Íbúar ósáttir við frágang gangstétta - Verkið verður klárað að sögn formanns byggðaráðs
Íbúar í Varmahlíð eru ósáttir við frágang gangstétta í þorpinu og vilja að gengið verði almennilega frá þeim hið fyrsta. „Við verðum að fá malbik á þetta strax, ef það er ekki til fjármagn þá verður bara að fá aukafjárveitingu í þetta til þess að ganga frá þessu,“ segir Kolbeinn Konráðsson íbúi í Varmahlíð.
Gangstéttin sem um ræðir nær frá Furulundi hjá leikskólanum, upp Skólastíginn og inn Birkimel, fram hjá Miðgarði - menningarhúsi Skagfirðinga. Þar var sandur borinn í gangstéttarnar en ottódekk upp Skólastíginn, en kantsteinar voru ekki lagfærðir né settir nýir.
Eftir 4-5 daga rigningu lítur nýja gangstéttin á Skólastíg svona út. Ljósm./BÞ
„Ég fékk þau svör að þetta væri endanlegt – þetta væri bara flott svona og að það væri ekki til fjármagn í frekari framkvæmdir. Þeir hafa betur sleppt þessu og gert þetta almennilega í áföngum en að gera þetta svona. Ég vil trúa því að þeir fari í það fljótlega að klára þetta fyrst þeir byrjuðu á þessu. Við viljum hafa þetta eins og hjá öðru fólki. Við borgum skatta og gjöld eins og aðrir, þetta er ekki boðlegt,“ segir Kolbeinn.
Stefán Vagn Stefánsson formaður byggðaráðs Svf. Skagafjarðar sagði í samtali við Feyki að verkið verði klárað, enda aldrei neitt annað staðið til og umræðan innan stjórnsýslunnar aldrei verið á annan veg. Þegar framkvæmdir hófust hafi komið í ljós að verkið væri umfangsmeira en upphaflega var gert ráð fyrir, vegna lélegs undirlags, og því hafi fjármagn klárast. Ætlunin sé að veita aukafjárveitingu í verkið og það klárað sem fyrst, vonandi í sumar svo framarlega sem verktakar séu ekki bundnir í öðrum verkum.
Fleiri fréttir
-
Axel Íslandsmeistari í pílu í U18 flokki stráka
feykir.is Skagafjörður, Íþróttir, Lokað efni 24.05.2025 kl. 18.08Það fór þó aldrei svo að Axel Arnarsson yrði ekki Íslandsmeistari í vikunni. Í dag varð hann fyrsti Íslandsmeistari Pílukastfélags Skagafjarðar þegar hann sigraði í U18 flokki stráka en fyrr í vikunni munaði mjóu að hann yrði Íslandsmeistari í körfuknattleik með meistaraflokki Tindastóls.Um var að ræða Íslandsmót ungmenna í pílu sem fram fór á Bullseye í Reykjavík.Meira -
Fann þegar hún var skiptinemi á Ítalíu hvað tónlist getur verið mikll félagi / VIGDÍS HAFLIÐA
feykir.is Vestur-Húnavatnssýsla, Tón-Lystin, Lokað efni 24.05.2025 kl. 17.27Það fer ekkert alltaf allt eins og planað er þrátt fyrir góðan vilja. Þannig til dæmis ætlaði snillingurinn sem hún Vigdís Hafliðadóttir er að svara Tón-lystinni og nokkrum spurningum um ferminguna í tíma fyrir útgáfu Fermingar-Feykis. En svo togar lífið í nokkra spotta og tíminn flýgur út i tómið. Vigdís var engu að síður harðákveðin í því að bregðast Feyki ekki og eftir þétta vinnutörn stökk hún í að klára að svara.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Heimavöllur Húnvetninga heldur áfram að gefa
feykir.is Austur-Húnavatnssýsla, Íþróttir, Vestur-Húnavatnssýsla, Lokað efni 24.05.2025 kl. 17.15Lið Kormáks/Hvatar og Kára frá Akranesi mættust í fjórðu umferð 2. deildar karla í knattspyrnu á Blönduósi í dag. Liðin höfðu mæst fjórum sinnum áður og jafnan verið hart barist og alls kyns óvænt atvik litað leiki liðanna. Eitt mark dugði þó til að fá fram hagstæð úrslit fyrir Húnvetninga og 1-0 sigur staðreynd.Meira -
Sannfærð um að búvörulögin séu til góðs fyrir bændur, neytendur og fyrirtækin
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.05.2025 kl. 22.34Dómur Hæastaréttar Íslands í máli Inness gegn Samkeppnisstofnunu varðandi lögmæti búvörulaganna umdeildu hefur verið mikið í umræðunni í vikunni og sitt sýnist hverjum. Forstjóri Samkeppnisstofnunar hefur gengið hvað harðast fram í gagnrýni á lögin og sakað þá sem töluðu fyrir búvörulögunum um lygar. Til stendur að breyta lögunum eða fella þau niður en dómur Hæstaréttar verður varla til að einfalda það. Feykir hafði samband við Margréti Gísladóttur frá Glaumbæ sem jafnframt er framkvæmdastjóri Samtaka fyrirtækja í landbúnaði og lagði fyrir hana nokkrar spurningar.Meira
