Íbúafundur með samgönguráðherra í kvöld
Í kvöld, miðvikudaginn 14. nóvember kl. 20:00, er boðað til íbúafundar á Hótel Hvítserk í Vesturhópi vegna slæms ástands Vatnsnesvegar. Samgönguráðherra, Sigurður Ingi Jóhannsson, mætir á fundinn.
Í hádegisfréttum útvarps í dag var rætt við Guðnýju Hrund Karlsdóttur, sveitarstjóra í Húnaþingi vestra, þar sem hún segir íbúa svæðisins vera að gefast upp á ástandinu. Segir hún það að vegurinn sé ekki á fimm ára samgönguáætlun vera til marks um skilningsleysi þingmanna og stjórnvalda. „Vonandi getur samgönguráðherra svarað fyrir það. Það má eiginlega segja að þegar þetta kemst ekki einusinni inn á áætlun að það sé einhverskonar lokapunktur eða merki um þetta gríðarlega skilningsleysi á þeim aðstæðum sem við búum við hérna.“
Guðný segir að það vanti sárlega skilning á því að þetta ástand verði að laga í stað þess að sóa tugum milljóna, ef ekki hundruðum, í alls kyns viðhaldsverkefni sem verði að engu í næstu rigningu. „Þannig að ég trúi ekki öðru heldur en að ráðamenn, sem vilja fara vel með almannafé, fari í varanlegar, viðunandi aðgerðir,“ segir Guðný Hrund Karlsdóttir, sveitarstjóri Húnaþings vestra.
Fréttir af fyrri íbúafundum: Segja ástand Vatnsnesvegar jaðri við barnaverndarmál og Binda vonir við að fundur með samgönguráðherra og fulltrúum Vegagerðar skili árangri.
Fleiri fréttir
-
Basile baneitraður í blálokin á Hlíðarenda
feykir.is Skagafjörður, Íþróttir, Lokað efni 06.10.2025 kl. 21.36Tindastólsmenn skiluðu sér loks til landsins á laugardagskvöld eftir hetjuframmistöðu í Bratislava. Ekki komust strákarnir norður í Skagafjörð því Valsmenn biðu þeirra á Hlíðarenda í frestuðum leik sem fram átti að fara á laugardag. Hann var spilaður í kvöld og ef einhver þurfti á því að halda að láta reyna á gömlu góðu pumpuna þá brugðust þessir gömlu fjendur ekki. Úr varð naglbítur og réðust úrslitin á lokasekúndunum. Lokatölur 85-87.Meira -
Myndir frá réttarstörfum og smalamennsku í Húnaþingi
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla, Mannlíf 06.10.2025 kl. 20.35Það styttist óðfluga í fyrsta vetrardag en við getum nú varla verið annað en þakklát fyrir að mestu yndælt sumarveður sem oftar en ekki var bæði stillt og milt. Ef veðurspár næstu daga eru skoðaðar er ekki annað að sjá en að sæmilega milt veður sé í kortunum og skríður jafnvel yfir tíu gráðurnar um helgiina. Smalamennsku er að mestu lokið og almenn réttarstörf en Feykir falaðist eftir myndum hjá Eydísi Ósk sem myndaði af lipurð smalamennsku og réttarstörf á Vatnsnesinu.Meira -
Staðfest riðutilfelli á Kirkjuhóli
feykir.is Skagafjörður, Lokað efni 06.10.2025 kl. 19.37Hefðbundin riðuveiki í sauðfé hefur verið staðfest á bænum Kirkjuhóli í Skagafirði. Í frétt á síðu Matvælastofnunar segir að grunur um riðuveiki hafi vaknað í síðustu viku hjá eigendum fjárins vegna dæmigerðra einkenna í einni þriggja vetra á og höfðu þeir umsvifalaust samband við Matvælastofnun. Kindin var aflífuð, sýni tekin úr henni og sett var á flutningsbann vegna rökstudds gruns um riðuveiki. Tilraunastöð HÍ í meinafræði að Keldum hefur staðfest hefðbundna riðu í sýnunum.Meira -
Útsetning á þaragarði úti fyrir Heggstaðanesi
feykir.is Vestur-Húnavatnssýsla 06.10.2025 kl. 15.36Fyrirtækið Sjótækni stendur að útsetningu á þaragarði úti fyrir Heggstaðanesi í Húnaþingi vestra. Á heimasíðu Húnaþings vestra segir að tilraunaverkefnið snúi að ræktun þara og mun útsetningu umgjarðarinnar í kringum verkefnið ljúka í dag en hún hófst 2. október.Meira -
Dom Furness framlengir við Kormák/Hvöt
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 06.10.2025 kl. 08.22Þær stórbrotnu fréttir voru kynntar á Aðdáendasíðu Kormáks að knattspynuþjálfarinn Dominic Louis Furness hafi framlengt samning sinn við Kormák Hvöt um tvö ár og verði því við stýrið þegar blásið verður til 2. deildar karla sumarið 2026 og áfram.Meira
