlífs í Fljótum í Skagafirði, en starfsemin verður fólgin í að vera vettvangur samvinnu um framfaramál Fljótamanna, sem og að standa fyrir verkefnum og viðburðum sem styðja við jákvæða samfélagsþróun innan sveitarinnar.
Ljóst er að Fljótin hafa verið í vörn á undarförnum árum þegar horft er til byggðaþróunar. Vonir standa þó til þess að hægt verði að snúa vörn í sókn og tryggja byggð í Fljótum til framtíðar. Þar eru gríðarleg tækifæri til vaxtar sjálfbærrar og hæglátrar ferðaþjónustu (slow travel) á ársgrundvelli. Má þar nefna tækifæri varðandi gönguferðir og skíðamennsku, sögu svæðisins, náttúrufegurð, miðnætursól og norðurljós.
Hinu nýstofnaða félagi er ætlað að verða vettvangur þeirrar vinnu sem framundan er, efla samstöðu og samvinnu innan byggðarinnar, marka framtíðarsýn fyrir svæðið og verða vísir að nauðsynlegu klasasamstarfi ferðaþjónustuaðila og annarra hagsmunaaðila.
Líflegar umræður sköpuðust á fundinum og voru margar hugmyndir viðraðar um verkefni sem félagið gæti haft forgöngu um. Er þar ekki síst horft til þess að virkja þann góða hug og sterku taugar sem fjölmargir brottfluttir bera til svæðisins.
Kosin var fimm manna stjórn en hana skipa:
Sjöfn Guðmundsdóttir, formaður, sjofn@gav.is
Stefanía Hjördís Leifsdóttir, gjaldkeri, bruna@simnet.is
Kristín Sigurrós Einarsdóttir, ritari, gagnvegur@gmail.com
Sólrún Júlíusdóttir, meðstjórnandi, solrunjul@gmail.com
Arnar Þór Árnason, meðstjórnandi
Til vara:
Anna Guðný Hermannsdóttir
Halldór Hálfdánarson
Herdís Sæmundardóttir
Sigtryggur Kristjánsson
Þorlákur Sigurbjörnsson
Öllum er heimilt að gerast félagsmenn og geta áhugasamir haft samband í gegnum netföng stjórnarmanna og gerst stofnfélagar. Þá verður hefur verið stofnaður fésbókarhópur með nafni félagsins. Þar verða viðraðar ýmsar hugmyndir og fluttar fréttir af starfsemi félagsins.
Fleiri fréttir
-
Grunnskóli Húnaþings og austan Vatna aftur í Málæði
feykir.is Skagafjörður, Vestur-Húnavatnssýsla, Lokað efni 13.10.2025 kl. 12.00Nú hefur það verið gefið út hvaða skólar verða með í Málæði þetta árið. Málæði er skapandi keppni á vegum verkefnisins List fyrir alla, þar sem nemendum alls staðar af landinu gefst kostur á að senda inn eigin tónverk og texta. Nú er það orðið ljóst að bæði Grunn- og Tónlistarskóli Húnaþings vestra og Grunnskóli austan Vatna hafa verið valdir til þátttöku annað árið í röð. Munu þau Friðrik Dór og Birgitta Haukdal ásamt Vigni Snæ mæta í grunnskólana tvo í vikunni.Meira -
Ómar Bragi sæmdur gullmerki UMFÍ
feykir.is Skagafjörður, Íþróttir 13.10.2025 kl. 11.05Þau Klara Bjarnadóttir, formaður Ungmennafélags Grindavíkur, og Ómar Bragi Stefánsson voru sæmd Gullmerki UMFÍ á Sambandsþingi UMFÍ í gær. Ómar Bragi hlýtur Gullmerkið fyrir sjálfboðaliðastarf sitt fyrir knattspyrnudeild Tindastóls á Sauðárkróki.Meira -
Elín gerð að heiðursfélaga FÍSOS
feykir.is Austur-Húnavatnssýsla, Listir og menning 13.10.2025 kl. 10.50Elín S. Sigurðardóttir, forstöðumaður Heimilisiðnaðarsafnsins á Blönduósi, hefur verið gerð að heiðursfélaga Félags íslenskra safna og safnamanna. Hún hlaut nafnbótina nýverið ásamt þremur öðrum en öll eiga þau það sameiginlegt að hafa sinnt safnamálum af miklum metnaði í gegnum tíðina og tekið virkan þátt í samfélagi safnafólks. Þetta kemur fram á vef Húna.Meira -
Uppskeruhátíð Æskulýðsdeildar Skagfirðings
feykir.is Skagafjörður, Íþróttir, Hestar 13.10.2025 kl. 09.33Uppskeruhátíð Æskulýðsdeildar Skagfirðings fór fram í Tjarnarbæ 12.október sl. þar sem veitt voru verðlaun fyrir tímabilið. Knapar ársins í unglingaflokki og barnaflokki, knapar æskulýðsdeildarinnar fengur veittar viðurkenningar og einnig pollarnir.Meira -
Setti sér raunhæf markmið
feykir.is Skagafjörður, Vestur-Húnavatnssýsla, Lokað efni 12.10.2025 kl. 10.00Freyja Lubina Friðriksdóttir er frá Brekkulæk í Miðfirði, dóttir Friðriks bónda og Henrike félagsráðgjafa. Freyja er hálf þýsk og því kannski hægt að segja að Bautzen sé svo hennar annað heimili. Freyja lærði húsasmíði í Fjölbrautaskóla Norðurlands vestra og núna býr hún tímabundið á Sauðárkróki og vinnur á Trésmiðjunni Borg. Freyja fór í byrjun september og keppti í húsasmíði fyrir Íslands hönd á EuroSkills, Evrópukeppni iðngreina en henni var boðið að taka þátt í keppninni og gat að eigin sögn ekki annað en sagt já. Feykir tók tal af Freyju þegar hún var komin heim.Meira
