Ingvi Hrannar Ómarsson hlaut hvatningarverðlaun Íslensku menntaverðlaunanna
Tilkynnt var um verðlaunahafa Íslensku menntaverðlaunanna í dag en þeim er ætlað að auka veg menntaumbótastarfs og vekja athygli samfélagsins á metnaðarfullu og vönduðu skóla- og frístundastarfi með börnum og unglingum. Verðlaunin eru veitt í þremur aðalflokkum auk hvatningarverðlauna og bárust fjölmargar tilnefningar í öllum þeirra. Hvatningarverðlaun Íslensku menntaverðlaunanna hlýtur að þessu sinni Ingvi Hrannar Ómarsson kennari og frumkvöðull á Sauðárkróki.
Ingvi Hrannar hefur verið ötull í skapandi fræðslu og hefur Utís verkefni hans, sem er lærdómssamfélag brautryðjenda í kennsluháttum, fengið verðskuldaða athygli. Fyrir þá vinnu fær Ingvi Hrannar þessa viðurkenningu í dag en á heimasíðu menntamálaráðuneytisins eru einnig talin upp framúrskarandi stuðningur við starfsþróun íslenskra kennara með miðlun framsækinna hugmynda um skapandi skólastarf, nýsköpun og upplýsingatækni þar sem nemandinn er í brennidepli.
"Að hljóta Íslensku menntaverðlaunin árið 2020 er að ég held minn stærsti heiður á starfsferlinum til þessa og er ég þakklátur að hljóta þau ásamt öllum þeim kennurum um land allt sem hafa sótt Utís ráðstefnuna allt frá árinu 2015.
En þó ég sé sá sem tekur við verðlaunum væru þau ekki möguleg án hóps einhverra mögnuðustu kennara landsins, þar sem sköpunargleði, kraftur, gleði og samvinna er í fyrirrúmi. Mitt hlutverk hefur að mestu snúið að því að búa til vettvanginn sem Utís er fyrir frumkvöðlana í skólum um land allt til þess að hittast, deila og læra saman. Utís er og hefur verið magnaðasta verkefni sem ég hef tekið þátt í og er heiður að vera í forsvari fyrir þennan ótrúlega hóp," skrifar Ingvi Hrannar m.a. á Facebooksíðu sína.
Aðrir verðlaunahafar Íslensku menntaverðlaunanna 2020 eru:
Verðlaun fyrir framúrskarandi skólastarf eða menntaumbætur hlýtur Dalskóli í Úlfarsárdal í Reykjavík fyrir þróun þverfaglegra skapandi kennsluhátta, meðal annars í svokölluðum smiðjum og starfsþróunarverkefni þar sem kennarar rannsaka eigið starf.
Verðlaun sem framúrskarandi kennari hlýtur Birte Harksen kennari við Heilsuleikskólann Urðarhól í Kópavogi fyrir framúrskarandi kennslu og frumkvæði við að efla skapandi og leikmiðaða starfshætti í leikskólum með vefsvæðunum Börn og tónlist, Leik að bókum og Stafagaldri.
Verðlaun fyrir framúrskarandi þróunarverkefni hlýtur þróunarverkefnið Smiðjur í Langholtsskóla í Reykjavík sem hefur það markmið að auka veg þverfaglegra viðfangsefna með áherslu á sköpun, lykilhæfni og nýtingu upplýsingatækni í námi.
Hægt er að sjá myndband af verðlaunaafhendingunni HÉR
Fleiri fréttir
-
Samningur undirritaður um styrk til tækniaðstöðu á Hvammstanga
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 19.01SSNV og Húnaþing vestra hafa undirritað samning vegna styrks til uppsetningar á tæknimiðstöð í anda FabLab smiðju í samfélagsmiðstöð í Félagsheimilinu á Hvammstanga að upphæð 10.500.000 kr. Fram kemur í frétt á síðu SSNV að verkefnið snýst um að koma upp nýsköpunar-, viðgerða- og þróunaraðstöðu fyrir íbúa á svæðinu, sem og aðstöðu fyrir félagsstarf.Meira -
Valið vekur furðu vestan Þverárfjalls
feykir.is Skagafjörður, Austur-Húnavatnssýsla, Vestur-Húnavatnssýsla 26.04.2024 kl. 11.20Heimasíða RÚV flytur fréttir en þar mátti í morgun sjá athyglisverða og skemmtilega úttekt á fótboltavöllum landsins. Þar eru nefndir til sögunnar fótboltavellirnir á Sauðárkróki og á Hofsósi þó svo að þeir ágætu vellir hafi ekki komist í hóp tíu flottustu valla landsins. Blönduósvöllur og Sjávarborgarvöllur á Hvammstanga voru ekki nefndir á nafn í úttektinni og því leitaði Feykir viðbragða hjá Aðdáendasíðu Kormáks og þar stóð ekki á svörum en umsjónarmaður furðar sig á valinu.Meira -
Atli Þór fullkomnar hóp Kormáks/Hvatar
feykir.is Austur-Húnavatnssýsla, Íþróttir, Vestur-Húnavatnssýsla 26.04.2024 kl. 09.44Síðasti dagur félagaskipta í efri deildum Íslandsmótanna í knattspyrnu var nú á miðvikudaginn. Þá bætti lið Kormáks/Hvatar við sig einum leikmanni því Atli Þór Sindrason var síðasta liðsstyrking hópsins fyrir mót.Meira -
Sæluvikan að bresta á
feykir.is Skagafjörður, Listir og menning 26.04.2024 kl. 08.34„Skipulagning Sæluviku gengur vel og viðburðir eru enn að bætast við,“ segir Heba Guðmundsdóttir sem hefur veg og vanda af skipulagningu Sæluvikunnar líkt og undanfarin ár og má því mögulega kalla verkefnastjóra Sæluvikunnar. „Það verða flestir fastir liðir á sínum stað á Sæluviku og mér finnst alltaf vera metnaður og spenna fyrir því að vera með hjá þeim sem skapað hafa þá hefð að standa fyrir viðburði á Sæluviku.“Meira -
Vinnustofa um gerð loftlagsstefnu sveitarfélaga
feykir.is Austur-Húnavatnssýsla, Vestur-Húnavatnssýsla 26.04.2024 kl. 08.32SSNV stóð fyrir vinnustofu í félagsheimilinu á Hvammstanga nú í vikunni um gerð loftlagsstefnu sveitarfélaga í samtarfi við KPMG. Vinnustofan var sérstaklega fyrir Húnavatnssýslur. Góð þátttaka var á vinnustofunni og áhugaverðar umræður sköpuðust.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.