Íris Ösp valin í æfingahóp U15 landsliðsins

feykir.is Skagafjörður, Íþróttir 16.09.2026 kl. 11.11 oli@feykir.is
Íris Ösp. MYND: SIGURÐUR INGI
Íris Ösp. MYND: SIGURÐUR INGI

Króksarinn Íris Ösp Elefsen, leikmaður Tindastóls, hefur verið valin í æfingahóp U15 landsliðs kvenna. Hún er fædd árið 2012 en er afar efnileg. Hún ætti að öllu jöfnu að spila í 4. flokki en hefur spilað með 3. flokki Tindastóls/HFK í sumar og reyndar einnig með meistaraflokki Tindastóls í Lengjudeildinni þar sem hún var meðal annars í byrjunarliðinu í síðustu tveimur leikjunum.

Æfingahópur U15 landsliðsins kemur saman til æfinga dagana 22.–24. september í Miðgarði í Garðabæ þar sem hópurinn æfir undir stjórn Gunnhildar Yrsu Jónsdóttur landsliðsþjálfara.

Við óskum Írisi Ösp til hamingju og góðs gengis á æfingunum!

Til baka

Fleiri fréttir

  • Séð yfir Sauðárkrók. Mynd: feykir.is

    Atvinnulífssýning Skagafjarðar 2026 | Helgina 19.-20. september

    feykir.is Skagafjörður, Mannlíf, Lokað efni 16.09.2026 kl. 12.20 hinrik@feykir.is
    Um næstu helgi, 19.-20. september, verður Atvinnulífssýning Skagafjarðar haldin í íþróttahúsinu á Sauðárkróki og gefst gestum kostur á að kynnast þeirri fjölbreyttu starfsemi sem einkennir atvinnulíf og samfélag í héraðinu.
    Meira

  • Haukar höfðu betur í Gatorade-bikarnum á Blönduósi

    feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 16.09.2026 kl. 09.27 oli@feykir.is
    Undanúrslitaleikurinn í Gatorade-bikarnum fór fram á Blönduósi í gærdag, hófst kl. 16:15 en náði reyndar fram á kvöld þar sem boðið var upp framlengingu og vítakeppni. Lið Kormáks/Hvatar mætti liði Hauka Hafnarfirði en bæði liðin spila í 2. deild en Haukar urðu deildarmeistarar og spila því í Lengjudeildinni að ári. Það var hart barist á Blönduósvelli, staðan 1-1 eftir venjulegan leiktíma og framlengingu en vítakeppnina unnu gestirnir 3-4 og spila því til úrslita í keppninni.
    Meira
  • Það er opið fyrir umsóknir. Mynd: ssnv.is

    Uppbyggingarsjóður Norðurlands vestra opnar 16. september

    feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 16.09.2026 kl. 09.15 hinrik@feykir.is
    Opnað verður fyrir umsóknir í Uppbyggingarsjóð Norðurlands vestra 16. september. SSNV hvetur einstaklinga, fyrirtæki, félagasamtök og stofnanir með hugmyndir að verkefnum til að kynna sér tækifærin sem sjóðurinn býður upp á. Sjóðurinn styður við atvinnuþróunar- og nýsköpunarverkefni, menningar- og samfélagsverkefni og veitir auk þess stofn og rekstrarstyrki til stofnana á sviði menningarmála á Norðurlandi vestra og gegnir þannig mikilvægu hlutverki í að koma góðum hugmyndum í framkvæmd. Í síðustu úthlutun, vegna verkefna ársins 2026, var rúmum 76 milljónum króna úthlutað til uppbyggingar í landshlutanum.
    Meira
  • Heitavatnslaust í dag milli 16 og 17. Mynd: Aðsend.

    Sauðárkróksbúar athugið! Vatnslaust í dag milli 16 og 17

    feykir.is Skagafjörður 16.09.2026 kl. 08.40 hinrik@feykir.is
    Vakin er athygli á því að loka þarf fyrir heitavatnið miðvikudaginn 16. september frá kl. 16:00 til 17:00, vegna breytinga á tengingum við Mjólkursamlag KS. Um er að ræða lokun sem nær til alls neðri bæjarins, frá Skagfirðingabúð og að Steinull. Beðist er velvirðingar á þeim óþægindum sem þetta kann að valda.
    Meira
Yfirlit frétta