Íbúagátt á heimasíðu Húnaþings vestra

Á heimasíðu Húnaþings vestra hefur nú verið opnuð rafræn íbúagátt.  Þar er hægt að nálgast útgefna reikninga frá sveitarfélaginu. Einnig er hægt að skrá sig inn á svæði hitaveitunnar þar sem nálgast má allar helstu upplýsingar eins og notkun, álestra, hreyfingayfirlit, reikninga og viðskiptastöðu.  Notendur skrá sig inn á íbúagáttina með íslykli. 

Í frétt á heimasíðunni kemur fram að með þessari þjónustu mun Húnaþing vestra hætta útprentun hitaveitureikninga. Þeir einstaklingar sem vilja áfram fá senda útprentaða reikninga geta óskað eftir því með að senda póst á netfangið helena@hunathing.is. 

„Með þessu er sveitarfélagið að auka þjónustu  við íbúa sveitarfélagsins og stuðla að umhverfisvænum rekstri,“ segir í fréttinni.

Athugasemdir eru á ábyrgð þeirra sem þær skrá.

Feykir áskilur sér þó rétt til að eyða ummælum sem metin verða sem ærumeiðandi eða ósæmileg.

Smelltu hér til að tilkynna óviðeigandi athugasemdir.

Fleiri fréttir